Newchecker.in is an independent fact-checking initiative of NC Media Networks Pvt. Ltd. We welcome our readers to send us claims to fact check. If you believe a story or statement deserves a fact check, or an error has been made with a published fact check
Contact Us: checkthis@newschecker.in
Fact checks doneFOLLOW US
Fact Check
سوشل میڈیا پر ایک لائیو کوریج کی ویڈیو رپوٹ شیئر کی جا رہی ہے۔ جس میں ایک شخص رپورٹنگ کرتے ہوئے نظر آ رہا ہے اور اس شخص کے پیچھے کچھ باڈی بیگس بھی ہیں اور اس کی تصویر کچھ فوٹوگرافر کلک کر رہے ہیں۔ ویڈیو رپورٹنگ کے دوران ایک مردہ حرکت کرتے ہوئے بھی نظر آرہا ہے۔ صارف نے ویڈیو کے کیپشن میں لکھا ہے کہ “روس کے حملے میں یوکرین کے شہریوں کی ہلاکتوں کی لائیو کوریج کے دوران ایک مردہ زندہ ہو گیا”۔
روس اور یوکرین کے درمیان جنگ جاری ہے۔ بی بی سی کی ایک رپورٹ کے مطابق روسی فوج نے خیر سون نامی جنوبی ساحلی شہر پر قبضہ کر لیا ہے۔ روس بھاری گولہ باری کے باوجود خارخیواب کو یوکرین کے قبضے سے حاصل نہیں کر سکا۔ حالانکہ اس حملے سے جوڑ کر فرضی دعوے کے ساتھ دیگر ممالک کی ویڈیو اور تصاویر سوشل میڈیا پر شیئر کی جا رہی ہیں۔
اس ویڈیو کو ایک فیس بک صارف نے یوکرین کی جانب سے حلاکت کی فرضی رپورٹنگ بتا کر شیئر کیا ہے۔
اس کے علاوہ متعد فیس بک اور ٹویٹر صارفین وائرل ویڈیو کو مزاحیہ انداز میں یوکرین کی جانب سے فرضی رپورٹنگ کا بتاکر شیئر کر رہے ہیں۔ جس کا اسکرین شارٹ درج ذیل میں موجود ہے۔
روس کے حملے میں یوکرین کے شہریوں کی ہلاکتوں کی لائیو کوریج کی ویڈیو بتا کر شیئر کی گئی ویڈیو کی سچائی جاننے کے لئے ہم نے اپنی ابتدائی تحقیقات کا آغاز کیا۔ سب سے پہلے ہم نے وائرل ویڈیو کو اویسم اسکرین شارٹ کی مدد سے کیفریم میں تقسیم کیا اور ان میں سے ایک فریم کو ین ڈیکس پر سرچ کیا۔ لیکن کچھ بھی اطمینان بخش نتائج نہیں ملے۔
پھر ہم نے ویڈیو کو غور سے دیکھا تو ہمیں رپورٹر کے ہاتھ میں مائک نظر آیا، جس پر اوای24 ٹی وی انگلش میں لکھا ہوا تھا۔ پھر ہم نے اس نام کو یوٹیوب پر سرچ کیا۔ جہاں ہمیں او ای 24 ٹی وی نام کے یوٹیوب چینل پر 2 منٹ 8 سیکنڈ پر مشتمل 4 فروری 2022 کو اپلوڈ شدہ وائرل ویڈیو کا اصل ورژن ملا۔ ویڈیو کا کیپشن جرمن زبان میں تھا۔ ترجمہ کرنے پر پتا چلا کہ “ویانا: موسمیاتی پالیسی کے خلاف احتجاج”۔
او ای 24 سی این این کی پارٹنرشپ میں چلنے والا نیوز ٹی وی چینل ہے۔ جس کی ملکیت اوسٹرچ کے پاس ہے، جو ویانا میں مقیم جرمنی زبان کا روزنامہ اخبار ہے۔
یوٹیوب پر سب ٹائٹلز کے فیچر کو استعمال کرنے پر ہمیں معلوم ہوا کہ نیوز رپورٹر اس واقعے کے بارے میں بات کر رہا ہے، جس میں 49 مظاہرین اپنے جسموں کو تھیلوں سے ڈھک کر زمین پر لیٹ گئے تھے، تاکہ آسٹریا میں موسمیاتی تبدیلیوں کی وجہ سے ہر روز مرنے والے لوگوں کی تعداد ظاہر کر سکیں۔ .
یہی ویڈیو رپورٹ ہمیں او ای 24 کی ویب سائٹ پر بھی ملی۔ اب ان رپورٹس سے واضح ہوا کہ “روس کے حملے میں یوکرین کے شہریوں کی ہلاکتوں کی لائیو کوریج کے نام پر وائرل ویڈیو کو فرضی دعوے کے ساتھ شیئر کیا گیا ہے۔
اپنی تحقیقات میں اضافہ کرتے ہوئے ہم نے لائیو کوریج ویڈیو میں نظر آ رہے رپورٹر کے نام کو فیس بک اور انسٹاگرام پر سرچ کیا۔ جہاں ہمیں اس رپورٹر کا سوشل میڈیا ہینڈل ملا۔ جہاں انہوں نے انسٹاگرام اسٹوری اور فیس بک پوسٹ میں اس ویڈیو کو لے کر جرمن زبان میں وضاحتی بیان جاری کیا ہے۔ جس کا ترجمہ کرنے پر پتا چلا کہ وہ موسمیات کے متعلق چل رہے احتجاج پر رپورٹنگ کرنے گئے تھے۔ ساتھ ہی انہوں نے یہ بھی لکھا ہے کہ مجھے اس بات پر بہت حیرانی ہوتی ہے کہ لوگ سوشل میڈیا پر کچھ بھی دیکھ کر بنا کسی سیاق و سباق کے اس پر یقین کر لیتے ہیں۔
نیوز چیکر کی تحقیقات میں پتا چلا کہ روس کے یوکرین پر حملہ کرنے سے بہت پہلے شائع ہونے والی ایک غیر متعلقہ ویڈیو کو سیاق و سباق سے ہٹ کر استعمال کیا جا رہا ہے۔ جس کے ساتھ یہ دعویٰ کیا جا رہا ہے کہ “یوکرینی میڈیا لائیو کوریج کی ویڈیو رپورٹ میں جعلی ہلاکتیں دکھا رہا ہے”۔ درحقیقت یہ منظر 4 فروری 2022 کے ہیں، جنہیں آسٹریا میں موسمیاتی تبدیلی کے خلاف شہریوں کے احتجاج کے دوران ریکارڈ کیا گیا تھا۔
Our sources
YouTube Channel Of OE24.TV
oe24.at
Facebook post by Marvin S. Bergauer
Instagram Story by marvinbergauer
Newschecker Analysis
نوٹ:کسی بھی مشتبہ خبرکی تحقیق،ترمیم یا دیگرتجاویز کے لئے ہمیں نیچے دئیے گئے واہٹس ایپ نمبر پر آپ اپنی رائے ارسال کر سکتےہیں۔
9999499044
Mohammed Zakariya
October 11, 2022
Mohammed Zakariya
September 28, 2022
Mohammed Zakariya
June 24, 2022