| schema:text
| - Loja e rrejshme për ‘dhurimin e një veture’
Deklarata
Ekipi i @KIA DEALER bëri diçka të veçantë sot. Me krenari, ju njoftojmë se kemi dhuruar 3 vetura të reja KIA, ka mbetur edhe 1 veturë e re KIA për fatlumët
Vlerësimi
Rrenë
Postimi “Ekipi i @KIA DEALER bëri diçka të veçantë sot. Me krenari, ju njoftojmë se kemi dhuruar 3 vetura të reja KIA, ka mbetur edhe 1 veturë e re KIA për fatlumët”- është i rremë. Faqja që e ka postuar këtë lojë shpërblyese nuk është përfaqësues i veturave KIA. Nga faqja zyrtare e ‘KIA Kosova’ kanë thënë, se nuk kanë bërë ndonjë postim të ngjashëm ‘për dhurimin e një veture’. Faqja ‘KIA’ Dealer’ (arkiva & arkiva) e cila e ka publikuar këtë postim, është hapur më 21.09.2024. Ndërkaq, faqja zyrtare ‘Kia Kosova’ është hapur më, 07.01.2014.
Artikulli
Më 03.11.2024, në Facebook, faqja ‘KIA’ Dealer’ (arkiva & arkiva) ka publikuar një fotografi të një veture të markës KIA. Të njëjtës i është vendosur mbishkrimi: “Ekipi i @KIA DEALER bëri diçka të veçantë sot. Me krenari ju njoftojmë se kemi dhuruar 3 vetura të reja KIA, ka mbetur edhe 1 veturë e re KIA për fatlumët”.
Si shënim shtesë është potencuar: “Ky shërbim është menduar për ata që nuk kanë marrë kurrë një dhuratë nga ne më parë. Më pas krijohet një tërheqje e rastësishme në mënyrë që njerëzit të zgjedhin kutitë bazuar në numrat e tyre”.
Ky postim ka marrë 17 shpërndarje, 57 komente dhe 32 reagime nga ana e lexuesëve.
Faqja ‘KIA’ Dealer’ (arkiva & arkiva), e cila e ka publikuar këtë postim, është hapur më 21.09.2024. Ndërkaq, faqja zyrtare e “Kia Kosova” është hapur, më 07.01.2014.
Krypometër ka kontrolluar faqen zyrtare të “KIA Kosova” në të cilën nuk është bërë asnjë postim i ngjashëm, ‘për dhurimin e ndonjë veture’.
Krypometër i ka kontrolluar postimet e bëra, në faqen zyrtare të “KIA Kosova”. Aty, të gjitha postimet kanë të bëjnë me ‘ofertat për blerjen e veturave’ dhe ‘zbritjet e ofruara’ për raste të caktuara.
Në një përgjigje për Krypometër, përfaqësues të KIA në Kosovë, bënë të ditur se ky postim është i rremë.
“Nga stafi i ‘Kia Kosovës’, ne kemi dalur me post, në faqet tona zyrtare, se faqja e cekur me emrin ‘Kia Dealer’ është faqe e rreme”- thuhet nga ana e tyre.
Përmes mjetit kërkues TinEye, Krypometër ka gjetur se, fotoja e përdorur në postimin e makinës së dekoruar, daton nga 08.06.2023 dhe është marrë nga gazeta ‘Themetrogazzette’.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)