About: http://data.cimple.eu/claim-review/8b1a8b36f3f74771b31b6af1c4b2aacf1b1fcfea6205edb4548458e4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മാസ്ക് വച്ചില്ലെങ്കില് 2000 രൂപയാണ് കേരളത്തില് പിഴ ഈടാക്കുന്നത്. മറ്റ് സംസ്ഥാനങ്ങളിലും മാസ്ക് നിര്ബന്ധമാണ്. ലോക്ഡൗണ് സമയത്തെ കര്ശന നിയന്ത്രണത്തില് കോടതി ഇടപെടലുകള്വരെ ഇന്ത്യയില് നടന്നിരുന്നു. ബോധവത്ക്കരണവും പിഴയും ഒക്കെ ഈടാക്കിയിട്ടും ഒരുവിഭാഗം ആളുകള് ഇപ്പോഴും മാസ്ക് വയ്ക്കാന് വിമുഖത കാണിക്കുന്നുണ്ട്. അതിനിടെയാണ് മാസ്ക് വയ്ക്കാത്തതിന് രാഷ്ട്രീയക്കാരനെ പത്രപ്രവര്ത്തകന് തല്ലുന്ന വീഡിയോ എന്ന രീതിയില് ഇപ്പോള് സമൂഹമാധ്യമങ്ങളില് ഒരു വീഡിയോ വൈറലായിട്ടുള്ളത്. 'മാസ്ക് വയ്ക്കാത്തതിനു രാഷ്ട്രീയ പ്രവര്ത്തകനെ തല്ലുന്ന പത്ര പ്രവര്ത്തകനെ നോക്ക് സംഭവം കളറായിട്ടുണ്ട് എന്തായാലും ' എന്ന ഫേസ്ബുക്ക് പോസ്റ്റിന്റെ പൂര്ണരൂപം താഴെ കാണാം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം (AFWA) കണ്ടെത്തി. ഇത് മാസ്ക് വയ്ക്കാത്തതിന് പത്രപ്രവര്ത്തകന് രാഷ്ട്രീയക്കാരനെ തല്ലുന്ന വീഡിയോയല്ല. സമാനമായ പോസ്റ്റുകളുടെ ആര്ക്കൈവ് ചെയ്ത ലിങ്കുകള് AFWA അന്വേഷണം ഒരു മാധ്യമപ്രവര്ത്തകന് വാര്ത്തയെടുക്കുന്ന രംഗങ്ങളാണ് വീഡിയോയിലുള്ളത്. കുറെ ആളുകള് ചുറ്റിനും നില്ക്കുന്നുണ്ട്. കാഴ്ചയില് ഒരു സ്ഥാനാര്ഥിയുടെ വോട്ടഭ്യര്ഥന എന്നു തോന്നുന്ന രീതിയില് നിരവധി മാലകള് ധരിച്ച ഒരാളോട് മൈക്ക് പിടിച്ചയാള് സംസാരിക്കുണ്ട്. ഒരു ഫോട്ടോയെടുക്കാം എന്നു പറഞ്ഞ് ആളൊഴിഞ്ഞ സ്ഥലത്തേയ്ക്ക് മാറ്റിക്കൊണ്ട് പോവുന്ന ഇയാളെ തല്ലുന്നതാണ് ദൃശ്യങ്ങള്. കൊറോണയായിട്ട് മാസ്ക് വയ്ക്കാതെ നടക്കുന്നു എന്നു പറഞ്ഞാണ് ഇയാള് തല്ലുന്നത്. പ്രചരിക്കുന്ന വീഡിയോ റിവേഴ്സ് ഇമേജില് സെര്ച്ച് ചെയ്തപ്പോള് സമാനമായ വീഡിയോ ഒരു യുട്യൂബ് ചാനലില് കണ്ടെത്താനായി. ഹര്ഷ് രാജ്പുത് എന്ന പേജിലാണ് സെപ്റ്റംബര് പത്തിന് ഈ വീഡിയോ അപ്ലോഡ് ചെയ്തിട്ടുള്ളത്. 'HARSH RAJPUT AS DHARMENDRA DHAKAD IN LATEST FUNNY VIDEO MUKHIYA JI KA PHOTOSHOOT . THE VIDEO IS MEANT FOR ENTERTAINMENT ONLY . ' അതായത്, എന്റര്ടെയ്ന്മെന്റിന് മാത്രമുള്ളതാണ് ഇതെന്നാണ് രേഖപ്പെടുത്തിയിരിക്കുന്നത്. കൂടാതെ വീഡിയോയുടെ തുടക്കത്തില് 'This is a scripted sketch, made for entertainment only. It contains some bad words which may not be suitable for everyone' എന്ന് എഴുതി കാണിച്ച ശേഷമാണ് വീഡിയോ ആരംഭിക്കുന്നത്. വീഡിയോയില് റിപ്പോര്ട്ട് ചെയ്യുന്ന വ്യക്തി തന്റെ പേര് ധര്മേന്ദ്ര ധക്കാട് എന്നാണ് പറയുന്നത്. പഞ്ചായത്ത് തിരഞ്ഞെടുപ്പ് റിപ്പോര്ട്ട് ചെയ്യാനാണ് പോകുന്നതെന്ന് ധര്മേന്ദ്ര പറയുന്നുണ്ട്. ഒരു സ്ഥാനാര്ഥിയുടെ അടുത്തേയ്ക്ക് പോകുന്നു എന്നു പറഞ്ഞാണ് ഇയാള് നടന്നു നീങ്ങുന്നത്. പൂമാല ധരിച്ച് വോട്ട് അഭ്യര്ഥിക്കുന്ന ഒരാളോട് ധര്മേന്ദ്ര സംസാരിക്കുന്നു. പ്രതികരണം എടുക്കാനെന്ന രൂപേണയാണ് ഇയാളെ വിളിക്കുന്നത്. പഞ്ചായത്ത് തിരഞ്ഞെടുപ്പിലെ സ്ഥാനാര്ഥിയെന്നാണ് പറയുന്നത്. സംസാരത്തിനിടെ മാസ്ക് ധരിക്കാത്ത കാര്യം പറയുന്നുണ്ട്. തുടര്ന്നാണ് ധര്മേന്ദ്ര ഇയാളെ മറ്റൊരിടത്തേയ്ക്ക് കൊണ്ടുപോയി അടിക്കുന്നത്. വീഡിയോ സംബന്ധിച്ച് ഞങ്ങള് വിശദമായി അന്വേഷിച്ചു. ധര്മേന്ദ്ര ധക്കാട് എന്ന് വീഡിയോയില് പരിചയപ്പെടുത്തിയ വ്യക്തിയെ ഇന്ത്യാ ടുഡേയുടെ പ്രതിനിധി ഫോണില് വിളിച്ചു. 'ഇത് തികച്ചും തമാശരൂപേണ ചിത്രീകരിച്ച വീഡിയോയാണ്. ഇതില് ഉള്പ്പെട്ടിട്ടുള്ളവര് യഥാര്ഥ പത്രപ്രവര്ത്തകനോ സ്ഥാനാര്ഥിയോ അല്ല. എല്ലാവരും കലാകാരന്മാര് മാത്രമാണ്. ബിഹാറിലെ ദെഹ്രിയിലാണ് വീഡിയോ ചിത്രീകരിച്ചിരിക്കുന്നത് ' ധര്മേന്ദ്ര ഇന്ത്യാ ടുഡേയോട് പറഞ്ഞു. വരാനിരിക്കുന്ന തിരഞ്ഞെടുപ്പുമായി ബന്ധപ്പെട്ടാണ് വീഡിയോ ചിത്രീകരിച്ചതെന്നും അദ്ദേഹം പറഞ്ഞു. ധര്മേന്ദ്ര ധക്കാട് എന്ന പേരില് ഹര്ഷ് നിരവധി വീഡിയോകള് ചെയ്തതായി അദ്ദേഹത്തിന്റെ യുട്യൂബ് പേജ് സന്ദര്ശിച്ചതില് നിന്ന് മനസിലാക്കാനായി. ഇതേ വീഡിയോ അദ്ദേഹം ഫേസ്ബുക്ക് പേജിലും പങ്കുവിച്ചിരുന്നു. വീഡിയോ യഥാര്ഥമാണെന്ന രീതിയില് നിരവധി ഭാഷകളില് പ്രചരിച്ചിരുന്നു. ഇതും അദ്ദേഹം ഫേസ്ബുക്ക് പേജില് പങ്കുവച്ചിട്ടുണ്ട്. ഹര്ഷ് രാജ്പുതിന്റെ ഫേസ്ബുക്ക് പോസ്റ്റ് താഴെ കാണാം. ബിഹാറില് പഞ്ചായത്ത് തിരഞ്ഞെടുപ്പ് അടുത്തിരിക്കുകയാണ്. സെപ്റ്റംബര് 24 മുതല് ഡിസംബര് 12 വരെ 11 ഘട്ടങ്ങളായാണ് തിരഞ്ഞെടുപ്പ് നടക്കുന്നത്. തിരഞ്ഞെടുപ്പ് ആവേശത്തിനൊപ്പം സംസ്ഥാനത്ത് മാതൃകാ പെരുമാറ്റച്ചട്ടവും നിലവില് വന്നിട്ടുണ്ട്. ഈ സാഹചര്യത്തില് മാസ്ക് ധരിച്ച് കൊണ്ട് തികച്ചും കോവിഡ് പ്രോട്ടാക്കോള് പാലിച്ചുമാത്രം തിരഞ്ഞെടുപ്പ് പ്രചരണം നടത്തണം എന്ന സന്ദേശം കൂടിയാണ് വീഡിയോ ചിത്രീകരിച്ചവര് പങ്കുവയ്ക്കുന്നത്. ലഭ്യമായ വിവരങ്ങളില് നിന്ന് പ്രചരിക്കുന്ന വീഡിയോയില് മാസ്ക് ധരിക്കാത്തതിന് പത്ര പ്രവര്ത്തകന് സ്ഥാനാര്ഥിയെ അടിക്കുന്നു എന്ന രീതിയിലുള്ള പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തം. ഇന്പുട്ട് നല്കിയിത് സൗരഭ് ഭട്ട്നാഗര്, ന്യൂ ഡെല്ഹി. മാസ്ക് വയ്ക്കാത്തതിന് സ്ഥാനാര്ഥിയെ പത്രപ്രവര്ത്തകന് തല്ലുന്ന ദൃശ്യം. വീഡിയോയില് കാണുന്നത് യഥാര്ഥ സംഭവമല്ല. ബിഹാറിലെ ദെഹ്രിയില് ഒരുകൂട്ടം കലാകാരന്മാര് ചേര്ന്ന് തമാശരൂപേണ തയാറാക്കിയ വീഡിയോയാണ്. ബിഹാറില് സെപ്റ്റംബര് 24ന് ആരംഭിക്കുന്ന ത്രിതലപഞ്ചായത്ത് തിരഞ്ഞെടുപ്പിന് മുന്നോടിയായി കോവിഡ് മാനദണ്ഡം പാലിക്കണമെന്ന സന്ദേശം നല്കിക്കൊണ്ടാണ് വീഡിയോ തയാറാക്കിയിട്ടുള്ളത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software