| schema:text
| - Pretendimi i rremë se një produkt mund të pastrojë enët e gjakut
Deklarata
ENËT DO TË PASTROHEN PËR 2 DITË DHE PRESIONI DO TË JETË GJITHMONË 120/80! Pini një pilulë çdo mëngjes..
Vlerësimi
Rrenë
Postimi me titull “ENËT DO TË PASTROHEN PËR 2 DITË DHE PRESIONI DO TË JETË GJITHMONË 120/80! Pini një pilulë çdo mëngjes…” është i rremë. Në këtë postim janë bërë konstatime për “pastrim të enëve të gjakut”, që sipas kardiokirurgëve nuk ekziston si koncept në mjekësi. Në rast se enët e gjakut janë të bllokuara mbi 70% atëherë trajtimi është dy llojesh: stentimi, e nëse kjo nuk arrihet i nënshtrohet intervenimit kirurgjikal.
Artikulli
Më 25.05.2024 faqja në Facebook ‘Taut Lanky’ (arkiva), ka publikuar një artikull me titull “ENËT DO TË PASTROHEN PËR 2 DITË DHE PRESIONI DO TË JETË GJITHMONË 120/80! Pini një pilulë çdo mëngjes…”.
Mbi këtë fotografi shkruan “❤️ Dhimbje koke, mpirje në gjymtyrë apo tinnitus? ❌ Kjo është atherosclerosis cerebrale – një shenjë e një goditje! 🧐 Lyejini enët cerebrale tani!.”
Artikulli rekomandon një produkt të quajtur ‘Hyper Caps’, i cili thuhet se kinse pastron enët e gjakut dhe stabilizon tensionin.
Krypometër ka kontrolluar edhe nëse ky produkt bën pjesë në listën e produkteve me Autorizim për Marketing në Republikën e Kosovës dhe ka gjetur se produkti ‘Hyper Caps’, nuk bën pjesë në listën e produkteve me Autorizim Marketingu në kuadër të Agjencisë së Kosovës për produkte dhe pajisje medicinale.
Neni 16 i Ligjit për Produkte dhe Pajisje Medicinale cakton se “produkti medicinal mund të plasohet në Republikën e Kosovës vetëm pas marrjes së Autorizimit për Marketing nga AKPPM”.
Krypometër ka pyetur edhe kardiologun, Gani Bajraktari, nëse e njeh këtë produkt apo nëse e rekomandon për pacientët me hipertension.
“Jo nuk e njoh e as nuk e rekomandoj. Trajtimi i hipertensionit është kapitull. Për këtë rekomandohen barna antihipertensive, e jo suplimente”- tha Bajraktari për Krypometër më 28.02.2024.
Drejtori i Klinikës së Kardiokirurgjisë, Shpejtim Shurdhiqi ka thënë për Krypometër se trajtimi i enëve të gjakut bëhet me barëra.
“Trajtimi i tyre bëhet me barëra të cilat janë pjesë e listës esenciale, por më së shpeshti aspirina. Në rast se enët e gjakut janë të bllokuara mbi 70% atëherë trajtimi është dy llojesh: stentimi, e nëse kjo nuk arrihet i nënshtrohet intervenimit kirurgjikal”- tha Shurdhiqi.
Krypometër ka biseduar edhe me kardikirurgun Rifat Brahimaj. Ai ka thënë se thotë se në mjekësi nuk ekziston termi ‘pastrimi i enëve të gjakut’ dhe se nuk ekziston asnjë produkt që i “pastron” enët e gjakut nëse ato janë të dëmtuara.
“Nëse enët e gjakut janë të pa dëmtuara ose pjesërisht të dëmtuara, për të parandaluar dëmtimin e mëtejmë duhet të kontrollohen faktorët që i dëmtojnë siç janë presioni i lartë i gjakut, duhanpirja, diabeti, niveli i lartë i yndyrave në gjak, jeta aktive me ushtrime fizike dhe ushqimi pa përmbajtje të lartë të yndyrnave me origjinë shtazore”- thuhet në përgjigjen e Brahimajt në një shpjegim për Krypometër.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)