| schema:text
| - വ്യാവസായിക അടിസ്ഥാനത്തിൽ 5ജി സേവനങ്ങൾ ഇന്ത്യയിൽ 2022-23 സാമ്പത്തികവർഷത്തിൽ ലഭ്യമാകുമെന്ന് ചൊവ്വാഴ്ച്ച നടത്തിയ ബഡ്ജറ്റ് അവതരണത്തിൽ ധനകാര്യമന്ത്രി നിർമ്മല സീതാരാമൻ പറയുകയുണ്ടായി. ഇന്ത്യയിലെ മുഴുവൻ ഗ്രാമങ്ങളിലും അതിവേഗ ഇന്റർനെറ്റ് എത്തിക്കുവാനുള്ള ഭാരത് നെറ്റ് പദ്ധതി 2025ഓടെ പൂർത്തിയാവുമെന്നും മന്ത്രി പറഞ്ഞു.
കേന്ദ്രസർക്കാരിന്റെ ഈ സ്വപ്നപദ്ധതി സമൂഹമാധ്യമങ്ങളിൽ പലപ്പോഴും ചർച്ചകൾക്ക് വഴിവെക്കാറുള്ളതാണ്. കേരളത്തിൽ പൂർത്തീകരണത്തോട് അടുക്കുന്ന കെ-ഫോൺ പദ്ധതി യാഥാർത്ഥത്തിൽ ഭാരത് നെറ്റ് തന്നെയാണെന്നും, അതിന്റെ വകഭേദമാണെന്നും ഒക്കെ അവകാശപ്പെടുന്ന പോസ്റ്റുകൾ പ്രത്യക്ഷപ്പെടുന്നുണ്ട്. "വീണ്ടും അടിച്ചു മാറ്റൽ ഒരു നാണവുമില്ലാത്ത സർക്കാർ "എന്നുള്ള കുറിപ്പിനൊപ്പം ഫേസ്ബുക്കിൽ പ്രചരിക്കുന്ന പോസ്റ്റ് ഇവിടെ കാണാം.
ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ പോസ്റ്റിലെ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഭാരത് നെറ്റും കെ-ഫോണും രണ്ട് വിഭിന്ന പ്രോജക്ടുകളാണ്.
AFWA അന്വേഷണം
എന്താണ് കെ-ഫോൺ?
സംസ്ഥാനത്താകെ 52,000 കിലോമീറ്റര് ദൂരം ഒപ്റ്റിക്കല് ഫൈബര് വഴി അതിവേഗ ഇന്റർനെറ്റ് ലഭ്യമാക്കാനുള്ള പദ്ധതിയാണ് കേരള ഫൈബർ ഒപ്റ്റിക് നെറ്റ്വര്ക്ക് അഥവാ കെ-ഫോൺ. മുപ്പതിനായിരത്തോളം സർക്കാർ ഓഫിസുകളിലേക്കും വിദ്യാഭ്യാസ സ്ഥാപനങ്ങളിലേക്കും കെ-ഫോൺ വഴി ഇന്റർനെറ്റ് ലഭ്യമാക്കാനാണ് ലക്ഷ്യമിണ്ടുന്നത്.
എന്താണ് ഭാരത് നെറ്റ്?
ഇന്ത്യയിലെ രണ്ടരലക്ഷത്തോളം വരുന്ന മുഴുവൻ ഗ്രാമപഞ്ചായത്തുകളിലും ബ്രോഡ്ബാൻഡ് കണക്ഷൻ ലഭ്യമാക്കാനുള്ള സ്വപ്നപദ്ധതിയാണ് ഭാരത് നെറ്റ്. 2021 സെപ്റ്റബർ വരെയുള്ള കണക്കുപ്രകാരം ഈ പദ്ധതിക്കായി 5.46 ലക്ഷം കിലോമീറ്റർ ഒപ്റ്റിക്കൽ ഫൈബർ ഇതുവരെ ഇട്ടിട്ടുണ്ട്.
കെ-ഫോൺ വെബ്സൈറ്റിൽ പറയുന്നതെന്ത്?
കെ-ഫോണിന്റെ ഔദ്യോഗിക വെബ്സൈറ്റിൽ ഓഹരി ഉടമകളെ പറ്റി (Stakeholders) പരാമർശിക്കുന്ന ഭാഗം ഞങ്ങൾ പരിശോധിച്ചു. Kerala State Electricity Board Limited (KSEBL), Kerala State IT Infrastructure ലിമിറ്റഡ് (KSITIL), Bharat Electronics Limited (BEL), KIIFB എന്നിവയെപ്പറ്റിയാണ് ഇവിടെ പരാമർശമുള്ളത്. കൂടുതൽ അന്വേഷണത്തിൽ KSEBക്കാണ് കെ-ഫോണിന്റെ 50% ഓഹരിയുമെന്ന് മനസ്സിലായി. സർക്കാർ ഓഫീസുകളും ബസ് സ്റ്റാന്റ്കളും അടക്കമുള്ള പൊതുസ്ഥലങ്ങളായിൽ സ്ഥാപിക്കുവാനുള്ള വൈഫൈ - ഹോട്സ്പോട്ടുകൾ നൽകുക BSNL ആയിരിക്കുമെന്നും ചില റിപ്പോർട്ടുകളിൽ നിന്നും മനസ്സിലായി. ഇതിനപ്പുറം കേന്ദ്ര സർക്കാരോ ഭാരത് നെറ്റ് പദ്ധതിയോ കെ-ഫോണിൽ പങ്കാളികളാകുന്നതിന്റെ വിവരങ്ങളൊന്നും കണ്ടെത്താനായില്ല.
തുടർന്ന്, ഗൂഗിളിൽ കീവേർഡുകൾ ഉപയോഗിച്ച് നടത്തിയ തിരച്ചിലിൽ ചില വാർത്താറിപ്പോർട്ടുകൾ ലഭ്യമായി. ഇക്കൂട്ടത്തിൽ ടൈംസ് ഓഫ് ഇന്ത്യ 2020ൽ പ്രസിദ്ധീകരിച്ച ഒരു റിപ്പോർട്ടുമുണ്ടായിരുന്നു.
മറ്റ് സംസ്ഥാങ്ങളെ അപേക്ഷിച്ച് ഗ്രാമപ്രദേശങ്ങളിൽ മെച്ചപ്പെട്ട ഇന്റർനെറ്റ് സേവനം ലഭ്യമായതിനാൽ ഭാരത് നെറ്റ് പദ്ധതികൊണ്ട് കേരളത്തിന് വലിയ ലാഭമുണ്ടാകുന്നില്ല എന്നീ റിപ്പോർട്ട് പറയുന്നു. എന്നാൽ ഇത് ശരിയല്ലെന്നും, ഗ്രാമങ്ങളിൽ ഇന്റർനെറ്റ് എത്തിക്കേണ്ട കാര്യമില്ലെങ്കിൽ, സംസ്ഥാനത്തിന്റെ കെ-ഫോൺ പടത്തി നടപ്പിലാക്കാൻവേണ്ട സഹായമെങ്കിലും കേന്ദ്രം നൽകണമെന്നും അന്നത്തെ ഐടി സെക്രട്ടറി എം ശിവശങ്കർ പറഞ്ഞതായും റിപ്പോർട്ട് പറയുന്നു.
ഇതുപോലെ ലൈവ്മിന്റ് പ്രസിദ്ധീകരിച്ച മറ്റൊരു റിപ്പോർട്ടും ഞങ്ങൾ കണ്ടെത്തി.
ഭാരത് നെറ്റിനോട് സാമ്യം ഉള്ളതെങ്കിലും, രാജ്യത്താദ്യമായിയാണ് ഒരു സംസ്ഥാനം മുപ്പതിനായിരത്തോളം സർക്കാർ ഓഫീസുകളെയും ഇരുപത് ലക്ഷത്തോളം നിർധന കുടുംബങ്ങളെയും ലക്ഷ്യമിട്ട് ഇങ്ങനെയൊരു പദ്ധതി വിഭാവന ചെയ്യുന്നതെന്ന് കെ-ഫോണിനെ പറ്റി 2020ൽ തന്നെ പ്രസിദ്ധീകരിച്ച ഈ റിപ്പോർട്ടും പറയുന്നു.
കൂടുതൽ വ്യക്തതക്കായി ഞങ്ങൾ കെ-ഫോൺ മാനേജിങ് ഡയറക്ടർ സന്തോഷ് ബാബു ഐഎസുമായി ബന്ധപ്പെട്ടു. "വളരെ ബാലിശമായ വാദമാണിത്. കെ-ഫോൺ സംസ്ഥാന സർക്കാരിന്റെ പദ്ധതിയാണ്. ഭാരത് നെറ്റിന്റെ ജോലികൾ പുരോഗമിക്കുന്നുണ്ട്. അവർ നമ്മളുമായി ആശയവിനിമയം നടത്താറുണ്ട്. കേരളത്തിൽ പ്രത്യേകം നെറ്റ്വര്ക്കിന്റെ ആവിശ്യമില്ലെന്നും, നമ്മുടെ നെറ്റ്വര്ക്ക് തയ്യാറാണെന്നും അവരെ അറിയിച്ചിട്ടുണ്ട്. പൂർത്തിയാക്കലിലേക്ക് അടുത്തുകൊണ്ടിരിക്കുന്ന പദ്ധതിയാണ് കെ-ഫോൺ," അദ്ദേഹം പറഞ്ഞു.
ഇതിൽനിന്നും, കേന്ദ്ര സർക്കാരിന്റെ ഭാരത് നെറ്റ് പദ്ധതിയുടെ പേരുമാറ്റിയുണ്ടാക്കിയ പ്രോജക്ട് മാത്രമാണ് കേരളത്തിന്റെ കെ-ഫോൺ എന്നവാദം അടിസ്ഥാനരഹിതമാണെന്ന് മനസ്സിലായി.
കേന്ദ്ര സർക്കാർ പദ്ധതിയുടെ പേരുമാറ്റി കേരളസർക്കാർ അവതരിപ്പിച്ച പ്രോജക്ട് ആണ് കെ-ഫോൺ
കേന്ദ്ര സർക്കാരിന്റെ ഭാരത് നെറ്റ് പദ്ധതിയുടെ പേരുമാറ്റിയുണ്ടാക്കിയ പ്രോജക്ട് മാത്രമാണ് കേരളത്തിന്റെ കെ-ഫോൺ എന്നവാദം അടിസ്ഥാനരഹിതമാണെന്ന് മനസ്സിലായി. ഇവ രണ്ടും വിഭിന്ന പദ്ധതികളാണ്.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)