About: http://data.cimple.eu/claim-review/950d55f2fe318218de6d62d142bdcfed0fa01916416860d1c0e04666     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പോപ്പുലര് ഫ്രണ്ടിനെയും അനുബന്ധ സംഘടനകളെയും അഞ്ചു വര്ഷത്തേയ്ക്ക് നിരോധിച്ചു കൊണ്ടുള്ള കേന്ദ്ര സര്ക്കാര് ഉത്തരവ് പ്രാബല്യത്തില് വന്നിട്ട് രണ്ട് ദിവസം പിന്നിട്ടു. അതിനിടെ ഈ നടപടി സംബന്ധിച്ച് നിരവധി പ്രചാരണങ്ങള് സമൂഹമാധ്യമങ്ങളില് സജീവമാണ്. രൂപവും ഭാവവും മാറി അവര് ഇനിയും എത്തുമെന്ന രീതിയിലാണ് സന്ദേശങ്ങള് ഏറെയും. അത്തരത്തിലൊരു പ്രചാരണമാണ് പോപ്പുലര് ഫ്രണ്ടുകാര് സിപിഎമ്മിലേക്ക് മാറുന്നു എന്ന രീതിയിലുള്ളത്. 'അതാണ് ആക്ഷന് പതിയെ മതി എന്ന് മുഖ്യ സുഡാപി തിട്ടൂരം ഇറക്കിയത് ' എന്നും 'PFI തിരൂര് എന്ന പേജ് ഇനി . CPIM തിരുര് എന്ന പുതിയ നാമത്തില് ലാല്സലാം സഖാപ്പികളെ ' എന്നും തിരൂര് സിപിഎമ്മിനെ പരാമര്ശിച്ചുകൊണ്ട് നിരവധി പോസ്റ്റുകളാണ് പ്രചാരത്തിലുള്ളത്. ഇത്തരത്തിലുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ളത് തെറ്റിദ്ധരിപ്പിക്കുന്ന വിവരമാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. തിരൂരില് പോപ്പുലര് ഫ്രണ്ട് ഓഫിസുകളൊന്നും തന്നെ സിപിഎം ഓഫിസാക്കി മാറ്റിയിട്ടില്ല. കൂടാതെ പോപ്പുലര് ഫ്രണ്ടിന്റെ ഫേസ്ബുക്ക് പേജ് സിപിഎം തിരൂര് എന്നാക്കി മാറ്റിയെന്ന വാദവും വ്യാജമാണ്. AFWA അന്വേഷണം പ്രചാരത്തിലുള്ള പോസ്റ്റുകളില് ആദ്യത്തേത് പരിശോധിക്കാം. 'ഒറ്റ രാത്രി കൊണ്ട് പിഎഫ്ഐ ഓഫിസ് സിപിഎം ഓഫിസാക്കി മാറ്റി' എന്നതാണ് ആരോപണം. ഇതു സംബന്ധിച്ച് പരിശോധിക്കാന് ആദ്യം ഞങ്ങള് തിരൂര് ഭാഗത്തുള്ള സിപിഎം ഓഫിസിനെപ്പറ്റിയാണ് തിരഞ്ഞത്. സിപിഎം ഏരിയ കമ്മറ്റി ഓഫിസാണ് തിരൂരില് ഉള്ളതെന്ന് മനസിലാക്കാനായി. തുടര്ന്ന് ഏരിയ കമ്മറ്റി സെക്രട്ടറിയായ അഡ്വ.ഹംസക്കുട്ടിയെ ഞങ്ങള് ബന്ധപ്പെട്ടു. ' ഇത് പൂര്ണ്ണമായും തെറ്റായ വിവരമാണ്. തിരൂര് പ്രദേശത്ത് പോപ്പുലര് ഫ്രണ്ടിന് വലിയ സ്വാധീനമുണ്ടായിരുന്നില്ല. അവരുടെ രാഷ്ട്രീയ സംഘടനയായ എസ്ഡിപിഐയ്ക്ക് ഒരു മെമ്പര്പോലും ഈ മേഖലയില് ഇല്ല. അവര്ക്ക് ഇവിടെ ഒരു ഓഫിസ് ഉള്ളതായിട്ടും അറിവില്ല. സിപിഎമ്മിനെ പറ്റി പറഞ്ഞാല് തിരൂര് ഡിവൈഎസ്പി ഓഫിസിനടുത്താണ് ഞങ്ങളുടെ ഏരിയ കമ്മറ്റി ഓഫിസ്. ഈ ഒരു ഓഫിസ് മാത്രമാണ് സിപിഎമ്മിന് ഇവിടെയുള്ളത്. കഴിഞ്ഞ 25 വര്ഷമായി ഇവിടെത്തന്നെയാണ് ഞങ്ങളുടെ ഓഫിസ് പ്രവര്ത്തിക്കുന്നത്. നിലവില് ഓഫിസ് ഉള്ള ഞങ്ങള് എന്തിനാണ് മറ്റുള്ള സംഘടനയുടെ ഓഫിസ് കൈയ്യേറുന്നത്. ഇത് തെറ്റിദ്ധാരണ പരത്തുന്ന പ്രചാരണമാണ്. ഇതിനു സമാനമായി ഞങ്ങളുടെ ഫേസ്ബുക്ക് പേജിനെപ്പറ്റിയും സമൂഹമാധ്യമങ്ങളില് വ്യാജ വാര്ത്ത പ്രചരിക്കുന്നുണ്ട്. ഇക്കാര്യം വിശദീകരിച്ച് ഞങ്ങള് ഔദ്യോഗിക പേജില് വിശദീകരണം നല്കിയിട്ടുണ്ട്. തിരൂര് സിപിഎമ്മിനെതിരെ നടക്കുന്ന വ്യാജ പ്രചാരണങ്ങള് എല്ലാം ചൂണ്ടിക്കാട്ടി ഞങ്ങള് പൊലീസില് പരാതി നല്കും. സിപിഎം ന്യൂനപക്ഷ ധ്രുവീകരണം നടത്തുന്നു എന്നു വരുത്തിത്തീര്ക്കാനാണ് ശ്രമം നടത്തുന്നത്. രാഷ്ട്രീയ എതിരാളികളുടെ ഈ ശ്രമം വിലപ്പോകില്ല.' ഹംസക്കുട്ടി ഇന്ത്യാ ടുഡേയോട് പറഞ്ഞു. പ്രദേശവാസികളില് ചിലരുമായും ഞങ്ങള് സംസാരിച്ചു. ഇങ്ങനെയൊരു ഓഫിസ് മാറ്റം അവരും അറിഞ്ഞിട്ടില്ല. തിരൂര് സ്വദേശിയായ സജീവ് തെക്കന്കുറ്റൂര് നല്കിയ വിവരം അനുസരിച്ച് ഇത് വ്യാജ പ്രചാരണമാണ്. 'ഇവിടെ സമീപപ്രദേശങ്ങളിലൊന്നും പിഎഫ്ഐ ഓഫിസ് സിപിഎം ഓഫിസായി മാറ്റിയതായി അറിവില്ല. തിരൂര് സിപിഎം ഏരിയ കമ്മറ്റി ഓഫിസ് വര്ഷങ്ങളായി ഇവിടെയുള്ളതാണ്. പിന്നെ തിരൂര് ഈസ്റ്റ്, തിരൂര് വെസ്റ്റ് എന്നീ രണ്ട് ലോക്കല് കമ്മറ്റി ഓഫിസുകളും ഈ മേഖലയില് അല്പം മാറിയായി പ്രവര്ത്തിക്കുന്നതായി അറിയാം. എന്നാല് ഇവയെല്ലാം കുറേക്കാലമായിട്ടുള്ളതാണ്. മറ്റൊരു പുതിയ ഓഫിസും ഇവിടെയില്ല.' സജീവ് പറഞ്ഞു. സിപിഎം തിരൂര് ഏരിയ കമ്മറ്റി ഓഫിസിന്റെ ഇന്നെടുത്ത ഫോട്ടോകളും വീഡിയോയും സജീവ് ഞങ്ങളുമായി പങ്കിട്ടു. ഇവയില് ചിലത് താഴെ കാണാം. മറ്റൊരു പ്രദേശവാസിയായ ശൈലേഷും സജീവ് പറഞ്ഞതിന് സമാനമായ വിവരങ്ങളാണ് കൈമാറിയത്. ഡിവൈഎ്സ്പി ഓഫിസിനു സമീപം താമസിക്കുന്നയാളാണ് ശൈലേഷ്. ഇവരെ കൂടാതെ തിരൂരിലെ പ്രാദേശിക ചാനലായ തുഞ്ചന് വിഷന് ന്യൂസിന്റെ(TVN) എഡിറ്റര് ജമാല് ചേന്നരയെയും ഞങ്ങള് വിളിച്ചു. 'ഉറപ്പായും ഇതൊരു വ്യാജ പ്രചാരണമാണ്. ഈ മേഖലയില് ഇങ്ങനെയൊരു ഓഫിസ് മാറ്റം ഞങ്ങള് അറിഞ്ഞിട്ടില്ല. അത്തരമൊരു സംഭവം നടന്നാല് അത് വാര്ത്തയാകേണ്ടതാണല്ലോ. മാത്രമല്ല സിപിഎമ്മിന് അവിടെ ഏരിയ കമ്മറ്റി ഓഫിസ് ഉണ്ട്. തെറ്റിദ്ധാരണ പരത്താനാകും ഇത്തരം സന്ദേശങ്ങള് പ്രചരിപ്പിക്കുന്നത്. ' അദ്ദേഹം പകര്ത്തിയ ഏരിയ കമ്മറ്റി ഓഫിസിന്റെ വീഡിയോയും ഞങ്ങള്ക്ക് കൈമാറി. തിരൂര് പൊലീസ് സ്റ്റേഷനിലും ഞങ്ങള് ബന്ധപ്പെട്ടു. 'പോപ്പുലര് ഫ്രണ്ട് നിരോധനത്തെ തുടര്ന്ന് അവരുടെ ഓഫിസ് സിപിഎം ഓഫിസ് ആക്കി മാറ്റിയെന്ന യാതൊരു അറിവും ഞങ്ങള്ക്കില്ല. ഇത്തരമൊരു സംഭവം നടക്കാനും സാധ്യതയില്ല. പരാതിയോ സംഘര്ഷമോ മറ്റോ വന്നെങ്കില് മാത്രമല്ലേ കൂടുതല് അന്വേഷിക്കേണ്ടതുള്ളൂ. എന്തായാലും ഇത്തരമൊരു വിവരം ഞങ്ങള്ക്ക് ലഭ്യമല്ല.' തിരൂര് പൊലീസ് സ്റ്റേഷനില് നിന്ന് അറിയിച്ചു. ഡിവൈഎസ്പി ഓഫിസും തിരൂര് സിപിഎം ഏരിയ കമ്മറ്റി ഓഫിസും ഉള്പ്പെടുന്ന ഗൂഗിള് മാപ്പ് ചിത്രം താഴെ കാണാം. പോപ്പുലര് ഫ്രണ്ടിന്റെ ഫേസ്ബുക്ക് പേജ് സിപിഎം തിരൂര് എന്ന് മാറ്റിയതായി അവകാശപ്പെടുന്ന പോസ്റ്റുകളാണ് പിന്നീട് ഞങ്ങള് പരിശോധിച്ചത്. എന്നാല് ഇതുസംബന്ധിച്ചു കൃത്യമായ വിവരം ലഭിച്ചില്ല. പ്രചാരത്തിലുള്ള പോസ്റ്റുകളില് പറയുന്നത് 'സിപിഎം തിരൂര്' എന്ന പേരിലേക്ക് 'പോപ്പുലര്_ ഫ്രണ്ട് _ തിരൂര്'എന്ന പേജ് മാറ്റിയെന്നാണ്. എന്നാല് സിപിഎം തിരൂര് എന്ന പേജുകളൊന്നും ലഭ്യമല്ല. സിപിഎം തിരൂര് എസി എന്ന പേരിലുള്ള ഫേസ്ബുക്ക് പേജ് മാത്രമാണ് ലഭ്യമായിട്ടുള്ളത്. ഈ പേജ് ഏരിയ കമ്മറ്റിയുടെ ഔദ്യോഗിക പേജാണെന്ന് സെക്രട്ടറി ഹംസക്കുട്ടി പറഞ്ഞിരുന്നു. കൂടാതെ വ്യാജ പ്രചാരണമാണ് ഇപ്പോഴുള്ളതെന്ന് ചൂണ്ടിക്കാട്ടി സിപിഎം തിരൂര് എസി പേജില് പോസ്റ്റ് പങ്കുവച്ചിട്ടുണ്ട്. ഇത് താഴെ കാണാം. പേജ് അഡ്മിന് പി.മുനീറിനെയും ഞങ്ങള് ബന്ധപ്പെട്ടു. ' ഇത് തീര്ത്തും വ്യാജമായ പ്രചാരണമാണ്. സിപിഎം തിരൂര് എസി പേജ് കൈകാര്യം ചെയ്യുന്നത് ഞാനാണ്. ഞങ്ങള് ഇപ്പോഴല്ല പേജ് ക്രിയേറ്റ് ചെയ്തത്. പേജിന്റെ ഹിസ്റ്ററി പരിശോധിച്ചാല് ബോധ്യമാകുമല്ലോ. പിഎഫ്ഐ പേജ് മാറ്റി എന്നു പറയുമ്പോള് ആ മാറ്റിയതായി അവകാശപ്പെടുന്ന പേജ് നിലനില്ക്കണമല്ലോ. അങ്ങനെയൊന്നു ലഭ്യമല്ല. അതിനാല് തന്നെ ബോധ്യമാകുന്നത് ഇത് വ്യാജമായി നിര്മിച്ചതാണെന്ന വിവരമാണ്. ' മുനീര് പറഞ്ഞു. ലഭ്യമായ വിവരങ്ങളില് നിന്ന് തിരൂര് സിപിഎം ഓഫിസുമായി ബന്ധപ്പെട്ടും അവരുടെ ഔദ്യോഗിക ഫേസ്ബുക്ക് പേജുമായി ബന്ധപ്പെട്ടും പ്രചരിക്കുന്നത് തെറ്റായ വിവരമാണെന്ന് വ്യക്തം. പോപ്പുലര് ഫ്രണ്ട് നിരോധിച്ചതിന് പിന്നാലെ അവരുടെ തിരൂര് ഓഫിസ് സിപിഎം ഓഫിസാക്കി മാറ്റി. പോപ്പുലര് ഫ്രണ്ടിന്റെ ഫേസ്ബുക്ക് പേജും സിപിഎം തിരൂര് എന്നാക്കി. മലപ്പുറം ജില്ലയിലെ തിരൂരില് ഇത്തരമൊരു സംഭവം നടന്നിട്ടില്ല. തിരൂരില് ആകെയുള്ള പ്രധാന ഓഫിസ് സിപിഎം ഏരിയ കമ്മറ്റിയുടേതാണ്. ഇത് 25 വര്ഷമായി തിരൂര് ഡിവൈഎസ്പി ഓഫിസിന് സമീപമുള്ള കെട്ടിടത്തിലാണ് പ്രവര്ത്തിക്കുന്നത്. പ്രദേശവാസികളും ഇക്കാര്യങ്ങള് സ്ഥിരീകരിച്ചു. ഫേസ്ബുക്ക് പേജ് പേരുമാറ്റിയെന്നതും തെറ്റായ വിവരമാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software