About: http://data.cimple.eu/claim-review/9d64ad723e14e5f9c83c1fd0b2d31a18d9b330b25eee1e2bc90f759e     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പത്തനംതിട്ട ആനിക്കാട് പഞ്ചായത്തിലെ ചായക്കടയിൽ ഉണ്ടായ സ്ഫോടനത്തിൽ ആറുപേർക്ക് പരിക്കേറ്റിരുന്നു. ബഷീർ എന്ന ആളുടെ കടയിൽ നടന്ന സ്ഫോടനവുമായി ബന്ധപ്പെട്ട പോസ്റ്റുകൾ സമൂഹമാധ്യമങ്ങളിൽ സജീവമാണ്. ബഷീർ SDPI പ്രവർത്തകൻ ആണെന്നും, കടയിൽ സൂക്ഷിച്ചിരുന്ന ബോംബ് പൊട്ടിത്തെറിച്ചാണ് സ്ഫോടനം ഉണ്ടായതെന്നും പറയുന്ന പോസ്റ്റുകൾ വൈറൽ ആയിരുന്നു. സംഭവത്തെ തുടർന്ന് ബഷീർ ഒളിവിൽ പോയി എന്നവകാശപ്പെടുന്ന പോസ്റ്റുകളും ധാരാളംപേർ ഷെയർ ചെയ്തു. ഇത്തരത്തിലുള്ള ഒരു ഫേസ്ബുക് പോസ്റ്റ് താഴെ കാണാം. എന്നാൽ പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ കണ്ടെത്തി. ചായക്കടയിൽ എത്തിയ കിണറുപണിക്കാരന്റെ കൈവശമുണ്ടായിരുന്ന സ്പോടകവസ്തു പൊട്ടിത്തെറിച്ചാണ് അപകടം ഉണ്ടായത്. കടയുടമ ബഷീർ ഒളിവിൽ പോയി എന്ന വാദവും വാസ്തവമല്ല. AFWA അന്വേഷണം ഡിസംബർ 21 രാവിലെ ഒമ്പതുമണിയോടെയാണ് പത്തനംതിട്ടയിലെ മല്ലപ്പള്ളിക്ക് സമീപം ആനിക്കാട് പഞ്ചായത്തിലെ ചായക്കടയിൽ സ്ഫോടനം നടന്നത്. കടയുടമ ബഷീർ അടക്കം ആറുപേർക്ക് പരിക്കേറ്റെങ്കിലും രണ്ടു പേര് ഒഴികെ ബാക്കി ആരുടേയും മുറിവുകൾ സാരമുള്ളവ ആയിരുന്നില്ല. ഇതുമായി ബന്ധപ്പെട്ട റിപ്പോർട്ടുകൾ ഇവിടെ വായിക്കാം. അപകടത്തിൽ കൈപ്പത്തിക്ക് ശസ്ത്രക്രിയ വേണ്ടി വന്ന സണ്ണി ചാക്കോ എന്നയാളുടെ കൈവശം ഉണ്ടായിരുന്ന സ്പോടകവസ്തു പൊട്ടിത്തെറിച്ചാണ് അപകടം ഉണ്ടായത്. കിണറ്റിലെ പാറ പൊട്ടിക്കുന്നതിനായി സണ്ണി കരുതിയിരുന്ന സ്പോടകവസ്തു സിഗരറ്റിൽ നിന്ന് തീ പടർന്ന് പൊട്ടിത്തെറിച്ചിരിക്കാം എന്നാണ് നിഗമനം. കടയിൽ ബോംബ് സൂക്ഷിച്ചിരുന്നു എന്ന് സൂചിപ്പിക്കുന്ന തെളിവുകൾ ഒന്നും പോലീസ് കണ്ടെത്തിയിട്ടില്ലെന്ന് തിരുവല്ല ഡിവൈഎസ്പി രാജപ്പൻ പറഞ്ഞു. സംഭവം നടന്നടുക്കിനുശേഷം കടയുടമ ഒളിവിൽ പോയി എന്ന വാദവും അദ്ദേഹം നിഷേധിച്ചു. "ബഷീർ ഒളിവിൽപ്പോയി എന്നുള്ള വാദം അടിസ്ഥാനരഹിതമാണ്. കഴിഞ്ഞ ദിവസംകൂടി ബഷീറിനെ ഞങ്ങൾ കണ്ടിരുന്നു. അപകടത്തിന് ശേഷം ബഷീർ ഒരു മരണവീട്ടിൽ സന്ധിക്കുകയും ചെയ്തിരുന്നു," ഡിവൈഎസ്പി ഞങ്ങളോട് പറഞ്ഞു. സണ്ണി ചാക്കോയ്ക്കെതിരെ സ്ഫോടകവസ്തു കൈവശം വച്ചതിന് കേസെടുത്തിട്ടുണ്ട്. കൂടുതൽ വിവരങ്ങൾ അറിയാനായി ഞങ്ങൾ ബ്ലോക്ക് പഞ്ചായത് അംഗമായ സുധിയെ ബന്ധപ്പെട്ടു. സ്ഫോടനത്തിൽ പൊട്ടിത്തെറിച്ച സോഡാ കുപ്പികളിലെ ചില്ലുകൾകൊണ്ടാണ് അധികം പേർക്കും പരിക്കേറ്റതെന്നും, ബഷീർ SDPI പ്രവർത്തകൻ അല്ലയെന്നും സുധി പറഞ്ഞു. "സണ്ണി ചായക്കടയിൽ സിഗരറ്റ് പുകക്കുന്നത് കണ്ടവരുണ്ട്. SDPI പ്രവർത്തനം തീരെയില്ലാത്ത പഞ്ചായത്താണ് ആനിക്കാട്. ബഷീറിന് SDPI ബന്ധം ആരോപിക്കുന്നത് അടിസ്ഥാനരഹിതമാണ്. അദ്ദേഹം യുഡിഫ് അനുഭാവിയാണ്. ചായക്കടയോട് തന്നെ ചേർന്ന് പലചരക്ക് കടയും അദ്ദേഹം നടത്തുന്നുണ്ട്. സ്ഫോടനം നടക്കുമ്പോൾ ബഷീർ ഇവിടെയായിരുന്നു. കുപ്പിച്ചില്ല് കൊണ്ട് നിസാര പരിക്കുണ്ടായതിനെ തുടർന്ന് മല്ലപ്പള്ളി താലൂക്ക് ആശുപത്രയിലേക്ക് മറ്റുള്ളവരുടെ കൂട്ടത്തിൽ അദ്ദേഹത്തെയും കൊണ്ടുപോയി. അല്ലാതെ അദ്ദേഹം ഒളിവിൽ പോയിട്ടില്ല." പ്രമുഖ വാർത്താ മാധ്യമങ്ങളും കടയിൽ ബോംബ് ശേഖരം ഉണ്ടായിരുന്നു എന്ന വാദം ഉന്നയിക്കുന്നില്ല. ചായക്കടയിൽ എത്തിയ ആളുടെ കൈയിൽ ഉണ്ടായിരുന്ന വസ്തുവാണ് അപകടം ഉണ്ടാക്കിയത് എന്ന് പറയുന്ന റിപ്പോർട്ടുകൾ താഴെ കാണാം. പ്രാദേശിക സമൂഹമാധ്യമ കൂട്ടായ്മകളും ബോംബ് പൊട്ടിത്തെറിച്ചാണ് സ്ഫോടനം ഉണ്ടായത് എന്ന വാദത്തെ തള്ളിക്കൊണ്ട് അറിയിപ്പുകൾ പുറത്തിറക്കിയിരുന്നു. അത്തരത്തിൽ ഒന്ന് താഴെ കാണാം. ഇതിൽ നിന്നും ആനിക്കാട് ചായക്കടയിൽ ഉണ്ടായ സ്ഫോടനത്തിന് ശേഷം കടയുടമ ഒളിവിൽപ്പോയി എന്ന വാദം തെറ്റിദ്ധരിപ്പിക്കുന്നത് ആണെന്ന് മനസ്സിലായി. പത്തനംതിട്ട ആനിക്കാട് പഞ്ചായത്തിൽ ചായക്കടയിൽ ബോംബ് പൊട്ടിയതിനെ തുടർന്ന് SDPI പ്രവർത്തകനായ ഉടമ ഒളിവിൽപോയി അപകടം നടന്നത് കടയിൽ സൂക്ഷിച്ചിരുന്ന ബോംബ് പൊട്ടിത്തെറിച്ചല്ല. ചായക്കടയിൽ പാറപൊട്ടിക്കാൻ ഉപയോഗിക്കുന്ന സ്പോടകവസ്തുവുമായി എത്തിയ ആൾക്ക് എതിരെയാണ് പോലീസ് കേസ് എടുത്തിരിക്കുന്നത്. കട ഉടമസ്ഥൻ ബഷീർ SDPI പ്രവർത്തകനല്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software