About: http://data.cimple.eu/claim-review/99ea8b83ffcfbe7c736441ed0d665747efd55f7ce731b7428a9acf72     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഏറ്റവും വലിയ സമ്മാനത്തുകയുള്ള കേരള ലോട്ടറിയാണ് തിരുവോണം ബമ്പര് (ഓണം ബമ്പര്). 25 കോടി രൂപ ഒന്നാം സമ്മാനം ലഭിക്കുന്ന ബമ്പര് ടിക്കറ്റ് വില്പനയില് റെക്കോഡ് നേട്ടമാണ് എല്ലാ വര്ഷവും കൈവരിക്കുന്നത്. ഇത്തവണ 72 ലക്ഷത്തോളം ബമ്പര് ടിക്കറ്റുകള് വിറ്റുപോയിട്ടുണ്ടെന്നാണ് റിപ്പോര്ട്ടുകള്. ഇന്നലെ നറുക്കെടുത്ത ഓണം ബമ്പര് ലോട്ടറിയുടെ ഒന്നാം സമ്മാനം ലഭിച്ചയാള് എന്ന രീതിയില് ഒരു ചിത്രമിപ്പോള് സമൂഹമാധ്യമങ്ങളില് വൈറലാണ്. കോഴിക്കോട് സ്വദേശിയായ കെപി ശശി എന്നയാളാണിതെന്നും ഇത്തവണത്തെ ഓണം ബമ്പര് ജേതാവാണെന്നും അവകാശപ്പെട്ടാണ് ലോട്ടറി ടിക്കറ്റ് പിടിച്ചു കൊണ്ടിരിക്കുന്ന ഒരാളുടെ ചിത്രം പ്രചരിക്കുന്നത്. "*ഒടുവില് ആ ഭാഗ്യവാനെ കണ്ടെത്തി*.... ഈ പ്രാവശ്യത്തെ ഓണം ബംബര് കോഴിക്കോട് സ്വദേശി കെ.പി ശശിക്ക് അടിച്ചു. കോഴിക്കോട് ജില്ലയിലെ പേരാമ്പ്ര ആവള സ്വദേശിയാണ് കെ.പി ശശി. ഭാര്യ അനിത ഒരു മകനുണ്ട്. നിലവില് ചെറുവണ്ണൂര് ഗ്രാമപഞ്ചായത്തില് ജോലി ചെയ്ത് വരികയാണ്. ''എന്ന് തുടങ്ങുന്ന ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വൈറല് ചിത്രത്തിലുള്ള കെപി ശശിയ്ക്കല്ല, കര്ണാടക സ്വദേശി അല്ത്താഫിനാണ് ഓണം ബമ്പര് സമ്മാനം ലഭിച്ചത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം ബിആര് 99 സീരിസിലുള്ള ഇത്തവണത്തെ ഓണം ബമ്പര് ടിക്കറ്റിന്റെ ചിത്രമാണ് വൈറല് പോസ്റ്റിലുള്ളത്. ഈ ചിത്രവും ഇത്തവണ വിറ്റ ഓണം ബമ്പര് ടിക്കറ്റുകളിലൊന്നുമായി ഞങ്ങള് താരതമ്യം ചെയ്തപ്പോഴും സമാനതകള് കണ്ടെത്തി. എന്നാല് വൈറല് ടിക്കറ്റ് സൂക്ഷ്മമായി നോക്കുമ്പോള് ഇതില് 'TD 434222' എന്ന നമ്പര് കാണാം. ലോട്ടറി റിസള്ട്ടുമായി ബന്ധപ്പെട്ട വാര്ത്തകളില് 'TG 434222' എന്ന നമ്പരിനാണ് ഒന്നാം സമ്മാനമെന്നും വയനാട്ടില് വിറ്റ ടിക്കറ്റിനാണെന്നും വ്യക്തമാക്കുന്നുണ്ട്. തുടര്ന്ന് ഇതേപ്പറ്റി ഞങ്ങള് വിശദമായി പരിശോധിച്ചു. ചിത്രത്തിലുള്ളത് ചെറുവണ്ണൂര് ഗ്രാമപഞ്ചായത്ത് ജീവനക്കാരന് കെപി ശശി ആണെന്ന് വൈറല് പോസ്റ്റുകളില് പറയുന്നുണ്ട്. ഈ സൂചന ഉപയോഗിച്ച് നടത്തിയ അന്വേഷണത്തില് കെപി ശശിയുടെ കോണ്ടാക്ട് ലഭ്യമായി. പ്രചരിക്കുന്ന ചിത്രത്തിലുള്ളത് താന് തന്നെയാണെന്ന് അദ്ദേഹം സ്ഥിരീകരിച്ചു. " ചിത്രത്തിലുള്ളത് ഞാന് തന്നെയാണ്. എന്നാല് എന്റെ കൈയ്യിലുള്ളത് ഓണം ബമ്പര് ടിക്കറ്റല്ല. കഴിഞ്ഞ വിഷുവിന് എടുത്ത ഒരു ലോട്ടറി ടിക്കറ്റാണ്. ഞാന് സാധാരണ ലോട്ടറിയെടുക്കുന്നയാളല്ല. സുഖമില്ലാത്ത ഒരാള് ലോട്ടറിയുമായി എത്തിയപ്പോള് അദ്ദേഹത്തെ സഹായിക്കാനെടുത്ത ടിക്കറ്റാണത്. കൗതുകം കൊണ്ട് ലോട്ടറിയുമായി നില്ക്കുന്ന ചിത്രം പകര്ത്തിയതാണ്. ഞാനല്ല, എന്റെ സൗഹൃദവലയത്തിലുള്ള ചിലരാണ് ആ ചിത്രമെടുത്തത്. ആ ചിത്രത്തിന്റെ കോപ്പി എന്റെ കൈവശമില്ല. വാട്സ്ആപ് ഗ്രൂപ്പുകളില് അന്ന് പങ്കുവച്ച ചിത്രം കിട്ടിയ ആരെങ്കിലുമായിരിക്കും അത് എഡിറ്റ് ചെയ്ത് ഇപ്പോഴത്തെ ലോട്ടറി ചേര്ത്ത് വച്ച് പ്രചരിപ്പിച്ചത്. എന്നപ്പറ്റി നല്ല ധാരണയുള്ള ആരോ ആണ് ഇതെഴുതിയത്, അതുകൊണ്ടാണല്ലോ എന്റെ കുടുംബത്തെക്കുറിച്ചൊക്കെ കൃത്യമായി പറഞ്ഞിട്ടുള്ളത്. എനിക്ക് ഈ പോസ്റ്റുമായി യാതൊരു ബന്ധവുമില്ല. ഞാന് ഓണം ബമ്പര് ലോട്ടറി എടുത്തിട്ടുമില്ല. " കെപി ശശി ഇന്ത്യാ ടുഡേയോട് പറഞ്ഞു. ഇത്തവണത്തെ ഓണം ബമ്പറിന്റെ യഥാര്ഥ വിജയി കര്ണാടക സ്വദേശിയായ അല്ത്താഫ് ആണെന്ന് വാര്ത്തകളുണ്ട്. വയനാട്ടില് നിന്നും അല്ത്താഫ് എടുത്ത ടിക്കറ്റിനാണ് ഒന്നാം സമ്മാനമായ 25 കോടി ലഭിച്ചത്. സമ്മാനം ലഭിച്ച വിവരം അറിഞ്ഞ ശേഷം കര്ണാടക പാണ്ഡ്യപുരം സ്വദേശിയായ അല്ത്താഫ് ഏഷ്യനെറ്റ് ന്യൂസിന് നല്കിയ അഭിമുഖം ഇവിടെ കാണാം. കര്ണാടകയില് മെക്കാനിക്കായി ജോലി ചെയ്യുന്ന അല്ത്താഫ് വയനാട്ടിലെ ബന്ധുവീട്ടിലെത്തിയ സമയത്താണ് ടിക്കറ്റെടുത്തത്. സുല്ത്താന് ബത്തേരിയിലെ ലോട്ടറി ഏജന്റ് നാഗരാജ് വിറ്റ ടിക്കറ്റിനാണ് സമ്മാനമെന്ന് ഇന്നലെ തന്നെ അറിഞ്ഞെങ്കിലും ഭാഗ്യശാലിയെപ്പറ്റിയുള്ള സൂചന ഇന്ന് രാവിലെയാണ് ലഭിച്ചത്. ഇതു സംബന്ധിച്ച് ഏഷ്യാനെറ്റ് ന്യൂസ് നല്കിയ റിപ്പോര്ട്ടിന്റെ സ്ക്രീന്ഷോട്ട് ചുവടെ കാണാം. ലഭ്യമായ വിവരങ്ങളില് നിന്ന് വൈറല് ചിത്രത്തിലുള്ള കെപി ശശിയല്ല ഇത്തവണത്തെ ഓണം ബമ്പര് വിജയി എന്നും കര്ണാടക സ്വദേശിയായ അല്ത്താഫിനാണ് 25 കോടി രൂപയുടെ ഒന്നാം സമ്മാനം ലഭിച്ചതെന്നും വ്യക്തമായി. ഇത്തവണത്തെ ഓണം ബമ്പര് നറുക്കെടുപ്പില് ഒന്നാം സമ്മാനാര്ഹമായ ടിക്കറ്റുമായി കോഴിക്കോട് സ്വദേശി കെപി ശശി. കര്ണാടക സ്വദേശിയായ അല്ത്താഫാണ് ഇത്തവണത്തെ ഓണം ബമ്പര് വിജയി. ലോട്ടറി ടിക്കറ്റിന്റെ വൈറല് ചിത്രം എഡിറ്റ് ചെയ്തതാണെന്ന് ചിത്രത്തിലുള്ള കെപി ശശി സ്ഥിരീകരിച്ചു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software