| schema:text
| - Postime të rreme për sëmundjen të prostatës në emër të institucioneve të Kosovës
Deklarata
Dëshironi të dini emrin e mjetit që do të eliminojë prostatitin për vetëm 1 javë, madje edhe në moshën 65 vjeç? Po Jo
Vlerësimi
Rrenë
Postimi “Dëshironi të dini emrin e mjetit që do të eliminojë prostatitin për vetëm 1 javë, madje edhe në moshën 65 vjeç? Po Jo”- është i rremë. Institucionet shëndetësore në Kosovë nuk kanë bërë ndonjë postim për shërim të prostatitit për vetëm një javë, ka thënë Egzon Azemi nga ministria e Shëndetësisë. Rinor Derivishi, i cili ka thënë se pacientët trajtohen në bazë të protokoleve të cilat janë të bazuara në udhëzimet e fundit nga institucionet shëndetësore. Azemi ka thënë se prostata mund të trajtohet me barna, mirëpo nëse infeksioni është më i madh atëherë ka raste kur kërkohet edhe intervenim kirugjik.
Artikulli
Më 26.12.2024 faqja në Facebook ‘3rd Estate’ (arkiva) ka publikuar një informacion lidhur me shërimin e prostatës, e të cilit i ka bashkangjitur edhe flamurin e Republikës së Kosovës.
“Dëshironi të dini emrin e mjetit që do të eliminojë prostatitin për vetëm 1 javë, madje edhe në moshën 65 vjeç? Po Jo”- shkruan në info grafikën e publikuar e të cilës i është bashkangjitur edhe flamuri i Republikës së Kosovës.
“Për të mësuar më shumë, klikoni këtu”- shkruan në linkun që pretendohet se është publikuar emri i produktit që shëron prostatitin, mirëpo kur klikohet i njëjti të dërgon tek ueb faqja ‘fun-dm.info’, e cila nuk ka të publikuar asgjë.
Për të verifikuar nëse institucionet e shëndetësisë në Kosovë kanë të bëjnë diçka me këtë lajm, Krypometër ka kontaktuar me Egzon Azemin, këshilltar për media i ministrit të Shëndetësisë, Arben Vitia.
Ai ka konfirmuar për Krypometër se kjo është dezinformatë dhe se të njëjtit nuk kanë të bëjnë asgjë lidhur me këtë postim.
“Ky është një postim i rremë dhe nuk ka të bëjë asgjë me ministrinë e Shëndetësisë”- ka thënë Azemi.
Krypometër ka kontaktuar me urologun Rinor Derivishi, i cili ka thënë se pacientët trajtohen në bazë të protokoleve të cilat janë të bazuara në udhëzimet e fundit nga institucionet shëndetësore.
Ai ka thënë se kur prostata ka infeksion, ajo mund të trajtohet me barna, mirëpo kur infeksion rritet atëherë duhet trajtim tjetër.
“Prostata nëse është e infektuar, por jo e rritur, mund të trajtohet me barna. Në momentin që rritet dhe bën pengesa në urinim, shërimi i vetëm mbetet intervenimi ku kanë disa metoda prej më pak invazive në ato me operacion të hapur.”- ka thënë urologu Rinor Dervishi.
Krypometër ka kontaktuar edhe me urologun Avni Fetahu, i cili ka thënë se trajtimi i sëmundjes së prostatës bëhet bazuar në protokolet shëndetësore, të cilat parashohin edhe barnat e aprovuara e që janë në shitje nëpër barnatore.
Sipas Fetahut, ilaçet që i përshkruajnë për sëmundjet e prostatës janë të licencuara dhe kanë Autorizim të marketingut nga Agjensioni Kosovar për Produkte Pajisje Medicinale (AKPPM), si parashihet në Ligjin për Produkte dhe Pajisje Medicinale.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)