About: http://data.cimple.eu/claim-review/871b0c22b3ab73fde42a87adbae623ce094700dbfe53d702c0681bab     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കെപിസിസി പ്രസിഡന്റ് കെ.സുധാകരന് എംപി ബിജെപി പ്രീണനം നടത്തുന്നുവെന്ന് സമൂഹമാധ്യമങ്ങളില് അദ്ദേഹത്തിന്റെ എതിരാളികള് പ്രചാരണം നടത്താറുണ്ട്. കെപിസിസി പ്രസിഡന്റായി അദ്ദേഹത്തെ തിരഞ്ഞെടുത്തപ്പോഴും സമാനമായ പ്രചാരണങ്ങള് ശക്തമായിരുന്നു. എന്നാലിപ്പോള് സിപിഎം പാര്ട്ടി കോണ്ഗ്രസുമായി ബന്ധപ്പെട്ട് സംഘടിപ്പിച്ച സെമിനാറില് പങ്കെടുക്കുന്നതിന് കോണ്ഗ്രസ് നേതാക്കളെ വിലക്കിയത് സുധാകരന്റെ ഇടപെടലാണെന്ന ആരോപണവുമായി അദ്ദേഹത്തിനെതിരെ സൈബര് പ്രചാരണം സജീവമാണ്. ബിജെപിയുമായി സഹകരിക്കുന്നതില് പ്രശ്നമില്ല സിപിഎമ്മാണ് പ്രശ്നം എന്ന് സുധാകരന് പറഞ്ഞതായാണ് പ്രചാരണം. 'നാടിനെ തകര്ക്കുന്ന Rss ഒരു പ്രശ്നമേയല്ല.. പക്ഷേ, വര്ഗീയതയ്ക്കെതിരെ ജീവന് കൊടുത്ത് പോരാടുന്ന CPIM ആണ് പ്രശനം..കെ. സുധാകരന്' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത് സുധാകരന്റെ പ്രതികരണം എഡിറ്റ് ചെയ്ത് പ്രചരിപ്പിക്കുകയാണ്. AFWA അന്വേഷണം പ്രചരിക്കുന്ന വീഡിയോയില് മാധ്യമ പ്രവര്ത്തകര് ചോദിക്കുന്നത് പ്രണബ് മുഖര്ജി ആര്എസ്എസ് വേദിയില് പോയപ്പോള് പോലും ഇത്തരത്തില് വിമര്ശനം ഉയര്ന്നില്ലല്ലോ എന്നാണ്. ഇതിനു മറുപടിയായി കെ.സുധാകരന് പറയുന്നത് 'ആര്എസ്എസ് വേദിയില് പോയതൊന്നുമല്ല ഇവിടുത്തെ പ്രശ്നം, ഇവിടുത്തെ പ്രശ്നം കേരളത്തില് സിപിഎമ്മിന്റെ സമ്മേളനവേദിയില് അവരെ താങ്ങാനായി പോയ കെ.വി.തോമസ് മാഷിനെക്കുറിച്ച് ഞങ്ങള്ക്ക് പരമ പുച്ഛമാണ്' എന്നാണ്. കെ.വി.തോമസ് സിപിഎം സമ്മേളനത്തിലെ സെമിനാറില് പങ്കെടുക്കാന് പോയതിനുശേഷം കെ.സുധാകരന് മാധ്യമങ്ങള്ക്ക് പ്രതികരണം നല്കിയതാണിത്. ഇതില് സിപിഎമ്മിനെ വിമര്ശിക്കുന്ന കെ.സുധാകരന് ബിജെപിയെ പിന്തുണച്ച് നിലപാടെടുത്തോ എന്നതാണ് ഞങ്ങള് പരിശോധിച്ചത്. ഫേസ്ബുക്ക് പോസ്റ്റില് കാണുന്നത് മീഡിയ വണ് വാര്ത്തയാണ്. 2022 ഏപ്രില് ഒമ്പതിനാണ് മീഡിയ വണ് ഈ വാര്ത്ത നല്കിയിട്ടുള്ളത്. ഇത് പരിശോധിച്ചപ്പോള് കെ.വി തോമസിനെതിരെ നടപടിയെടുക്കാന് ഹൈക്കമാന്റിന് കത്തയച്ചു സത്വര നടപടിയുണ്ടാകുമെന്ന് പറഞ്ഞാണ് സുധാകരന് സംഭാഷണം ആരംഭിക്കുന്നത്. പത്ത് മിനിട്ട് ദൈര്ഘ്യമുള്ള വീഡിയോയില് മൂന്ന് മിനിട്ട് 30 സെക്കന്റിലാണ് ആര്എസ്എസ് പരിപാടിയില് പങ്കെടുത്ത പ്രണബ് മുഖര്ജിയുടെ വിഷയം മാധ്യമ പ്രവര്ത്തകന് ഉന്നയിക്കുന്നത്. 'ഇത് ആര്എസ്എസ് വേദിയില് പോയതുമായി ബന്ധപ്പെട്ട പ്രശ്നമല്ലല്ലോ? കേരളത്തില്, പ്രത്യേകിച്ച് കണ്ണൂരില് പത്ത്-എണ്പതോളം കോണ്ഗ്രസിന്റെ ചെറുപ്പക്കാരരെ വെട്ടിയും ബോംബെറിഞ്ഞും സിപിഎമ്മുകാര് കൊന്ന കണ്ണൂരിലാണ് പരിപാടി നടക്കുന്നത്. അവരുടെ സുഹൃത്തക്കളും ബന്ധുക്കളും ജീവിക്കുന്ന ഈ മണ്ണില് അവര്ക്ക് സ്വാഭാവികമായും മനസിനേറ്റ മുറിവായിരിക്കും ഇത് ' എന്നാണ് സുധാകരന് പറയുന്നത്. അതായത് പ്രണാബ് മുഖര്ജി ബിജെപി പരിപാടിയില് പങ്കെടുത്തതുപോലെയല്ല സിപിഎം-കോണ്ഗ്രസ് സംഘര്ഷം നടക്കുന്ന കണ്ണൂരില് ഒരു കോണ്ഗ്രസ് നേതാവ് സിപിഎം വേദി പങ്കിടുന്നതിലെ ഔചിത്യമില്ലായ്മയാണ് സുധാകരന് പ്രകടമാക്കിയത്. എന്നാല് ബിജെപി പരിപാടിയില് പങ്കെടുക്കുന്നതില് കോണ്ഗ്രസുകാര്ക്ക് വിലക്കില്ലെന്നോ പ്രണബ് മുഖര്ജിയുടെ സന്ദര്ശനത്തിലെ ശരിതെറ്റുകളെക്കുറിച്ചോ കെ.സുധാകരന് ഒന്നും പറയുന്നില്ല. പക്ഷേ, സിപിഎമ്മിനെ നിശിതമായി വിമര്ശിക്കുന്നുണ്ട്. സിപിഎം പരിപാടിയില് പോയ കെ.വിതോമസിനെ ഇനി കോണ്ഗ്രസിന് വേണ്ട എന്ന് തന്നെയാണ് സുധാകരന് പ്രതികരിച്ചത്. എന്നാല് ബിജെപി അനുകൂല നിലപാടൊന്നും അദ്ദേഹം പ്രകടിപ്പിച്ചില്ല എന്നതും വ്യക്തമാണ്. മീഡിയ വണ് റിപ്പോര്ട്ട് താഴെ കാണാം ചില പോസ്റ്റുകളില് കെ.സുധാകരന് ബിജെപിയില് ചേരണമെങ്കില് ചേരുമെന്ന് പറഞ്ഞയാളാണ്, അതുകൊണ്ട് അദ്ദേഹത്തിന്റെ പ്രശ്നം സിപിഎം വിരോധം മാത്രമാണെന്നും വ്യക്തമാക്കുന്നുണ്ട്. അതില് 'ബിജെപിയില് ചേരണമെങ്കില് ഞാന് ചേരും' എന്ന പ്രതികരണം നടത്തിയ സാഹചര്യവും ഞങ്ങള് പരിശോധിച്ചു. 2018 മാര്ച്ചില് മീഡിയ വണ്ണില് നല്കിയ അഭിമുഖമാണിതെന്ന് മനസിലാക്കാനായി. എന്നാല് ഇതില് അദ്ദേഹം വ്യക്തമാക്കുന്നത് എനിക്ക് ബിജെപിയില് പോകണമെങ്കില് ഞാന് പോകും അതിന് ആരോടും ചോദിക്കേണ്ടതില്ലെന്നും എന്നാല് എന്റെ കാഴ്ചപ്പാട് കോണ്ഗ്രസിനൊപ്പമാണെന്നുമാണ്. അതായത് കെ.സുധാകരന് ബിജെപിയിലേക്ക് പോകുന്നു എന്ന രീതിയില് സമൂഹമാധ്യമങ്ങളില് വന്ന പ്രചാരണത്തോടുള്ള അമര്ഷമായാണ് അദ്ദേഹം അത്തരത്തില് പ്രതികരിച്ചതെന്നും യഥാര്ഥത്തില് കോണ്ഗ്രസ് കാഴ്ചപ്പാട് മാത്രമാണ് തനിക്കുള്ളതെന്നാണ് അദ്ദേഹം പറഞ്ഞതതെന്നും വ്യക്തമാണ്. ലഭ്യമായ വിവരങ്ങളില് നിന്ന് കെ.സുധാകരന് ബിജെപി അനുകൂല നിലപാട് സ്വീകരിക്കുന്നില്ലെന്നും പാര്ട്ടി അച്ചടക്കം പാലിക്കാതെ സിപിഎം സെമിനാറില് പങ്കെടുത്ത കെ.വി തോമസിനെതിരായ നടപടിയെക്കുറിച്ചും കെ.വി.തോമസ് പാര്ട്ടിയോട് കാണിച്ചത് അനീതിയാണെന്നുമാണ് പറയുന്നതെന്ന് വ്യക്തമാണ്. ബിജെപി പരിപാടിയില് പങ്കെടുക്കുന്നതില് പ്രശ്നമില്ലെന്ന് കെപിസിസി പ്രസിഡന്റ് കെ.സുധാകരന് . യഥാര്ഥ വീഡിയോയില് ബിജെപി അനുകൂല നിലപാടല്ല കെപിസിസി പ്രസിഡന്റ് വ്യക്തമാക്കിയത്. പാര്ട്ടി അച്ചടക്കം പാലിക്കാതെ സിപിഎം സെമിനാറില് പങ്കെടുത്ത കെ.വി തോമസിനെതിരായ നടപടിയെക്കുറിച്ചാണ് പ്രതികരിച്ചത്. ഇവിടെ ആര്എസ്എസ് യോഗത്തില് പങ്കെടുത്തതല്ല പ്രശ്നം സിപിഎം സമ്മേളനമാണ് വിഷയമെന്നുമായിരുന്നു കെ.സുധാകരന്റെ പ്രതികരണം.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software