About: http://data.cimple.eu/claim-review/9f81152d6d3d43335fb1b744d399dabf4b21a78c63de4c0ce5986378     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • രണ്ടു ദിവസങ്ങള്ക്ക് മുന്പാണ് കാസര്ഗോഡ് പെരിയയില് നിര്മാണത്തിലിരിക്കുന്ന പാലം തകര്ന്നു വീണത്. കോണ്ക്രീറ്റ് ചെയ്യുന്നതിനിടെ പുലര്ച്ചെ മൂന്നുമണിയോടെയാണ് അടിപ്പാതയുടെ ബീമുകള് നിലംപൊത്തിയത്. ഒരു തൊഴിലാളിക്ക് പരിക്കേല്ക്കുകയും ചെയ്തു. എന്നാല് ഈ സംഭവത്തിനു ശേഷം ഇത് സംസ്ഥാന സര്ക്കാരിന്റെയും പൊതുമരാമത്ത് മന്ത്രി മുഹമ്മദ് റിയാസിന്റെയും പാളിച്ചയാണ് എന്ന് ആരോപിക്കുന്ന പോസ്റ്റുകള് സമൂഹമാധ്യമങ്ങളില് സജീവമാണ്. '#മിന്നല്_മരുമോന്റെ മൂന്നാമത്തെ പാലവും താഴെവീണു.... ഇങ്ങനെ വീഴുമെന്ന് പേടിച്ചാവും റാന്നിയിലും, കോഴഞ്ചേരിയിലും പകുതിക്ക് പാലം പണി നിര്ത്തിയത്.....' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ദേശീയ പാതയുടെ ഭാഗമായ ഈ റോഡിന്റെ നിര്മാണം നടത്തുന്നത് സംസ്ഥാന സര്ക്കാരല്ല, നാഷണല് ഹൈവേ അതോറിറ്റിയാണ്. AFWA അന്വേഷണം കാസര്ഗോഡ് പെരിയയില് തകര്ന്ന പാലത്തിന്റെ നിര്മാണത്തെക്കുറിച്ചുള്ള വിവരങ്ങളാണ് ഞങ്ങള് ആദ്യം പരിശോധിച്ചത്. ഇതില് നിന്ന് ഈ പാലം നിര്മാണച്ചുമതല സംസ്ഥാന സര്ക്കാരല്ല വഹിക്കുന്നതെന്ന കാര്യം വ്യക്തമായി. ദേശീയ പാതയുടെ ഭാഗമായുള്ള നിര്മാണമായതിനാല് നാഷണല് ഹൈവേ അതോറിറ്റി ഓഫ് ഇന്ത്യ ആണ് ഇതിന്റെ മേല്നോട്ടം വഹിക്കുന്നത്. ഇക്കാര്യം മാധ്യമ വാര്ത്തകളില് നിന്ന് വ്യക്തമായി. ചെങ്കള-നീലേശ്വരം ആറുവരിപ്പാത പദ്ധതിയില് ഉള്പ്പെടുന്നതാണ് തകര്ന്നുവീണ പാലം. 37.27 കിലോ മീറ്റര് ദൂരത്തിലുള്ള എന്എച്ച്-66 ആറുവരി പാത പദ്ധതിക്കായി 1746.45 കോടി രൂപയാണ് അനുവദിച്ചിട്ടുള്ളത്. ഇക്കാര്യം വ്യക്തമാക്കുന്ന കേന്ദ്ര ട്രാന്സ്പോര്ട്ട് മന്ത്രാലയത്തിന്റെ ഔദ്യോഗിക കണക്കുകള് ഞങ്ങള്ക്ക് ലഭ്യമായി. മേഘ കണ്സ്ട്രക്ഷന്സ് എന്ന നിര്മ്മാണക്കമ്പനിക്കാണ് എന്എച്ച് 66 നിര്മ്മാണച്ചുമതലയുള്ളത്. ഹൈദ്രബാദ് ആസ്ഥാനമായ കമ്പനിക്ക് ടെന്ഡര് നല്കിയിട്ടുള്ളത് NHAI ആണ്. മേഘ കണ്സ്ട്രക്ഷന്സ് നിര്മാണ പുരോഗതിയുടെ വീഡിയോ അവരുടെ ഔദ്യോഗിക ഫേസ്ബുക്ക് പേജില് പങ്കുവച്ചിരുന്നു. ഇത് താഴെ കാണാം. പെരിയയില് പാലം തകര്ന്നു വീണ സംഭവത്തില് റിപ്പോര്ട്ട് ലഭിച്ചാല് ഉടന് നടപടി എടുക്കുമെന്ന് പൊതുമരാമത്ത് മന്ത്രി മുഹമ്മദ് റിയാസ് അറിയിച്ചിരുന്നു. ഇക്കാര്യത്തില് സംസ്ഥാനത്തിന് നേരിട്ട് നടപടിയെടുക്കാനാവില്ല. ദേശീയ പാതാ അതോറിറ്റിയുമായി സംസാരിച്ചതായും മന്ത്രി അറിയിച്ചിരുന്നു. നിര്മാണത്തിലെ അപാകതകളാണ് പാലം തകര്ന്നുവീഴാന് കാരണമെന്ന് വ്യക്തമാക്കി കാസര്ഗോഡ് എംപി രാജ്മോഹന് ഉണ്ണിത്താന് നല്കിയ പ്രതികരണവും ഞങ്ങള് പരിശോധിച്ചു. 'മേഘ കണ്സ്ട്രക്ഷന്സ് ഗുരുതരമായ വീഴ്ച വരുത്തുന്നതായി നേരത്തെ തന്നെ നിര്മ്മാണ ചുമതലയുള്ള കേന്ദ്ര സര്ക്കാരിനെ അറിയിച്ചിരുന്നു. ബന്ധപ്പെട്ട ആളുകളെ വിളിച്ചിരുന്നു. 15 മീറ്ററാണ് പാതയുടെ നിലവിലെ ഉയരം ഇത് 30 മീറ്റര് ആക്കണമെന്ന് ഞാന് നേരത്തെ തന്നെ കേന്ദ്രത്തിന് കത്തെഴുതി ആവശ്യപ്പെട്ടിരുന്നു. എന്നാല് 30 മീറ്ററായി ഉയര്ത്തുക പ്രായോഗികമല്ലെന്ന മറുപടിയാണ് എനിക്ക് ലഭിച്ചത്. നിര്മ്മാണ പുരോഗതി NHAI കൃത്യമായി വിലയിരുത്തേണ്ടതുണ്ട്. കരാര് കമ്പനിയെ കരിമ്പട്ടികയില്പ്പെടുത്തണം' എന്നതായിരുന്നു എംപിയുടെ പ്രതികരണം. അതായത്, പാലം നിര്മാണവുമായി ബന്ധപ്പെട്ട കാര്യങ്ങളെല്ലാം NHAI ആണ് നടത്തുന്നതെന്ന് എംപി വ്യക്തമാക്കുന്നുണ്ട്. സംഭവവുമായി ബന്ധപ്പെട്ട് കരാര് കമ്പനിയായ മേഘ കണ്സ്ട്രക്ഷന്സ് പ്രതിനിധിയുടെ വിശദീകരണവും മാധ്യമങ്ങള് നല്കിയിരുന്നു. കരാര് കമ്പനിക്കെതിരെ ബേക്കല് പൊലീസ് കേസെടുത്തിട്ടുണ്ട്. അതേസമയം, ദേശീയ പാതയ്ക്കായി സ്ഥലമേറ്റെടുപ്പും മറ്റ് അനുബന്ധ പ്രവര്ത്തനങ്ങളും ചെയ്യുന്നതിന് സംസ്ഥാന സര്ക്കാര് സഹകരണം ഉണ്ടെങ്കിലും നിര്മ്മാണച്ചുമതല NHAI തന്നെയാണ് വഹിക്കുന്നത്. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകളില് ആരോപിക്കുന്നതുപോലെ സംസ്ഥാന സര്ക്കാരിന്റെ അനാസ്ഥ കൊണ്ടാണ് കാസര്ഗോഡ് പെരിയയില് പാലം തകര്ന്നതെന്ന വാദം തെറ്റിദ്ധരിപ്പിക്കുന്നതാണെന്ന് വ്യക്തം. സംസ്ഥാന സര്ക്കാരിന്റെ അനാസ്ഥ കൊണ്ട് കാസര്ഗോഡ് പെരിയയില് നിര്മാണത്തിലിരിക്കുന്ന മേല്പ്പാലം തകര്ന്നു വീണു. ദേശീയ പാത അതോറിറ്റിയുടെ മേല്നോട്ടത്തിലാണ് പാലത്തിന്റെ നിര്മാണം നടത്തുന്നത്. ഹൈദ്രബാദ് ആസ്ഥാനമായ മേഘ കണ്സ്ട്രക്ഷന്സാണ് നിര്മാണ ടെന്ഡര് എടുത്തിട്ടുള്ളത്. നിര്മാണത്തില് സംസ്ഥാന സര്ക്കാരിന്റെ യാതൊരു ഇടപെടലും ഇല്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software