| schema:text
| - Pretendimi i rremë se shtatorja e Car Lazarit është zëvendësuar me atë të Adem Jasharit
Deklarata
Me hajna në Mitrovicë ishte Car Lazari, sot me Albinin aty ku e ka vendin Adem Jashari. Mitrovica në duar të sigurta. Shtatorja e komandantit legjendar Adem Jashari zë vend në qendër të qytetit
Vlerësimi
Me kos
Mbishkrimi mbi fotografinë e përmendores së heroit Adem Jashari “Me hajna në Mitrovicë ishte Car Lazari, sot me Albinin aty ku e ka vendin Adem Jashari. Mitrovica në duar të sigurta. Shtatorja e komandantit legjendar Adem Jashari zë vend në qendër të qytetit” nuk është i saktë. Përmendorja e Car Lazarit, vazhdon të jetë i vendosur në sheshin e komunës së Mitrovicës së Veriut, ndërsa ajo e heroit Adem Jashari, është vendosur në sheshin e komunës së Mitrovicës së Jugut.
Artikulli
Më 04.06.2024 një profil në Facebook ka publikuar (arkiva) një fotografi e përmendores së heroit Adem Jashari me mbishkrimin “Me hajna në Mitrovicë ishte Car Lazari, sot me Albinin aty ku e ka vendin Adem Jashari. Mitrovica në duar të sigurta. Përmendorja e komandantit legjendar Adem Jashari zë vend në qendër të qytetit”. E njëjta është publikuar edhe në faqet tjera në Facebook.
Në Sheshin e Mitrovicës së Veriut, me vendim të Komunës së Mitrovicës së Jugut është vendosur përmendorja e Komandatit Legjendar të UÇK-së, Adem Jashari, i cili është dekoruar me “Urdhëri Hero i Kosovës”, më 26.11.2004 nga Presidenti i Kosovës, Ibrahim Rugova.
Kurse përmendorja e Car Llazarit, heroit të serbëve, është e vendosur në fillim të sheshit në Komunën e Mitrovicës së Veriut.
Për të verifikuar këtë pretendim, Krypometër i ka vizituar dy lokacionet ku janë të vendosura përmendoret për të parë nëse është zëvendësuar ajo e Car Llazarit.
Nga vizita në teren, Krypometër ka verifikuar se në sheshin e Mitrovicës së Jugut është e vendosur përmendorja e Komandatit Legjendar, Adem Jashari.
Ndërsa, 850 metra më largë, në sheshin e Mitrovicës së Veriut gjendet përmendorjae Car Lazarit. Pra, janë dy përmendore në dy lokacione të ndryshme.
Përmendorja e Komandantit Adem Jashari më 17.02.2024 ka zënë vend në sheshin e Mitrovicës së Jugut. Në prezencën e familjes Jashari, u zbulua kjo shtatore.
Vëllau i komandantit, Rifat Jashari nga Mitrovica uroi qytetarët për 16-vjetorin e Pavarësisë së Kosovës.
“Sot jemi mbledhur këtu, e kemi festën e 16-të të shtetit të Kosovës. Urime dhe shtatorja të gjithëve” – ka thënë Jashari.
Në anën tjetër, kryetari i Komunës së Mitrovicës, Bedri Hamza tha se në zemër të qytetit të Mitrovicës po zbulohet shtatorja e komandantit Adem Jashari.
“Me 05, 06, 07.03.1998 shumë anëtarë të familjes kanë shënuar qëndresën më të lavdishme e njohur me Epopeja e Ushtrisë Çlirimtare të Kosovës” – ka thënë Hamza.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)