| schema:text
| - Rrena e Haskukës për barazi gjinore në drejtoritë komunale
Deklarata
Nga 13 drejtori do t’i reduktojmë në 10, pesë prej tyre do të udhëhiqen prej grave
Vlerësimi
Rrenë e kryptë
Haskuka është larg realizimit të premtimit për emërimin e grave në krye të drejtorive. Aktualisht, nga trembëdhjetë drejtori sa janë në këtë komunë, vetëm dy udhëhiqen nga gratë.
Artikulli
Kryetari i Komunës së Prizrenit, Mytaher Haskuka, ende është larg realizimit të premtimit për emërimin e grave në krye të drejtorive.
I pari i Prizrenit pati premtuar që 50 për qind e drejtorive në mandatin e tij do të udhëhiqeshin nga gratë.
“Nga 13 drejtori do t’i reduktojmë në 10, pesë prej tyre do të udhëhiqen prej grave”, pati theksuar kandidati i VV-së, Mytaher Haskuka.
Haskuka nuk e ka ulur numrin e drejtorive në këtë komunë.
Aktualisht, nga trembëdhjetë drejtori sa janë në këtë komunë, vetëm dy udhëhiqen nga gratë.
Sevil Kazaz udhëheqë Drejtorinë e Turizmit dhe Zhvillimit Ekonomik që nga fillimi i mandatit në 2017-ën.
Xhemile Thaçi Vezgishi që nga dje ka marrë timonin e Drejtorisë së Arsimit në Prizren pas shkarkimit të Gani Gërmizaj nga posti i drejtorit, pasi ai dyshohej për parregullsi në themelimin e komisioneve për konkurse të hapura pranë drejtorisë së Arsimit në Prizren.
Para Gërmizajt, Drejtoria e Arsimit në këtë komunë ishte udhëhequr nga Skënder Susuri, deri në muajin maj të këtij viti.
Susuri ishte larguar nga kjo drejtori pas kërkesës së NISMA-s Socialdemokrate.
Konkurset për mësimdhënës, konkursi i përsëritur për drejtorë të shkollave, akuzat e shumta për punësime familjare a partiake, kanë qenë sfidat që i kanë shoqëruar drejtorët e Nismas.
Kjo ka bërë që Haskuka të emërojë në krye të kësaj drejtorie një kandidate apartiake grua.
Flaka Siqeca ka udhëhequr Drejtoria e Shëndetësisë por ajo është liruar nga detyra në Komunë deri në përfundim të studimeve post diplomike në Mbretërinë e Bashkuar.
Drejtoria e Shëndetësisë pas lirimit nga detyra të Flaka Siqecës, udhëhiqet nga Visar Shehu, i cili kishte qenë këshilltar i Mytaher Haskukës për çështje ekonomike dhe financiare, që nga fillimi i mandatit.
Emërimi i Visar Shehut në Drejtorinë e Shëndetësisë kishte bërë që dymbëdhjetë drejtori të Komunës së Prizrenit të udhëhiqen nga burrat, deri në emërimin e Xhemile Thaçi Vezgishi.
Drejtori për Financa në komunën e Prizrenit, Ertan Simitçi, ka dhënë dorëheqje nga pozita e tij pasi është vënë në akuzë nga Prokuroria për keqpërdorim të detyrës dhe ende nuk dihet nëse kjo drejtori do të udhëhiqet nga ndonjë burrë apo grua.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)