| schema:text
| - Ripublikimi i lajmit dhe ilustrimi i rremë për Vuçiqin
Deklarata
Merr fund ëndrra serbe për veriun/E pranon edhe analisti politik serb: Do të kërkohet integrimi paqësor i veriut të Kosovës në sistemin e Prishtinës
Vlerësimi
Me kos
Titulli i artikullit “Merr fund ëndrra serbe për veriun/E pranon edhe analisti politik serb: “Do të kërkohet integrimi paqësor i veriut të Kosovës në sistemin e Prishtinës” nuk është i mbështetur në fakte. Në artikull nuk ka asnjë fakt dhe burim kredibil që e mbështet titullin. Përveç kësaj, artikulli me këtë titull konstatues është ilustruar me fotografinë e Presidentit të Serbisë, Aleksandër Vuçiq edhe pse i njëjti nuk është cituar fare në artikull të ketë folur për “fundin e ëndrrës serbe për veriun.
Artikulli
Më 3 shtator 2022, në faqen e internetit fakte.buzz është publikuar një përmbajtje me titullin “Merr fund ëndrra serbe për veriun/E pranon edhe analisti politik serb: “Do të kërkohet integrimi paqësor i veriut të Kosovës në sistemin e Prishtinës”.
Artikulli me të njëjtën përmbajtje është shpërndarë me datë 28 shtator 2022 në faqen e Facebookut: “Fresh Lajme” dhe është ripublikuar përsëri më 1 dhjetor 2022 në faqen “Zeri i Diaspores”.
Në ballinën e këtij artikulli është fotografia e presidentit të Serbisë, Aleksandër Vuçiq, ndërsa përmbajtja e tekstit nuk ka të bëjë fare me Vuçiqin.
Në artikull nuk ka asnjë të fakt dhe burim kredibil që e mbështet titullin konstatues: “Merr fund ëndrra serbe për veriun”.
Brenda tekstit nuk përmendet presidenti serb dhe nuk është përfshirë ndonjë deklaratë e tij rreth Kosovës.
Teksti i referohet një deklarate të analistit politik dhe drejtorit të Qendrës për Rajonalizëm, Aleksandar Popov.
Popov ka folur për ketë temë në një intervistë për median Aljazzera të publikuar më 1 shtator 2022.
Ai ka deklaruar se “do të punohet më intensivisht për eliminimin e të gjitha pikave të tjera të mosmarrëveshjes ndërmjet Beogradit dhe Prishtinës”.
Më 1 shtator 2022 kishte filluar zbatimi i dy vendimet e Qeverisë së Kosovës – ai për reciprocitetin me Serbinë sa i përket dokumenteve të identifikimit të qytetarëve të dy vendeve kur ata hyjnë në njërin dhe vendin tjetër, dhe tjetri për targat serbe të automjeteve me akronimet e qyteteve të Kosovës.
Më 31 korrik 2022, serbët lokalë të veriut të Kosovës kishin filluar të bllokonin rrugët që çojnë në dy pikat kufitare në veri të Kosovës, në Jarinjë dhe Bërnjak, për të kundërshtuar këto vendime të cilat pas situatës së krijuar u shtynë së zbatuari, atëkohë për një muaj.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)