About: http://data.cimple.eu/claim-review/8a5e15cc182a6f313c42acd9b3d3dbe84b3d72bdda145c8329ea2d6d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മൊബൈല് ഫോണ് ഉപയോഗം അമിതമാകുന്ന കുട്ടികളില് നിരവധി ശാരീരിക-മാനസിക ബുദ്ധിമുട്ടുകള് ഉണ്ടാകുമെന്ന് പഠനങ്ങളുണ്ട്. അത്തരത്തില് മൊബൈല് ഫോണ് അഡിക്ടായ ഒരു കുട്ടിയുടെ മസ്തിഷ്ക കേശങ്ങള് നശിച്ച് മരണവുമായി മല്ലിടുന്ന ദൃശ്യങ്ങള് എന്ന് അവകാശപ്പെട്ട് ഒരു വീഡിയോ ഇപ്പോള് സമൂഹമാധ്യമങ്ങളില് വൈറലാണ്. "കുട്ടികള് മൊബൈല് ഫോണ് പോലുള്ള ആധുനിക ഉപകരണങ്ങളുടെ അടിമകളാകാതിരിക്കാന് രക്ഷിതാക്കള് അതീവ ജാഗ്രത പുലര്ത്തണം മൊബൈല് ഫോണിന്റെയും ലാപ് ടോപ്പിന്റെയും ഇന്റര്നെറ്റിന്റെയും ഒക്കെ അമിത ഉപയോഗം മൂലം മസ്തിഷ്ക കോശങ്ങള് നശിച്ച് ഇപ്പോള് ജീവനും മരണവുമായി മല്ലിടുകയാണ് ഈ കൊച്ചു മിടുക്കന്." എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള വീഡിയോ മൊബൈല് ഫോണ് ഉപയോഗം കൊണ്ട് മസ്തിഷ്ക സംബന്ധമായ അസുഖം ബാധിച്ച കുട്ടിയുടേതല്ലെന്ന് ഇന്ത്യാ ടുഡേ നടത്തിയ അന്വേഷണത്തില് കണ്ടെത്താനായി. അന്വേഷണം വീഡിയോയുടെ സ്ക്രീന് ഷോട്ടുകള് റിവേഴ്സ് ഇമേജില് തിരഞ്ഞപ്പോള് നരവധി സോഷ്യല് മീഡിയ പേജുകളില് ഇത് പങ്കുവച്ചിട്ടുള്ളതായി കണ്ടെത്തി. 'ഡിസ്ട്രിക് കസൂര് ന്യൂസ് ' എന്ന പേജില് നല്കിയിട്ടുള്ള വീഡിയോയില് 'അമ്മര് ഇബാദ്' എന്ന് ഉറുദുവില് രേഖപ്പെടുത്തിയിട്ടുണ്ട്. ഈ വാക്കുകള് ഉപയോഗിച്ച് ഗൂഗിളില് തിരഞ്ഞപ്പോള് വീഡിയോയിലുള്ള കുട്ടിയുടെ ചിത്രം ഉപയോഗിച്ച് സെപ്റ്റംബര് 19ന് 'ഉറുദു ന്യൂസ്' പ്രസിദ്ധീകരിച്ച വാര്ത്ത ലഭിച്ചു. റിപ്പോര്ട്ട് പ്രകാരം വീഡിയോയിലുള്ളത് പാകിസ്ഥാന് തെഹരീക്-ഇ- ഇന്സാഫ് (PTI) നേതാവായ ഇബാദ് ഫറൂഖിന്റെ മകന് അമ്മര് ഇബാദാണ്. ഒമ്പതു വയസുകാരനായ അമ്മര് സെപ്റ്റംബര് 18ന് ലാഹോറിലെ ആശുപത്രിയില് മരണപ്പെട്ടു. മീസില്സ് (റൂബിയോള) അണുബാധ മൂലം കുട്ടിക്ക് സബ്അക്യൂട്ട് സ്ക്ലിറോസിംഗ് പെനിസെന്സെഫലൈറ്റിസ്-എസ്എസ്പിഇ(Subacute sclerosing panencephalitis -SSPE)) എന്ന രോഗാവസ്ഥയായിരുന്നുവെന്ന് ആശുപത്രി അധികൃതര് വ്യക്തമാക്കിയതായി വാര്ത്തയിലുണ്ട്. കുട്ടിയെ ആദ്യം അഡ്മിറ്റ് ചെയ്ത ആശുപത്രിയിലെ ചികിത്സാ രേഖകളും റിപ്പോര്ട്ടില് ഉള്പ്പെടുത്തിയിട്ടുണ്ട്. അതേസമയം, ഭരണകൂടത്തിന്റെ പ്രതികാര നടപടി കാരണം മാനസിക നില തകര്ന്ന അമ്മര് ന്യൂറോ സംബന്ധമായ അസുഖത്തിന് അടിമപ്പെടുകയായിരുന്നുവെന്ന് കുട്ടിയുടെ ബന്ധുക്കള് ആരോപിച്ചതായും പറയുന്നുണ്ട്. മുന് പാക് പ്രധാനമന്ത്രി ഇമ്രാന് ഖാന്റെ അറസ്റ്റിനെ തുടര്ന്ന് മെയ് 9ന് പാകിസ്ഥാനില് നടന്ന സംഘര്ഷവുമായി ബന്ധപ്പെട്ട് അമ്മറിന്റെ പിതാവ് ഇബാദ് ഫറൂഖിനെ പൊലീസ് അറസ്റ്റ് ചെയ്തിരുന്നു. പിടിഐ പ്രവര്ത്തകര്ക്കെതിരെ നടത്തിയ പ്രതികാര നടപടിയുടെ ഭാഗമായി ഇബാദിന്റെ വീടും പൊലീസ് റെയ്ഡ് ചെയ്തിതായി ബന്ധുക്കള് പറഞ്ഞു. ഇവയെല്ലാം കുട്ടിയെ ഏറെ വേദനിപ്പിച്ചുവെന്നും കുട്ടിയുടെ മരണത്തില് വിശദമായ അന്വേഷണം വേണമെന്നും ആവശ്യപ്പെട്ട് പിടിഐ സജീവമായ ക്യാംപെയ്ന് നടത്തുന്നുണ്ട്. ഇബാദ് ഫറൂഖ് ഇപ്പോഴും ജയിലിലാണ്. അമ്മറിന്റെ മരണം പാകിസ്ഥാനില് വലിയ ചര്ച്ചയാണ്. പിതാവിന്റെ അറസ്റ്റിന് മുന്പ് വളരെ മിടുക്കനായിരുന്ന കുട്ടി പതിയെ ശാരീരിക-മാനസിക ബുദ്ധിമുട്ടുകള് കാണിക്കാന് തുടങ്ങിയെന്ന് വിവരിച്ചുകൊണ്ടാണ് കുട്ടിയുടെ വീഡിയോയ്ക്കൊപ്പമാണ് പ്രചാരണം നടക്കുന്നത്. പാകിസ്ഥാനില് വളരെ ചര്ച്ചയായ സംഭവമായതുകൊണ്ട് തന്നെ ഇതു സംബന്ധിച്ച റിപ്പോര്ട്ടുകള് മറ്റ് മാധ്യമങ്ങളും നല്കിയിട്ടുണ്ട്. അമ്മാറിന്റെ മരണത്തിനുശേഷം നിരവധി മാധ്യമങ്ങള് കുട്ടിയുടെ കുടുംബാംഗങ്ങളുടെ അഭിമുഖം പ്രസിദ്ധീകരിച്ചിട്ടുണ്ട്. ഇവയിലെല്ലാം കുട്ടിയുടെ മാനസിക നില തകര്ന്നതാണ് മരണകാരണമെന്ന് ബന്ധുക്കള് ആരോപിക്കുന്നുണ്ട്. അതേസമയം, കുട്ടി അമിതമായി മൊബൈല് ഫോണ് ഉപയോഗിച്ചിരുന്നതായി വ്യക്തമാക്കുന്ന യാതൊരു റിപ്പോര്ട്ടുകളുമില്ല. ഈ വിവരം സ്ഥിരീകരിക്കുന്നതിന് കുട്ടിയുടെ രോഗാവസ്ഥ സംബന്ധിച്ച് വിശദമായ വിവരങ്ങള് ശേഖരിച്ച ഉറുദു ന്യൂസിന്റെ റിപ്പോര്ട്ടര് റായ് ഷാനവാസുമായി (Rai Shahnawaz) ഞങ്ങള് സംസാരിച്ചു. " അമ്മറിന്റെ രോഗാവസ്ഥ സംബന്ധിച്ച് എക്സ്ക്ലൂസീവ് റിപ്പോര്ട്ട് നല്കിയത് ഞാനാണ്. ഈ വിഷയം വിശദമായി പിന്തുടരുന്നുമുണ്ട്. ഒരിക്കലും ഈ കുട്ടി മൊബൈല് ഫോണ് അഡിക്ട് ആയിരുന്നില്ല. ഏഴുവയസില് അമ്മറിന് അഞ്ചാം പനി വന്നിട്ടുണ്ട്. അതു മൂലമുണ്ടാകുന്ന എസ്എസ്പിഇ എന്ന രോഗാവസ്ഥയാണ് കുട്ടിക്ക് ഉണ്ടായിരുന്നത്. കുട്ടിയുടെ മെഡിക്കല് റെക്കോര്ഡുകള് ഞാന് ശേഖരിച്ചിട്ടുണ്ട്. ഈ രോഗത്തിന് ചികിത്സയില്ല. അവന്റെ വീട്ടുകാര്ക്കും കുട്ടിയുടെ രോഗവിവരം അറിയാം. അതുകൊണ്ടാണ് കുട്ടിയുമായുള്ള പ്രിയപ്പെട്ട നിമിഷങ്ങളെല്ലാം അവര് മൊബൈലില് പകര്ത്തി സൂക്ഷിച്ചത്. കുട്ടി മൊബൈല് അഡിക്ടാണെന്നുള്ള പ്രചാരണം തികച്ചും വസ്തുതാ വിരുദ്ധമാണ്, " റായ് ഷാനവാസ് ഇന്ത്യാ ടുഡേയോട് പറഞ്ഞു. കഴിഞ്ഞ കുറേ മാസങ്ങളായി അമ്മാര് അസുഖബാധിതനായിരുന്നു. കുട്ടിയെ ചികിത്സിച്ച ലാഹോറിലെ ആശുപത്രിയില് നിന്ന് റായ് ഷാനവാസ് ശേഖരിച്ച മെഡിക്കല് റെക്കോഡുകള് ഞങ്ങള്ക്ക് ലഭിച്ചു. ജൂലൈ 31നുള്ള റിപ്പോര്ട്ടില് അസുഖം 'SSPE 3-4' എന്ന് രേഖപ്പെടുത്തിയിട്ടുണ്ട്. എന്താണ് എസ്എസ്പിഇ അഞ്ചാംപനി ബാധിച്ച കുട്ടികളില് വരാന് സാധ്യതയുള്ള അസുഖമാണ് എസ്എസ്പിഇ. തലച്ചോറിന് സംഭവിക്കുന്ന ഈ അവസ്ഥയ്ക്ക് ഫലപ്രദമായ മരുന്നില്ല. അഞ്ചാംപനി ബാധിച്ച എല്ലാവരിലും എസ്എസ്പിഇ രോഗം ഉണ്ടാകണമെന്നില്ല. എന്നാല് ഈ വൈറസ് ശരീരത്തില് പ്രവേശിച്ചാല് ആദ്യഘട്ടത്തില് കാര്യമായ പ്രശ്നങ്ങള് ഉണ്ടാവില്ല. അഞ്ചാംപനി ഭേദമായി ഏതാനും വര്ഷങ്ങള് കഴിഞ്ഞാണ് എസ്എസ്പിഇ രോഗം അക്ടീവ് ആകുന്നത്. വിഷാദാവസ്ഥ, അടിക്കടിയുള്ള പനി, ചലനശേഷി നഷ്ടപ്പെടുക, വിറയല് അനുഭവപ്പെടുക, ശ്വസന സംബന്ധമായ പ്രശ്നങ്ങള് തുടങ്ങി വിവിധ ഘട്ടങ്ങളിലായി രോഗം മൂര്ഛിക്കും. ചികിത്സയില്ലാത്തതുകൊണ്ട് തന്നെ രോഗബാധിതര്ക്ക് നാലുവര്ഷത്തിലധികം അതിജീവനം സാധ്യമല്ലെന്നാണ് ലേഖനങ്ങളില് വിശദമാക്കുന്നത്. അമ്മര് ഇബാദിന് ഏഴുവയസുള്ളപ്പോള് അഞ്ചാം പനി ബാധിച്ചിരുന്നു. ഇപ്പോള് ഒമ്പതാം വയസിലാണ് കുട്ടി എസ്എസ്പിഇ മൂലം മരണത്തിന് കീഴടങ്ങിയത്. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ അമിതമായ മൊബൈല് ഫോണ് ഉപയോഗം കൊണ്ട് മസ്തിഷ്ക രോഗം സംഭവിച്ച കുട്ടിയുടേതല്ലെന്ന് വ്യക്തമായി. അമിതമായ മൊബൈല് ഫോണ് ഉപയോഗം കൊണ്ട് മസ്തിഷ്ക രോഗം സംഭവിച്ച കുട്ടി. ഇത് പാകിസ്ഥാന് തെഹരീക്-ഇ-ഇന്സാഫ്(PTI) പാര്ട്ടി നേതാവായ ഇബാദ് ഫറൂഖിന്റെ മകന് അമ്മര് ഇബാദാണ്. അമ്മറിന്റെ മരണം അമിതമായ മൊബൈല് ഉപയോഗം കൊണ്ടല്ല. കുട്ടിക്ക് സബ്അക്യൂട്ട് സ്ക്ലിറോസിംഗ് പെനിസെന്സെഫലൈറ്റിസ് (എസ്എസ്പിഇ) എന്ന രോഗാവസ്ഥയായിരുന്നു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software