About: http://data.cimple.eu/claim-review/8b1112c15984f81fab0f915b780ef481164acaac1c5468c6987fcfa6     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തമിഴ് സംസാരിക്കുന്ന ഒരു മുതിര്ന്ന സ്ത്രീ ഡ്രൈവറില്ലാത്ത കാറില് സഞ്ചരിക്കുന്ന വീഡിയോ ഇപ്പോള് സമൂഹമാധ്യമങ്ങളില് പ്രചാരത്തിലുണ്ട്. ചെന്നൈയില് പുതുതായി ആരംഭിച്ച ടാക്സി സര്വീസ് ആണെന്ന അവകാശവാദത്തോടെയാണ് വീഡിയോ വൈറലായിട്ടുള്ളത്. "ഡ്രൈവര് ഇല്ലാത്ത ടാക്സി ചെന്നൈയില് സ്റ്റാര്ട്ടായി ......." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള വീഡിയോ ചെന്നൈയില് നിന്നുള്ളതല്ല, യുഎസില് നിന്നുള്ളതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. അന്വേഷണം ഡ്രൈവറില്ലാത്ത കാറിന്റെ സവിശേഷതകളെക്കുറിച്ച് സംസാരിക്കുന്ന സ്ത്രീയ്ക്കൊപ്പം വീഡിയോ പകര്ത്തുന്ന ഒരു യുവാവുമുണ്ട്. ഇവര് കാത്തുനില്ക്കുന്ന സ്ഥലത്ത് എത്തിയ കാറില് 'Waymo' എന്ന് എഴുതിയിട്ടുള്ളത് വ്യക്തമായി കാണാം. കൂടാതെ കാറിന്റെ ഡ്രൈവിംഗ് സീറ്റ് ഇടതു സൈഡിലാണ്. അതുകൊണ്ട് തന്നെ ഈ വീഡിയോ ഇന്ത്യയില് നിന്നുള്ളതല്ലെന്ന് ഉറപ്പിക്കാനാകും. തുടര്ന്ന് ഞങ്ങള് വീഡിയോയുടെ കീഫ്രെയ്മുകള് റിവേഴ്സ് ഇമേജിന്റെ സഹായത്തോടെ പരിശോധിച്ചപ്പോള് 'Ask Information' എന്ന യുട്യൂബ് പേജില് സമാനമായ വീഡിയോ കണ്ടെത്തി. 2023 സെപ്റ്റംബര് എട്ടിന് പങ്കുവച്ചിട്ടുള്ള യുട്യൂബ് വീഡിയോയില് 'USA യിലെ ഡ്രൈവര് ഇല്ലാത്ത കാര്' എന്ന് ഇംഗ്ലീഷിലും തമിഴിലും വിവരണം നല്കിയിട്ടുണ്ട്. വീഡിയോ താഴെ കാണാം. അതേസമയം, വീഡിയോ ചിത്രീകരിച്ചിട്ടുള്ള കൃത്യമായ ലൊക്കേഷന് യുട്യൂബ് പേജിലും വ്യക്തമാക്കുന്നില്ല. എന്നാല്, വാഹനം ട്രാഫിക് ബ്ലോക്കില് കാത്തു നില്ക്കുന്ന സമയത്ത് പുറത്തെ കാഴചകള് ചിത്രീകരിക്കുന്നുണ്ട്. വീഡിയോയുടെ പ്രസ്തുതഭാഗത്ത് ബോട്ട് ആകൃതിയിലുള്ള ഒരു കെട്ടിടം കാണാനാകുന്നുണ്ട്. ഈ സൂചന കേന്ദ്രീകരിച്ച് നടത്തിയ അന്വേഷണത്തില് അരിസോണയിലെ(Arizona) ടെംപെ(Tempe) നഗരത്തില് സ്ഥിതിചെയ്യുന്ന ഹെയ്ഡന് ഫെറി ലേക്ക് സൈഡ് എന്ന ഓഫിസ് കെട്ടിടമാണിതെന്ന് മനസിലാക്കാനായി. ഈ കെട്ടിടത്തിന്റെ ഗൂഗിള് സ്ട്രീറ്റ് വ്യൂ പരിശോധിച്ചപ്പോള് വൈറല് വീഡിയോയിലെ വാഹനം നിര്ത്തിയിട്ട അതേ സ്ഥലം തന്നെയാണെന്ന് വ്യക്തമായി. ബോട്ട് ആകൃതിയിലുള്ള കെട്ടിടങ്ങളില് ഒന്ന് കെപിഎംജിയുടെ ഓഫിസ് ആണ്. കൂടാതെ സിഗ്നല് ലൈറ്റുകളും കൃത്യമായി കാണാനാകുന്നുണ്ട്. വൈറല് വീഡിയോയില് കാണുന്ന കെട്ടിടവും, ഹെയ്ഡന് ഫെറി ലേക്ക് സൈഡും തമ്മിലുള്ള താരതമ്യം താഴെ കാണാം. Waymo ടാക്സി സര്വീസിനെ കുറിച്ചാണ് ഞങ്ങള് പിന്നീട് പരിശോധിച്ചത്. കാലിഫോര്ണിയ ആസ്ഥാനമായി പ്രവര്ത്തിക്കുന്ന ഒരു അമേരിക്കന് ഓട്ടോണമസ് ഡ്രൈവിംഗ് ടെക്നോളജി കമ്പനിയാണ് വേമോ. മുമ്പ് ഗൂഗിള് സെല്ഫ് ഡ്രൈവിംഗ് കാര് പ്രൊജക്റ്റ് എന്നാണ് വേമോ അറിയപ്പെട്ടിരുന്നത്. 2016 മുതല് അരിസോണയിലെ ഫിനിക്സ് നഗരത്തില് വേമോ പരീക്ഷണ സര്വീസ് നടത്തിയിരുന്നു. 2020ല് ഇവര് നഗരത്തില് പൂര്ണതോതില് സര്വീസ് ആരംഭിച്ചതായി ടെക് ക്രഞ്ച് എന്ന മാധ്യമം റിപ്പോര്ട്ട് ചെയ്യുന്നു. കൂടാതെ 2023 മെയ് മാസം മുതല് യൂബറുമായി ചേര്ന്ന് വേമോ സര്വീസ് ആരംഭിച്ചതായി സിഎന്ബിസിയുടെ വിശദമായ റിപ്പോര്ട്ടുണ്ട്. ഉപഭോക്താക്കള്ക്ക് യൂബര് വഴി വേമോയുടെ ഡ്രൈവറില്ലാ കാര് ബുക്ക് ചെയ്യാന് സാധിക്കും. അതായത് പ്രചരിക്കുന്ന വീഡിയോയിലെ സ്ത്രീയും യുവാവും ഇത്തരത്തില് യൂബര് വഴി റൈഡ് ബുക്ക് ചെയ്ത് വേമോ സര്വീസ് പ്രയോജനപ്പെടുത്തിയതായിരിക്കാം. മാത്രമല്ല, ചെന്നൈ നഗരത്തില് ഇതുവരെ ഡ്രൈവറില്ലാ ടാക്സി സര്വീസ് ആരംഭിച്ചതായും റിപ്പോര്ട്ടുകളില്ല. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോ അമേരിക്കയിലെ അരിസോണയിലുള്ള ഫിനിക്സ് നഗരത്തില് നിന്നുള്ളതാണെന്നും ചെന്നൈ നഗരത്തില് നിന്നുള്ളതല്ലന്നും വ്യക്തമായി. ചെന്നൈ നഗരത്തില് ആരംഭിച്ച ഡ്രൈവറില്ലാ ടാക്സി സര്വീസ്. പ്രചരിക്കുന്ന വീഡിയോ ചെന്നൈയില് നിന്നുള്ളതല്ല. അമേരിക്കയിലെ അരിസോണ സംസ്ഥാനത്തുള്ള ഫിനിക്സ് നഗരത്തില് സര്വീസ് നടത്തുന്ന വേമോ എന്ന ടാക്സി സര്വീസാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software