| schema:text
| - രാജ്യത്തെ ഭവന രഹിതരായവര്ക്ക് പാര്പ്പിടം നല്കുന്ന പദ്ധതിയാണ് പ്രധാന്മന്ത്രി ആവാസ് യോജന(പിഎംഎവൈ). സര്വെയിലൂടെ സംസ്ഥാനങ്ങള് കണ്ടെത്തുന്ന അര്ഹരായവര്ക്ക് പദ്ധതിയുടെ പ്രയോജനം ലഭിക്കും. അതത് തദ്ദേശ സ്വയംഭരണ സ്ഥാപനങ്ങളുടെ മേല്നോട്ടത്തിലാണ് പിഎംഎവൈ നടപ്പാക്കുന്നത്. പദ്ധതിയെപ്പറ്റി ഇപ്പോള് സമൂഹമാധ്യമങ്ങളില് ഒരു പ്രചാരണം സജീവമാണ്.
'പ്രധാനമന്ത്രി ആവാസ് യോജന പ്രകാരം കേരളത്തിന് കേന്ദ്രം 107306 വീടുകള് അനുവദിക്കുകയും കേന്ദ്രവിഹിതമായി 50% വും കൊടുത്തു...കേരളം പണിതത് വെറും 12079 വീടുകള്... വീടില്ലാത്തവന് വീട് കൊടുക്കിന്നതിലും പിണറായി സര്ക്കാര് രാഷ്ട്രീയം കളിക്കുന്നു...' എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക്ന്യൂസ് വാര് റൂം (AFWA) കണ്ടെത്തി. പിഎംഎവൈ പദ്ധതിയില് ഉള്പ്പെടുത്തി കേരളത്തില് നിര്മിച്ച വീടുകളെപ്പറ്റി പ്രചരിക്കുന്നത് തെറ്റിദ്ധരിപ്പിക്കുന്ന വിവരമാണ്.
AFWA അന്വേഷണം
സാമ്പത്തികമായി പിന്നോക്കം നില്ക്കുന്നവര്ക്ക് സൗജന്യ ഭവന നിര്മാണത്തിന് സഹായിക്കുന്ന പദ്ധതിയാണിത്. മുന്കാലങ്ങളില് ഇന്ദിരാ ആവാസ് യോജന, രാജീവ് ആവാസ് യോജന എന്നീ പേരുകളില് അറിയപ്പെട്ടിരുന്ന ഭവന പദ്ധതികളെ 2015 മുതലാണ് പ്രധാന്മന്ത്രി ആവാസ് യോജന എന്ന പേരില് ഒറ്റപദ്ധതിയായി നടപ്പാക്കാന് തുടങ്ങിയത്. പിഎംഎവൈ പദ്ധതി വളരെക്കാലമായി നടപ്പിലാക്കുന്നതിനാല് സ്വാഭാവികമായും പോസ്റ്റില് പറഞ്ഞിരിക്കുന്ന കണക്കുകളില് പൊരുത്തക്കേടുകളുണ്ടാകുമെന്ന സംശയിത്തിലാണ് ഞങ്ങള് ഇക്കാര്യം പരിശേധിച്ചത്. ഇതിനായി പിഎംഎവൈ വെബ്സൈറ്റിലാണ് തിരഞ്ഞത്.
പദ്ധതിയുടെ സംസ്ഥാനതല പുരോഗതി വ്യക്തമാക്കുന്ന റിപ്പോര്ട്ട് വെബ്സൈറ്റില് പ്രസിദ്ധീകരിച്ചിട്ടുണ്ട്. ഇതു പ്രകാരം പിഎംഎവൈ പദ്ധതിയ്ക്ക് കേരളത്തില് നിന്ന് 1,39,837 വീടുകള്ക്ക് അനുമതി ലഭിച്ചുണ്ട്. 1,03,615 വീടുകളാണ് നിര്മാണം പൂര്ത്തിയാക്കിയതെന്നും വിവിധ ഘട്ടങ്ങളിലായി നിര്മാണം നടക്കുന്ന 1,25,961 വീടുകളുണ്ടെന്നും വ്യക്തമാക്കിയിട്ടുണ്ട്. 2014 മുതലുള്ള കണക്കുകളാണ് ഇതില് ഉള്പ്പെടുത്തിയിരിക്കുന്നത്. 2022 ജനുവരി മൂന്നിനാണ് കണക്ക് അവസാനം അപ്ഡേറ്റ് ചെയ്തിട്ടുള്ളതെന്നും വ്യക്തമാക്കിയിട്ടുണ്ട്. പട്ടികയില് നിന്നുള്ള പ്രസക്തഭാഗം താഴെ കാണാം.
ഈ കണക്കുകള് പ്രകാരം പദ്ധതിക്കായി 2295.55 കോടി രൂപ കേന്ദ്രം അനുവദിച്ചിട്ടുണ്ട്. ഇതില് 1543.23 കോടി രൂപ ഉപഭോക്താക്കള്ക്ക് നല്കി കഴിഞ്ഞതായും വ്യക്തമാക്കിയിട്ടുണ്ട്. അതായത് പോസ്റ്റില് പറയുന്നതു പ്രകാരം 1,07306 വീടുകളല്ല കേന്ദ്രം അനുവദിച്ചിട്ടുള്ളതെന്ന് പിഎംഎവൈ വെബ്സൈറ്റില് തന്നെ വ്യക്തമാക്കുന്നുണ്ട്.
പിന്നീട് ഞങ്ങള് അന്വേഷിച്ചത് കേരളത്തില് പദ്ധതി നടത്തിപ്പ് എങ്ങനെയാണെന്ന വിവരമാണ്. 2017 മുതല് കേരളത്തില് അനുവദിക്കുന്ന എല്ലാ ഭവന പദ്ധതികളും ലൈഫ് മിഷനു കീഴിലാണ് നടപ്പാക്കുന്നത്. അതായത് പിഎംഎവൈ ഉള്പ്പെടെയുള്ള വിവിധ പദ്ധതികള് ഒന്നിച്ച് ചേര്ത്താണ് സംസ്ഥാന സര്ക്കാര് ലൈഫ് മിഷന് നടപ്പാക്കുന്നത്. പിഎംഎവൈ പദ്ധതിക്ക് നഗര പ്രദേശങ്ങളിലേക്കും(പിഎംഎവൈ-U) ഗ്രാമീണ മേഖലകളിലേക്കും (പിഎംഎവൈ-G) എന്നീ രണ്ട് വിഭാഗങ്ങളുണ്ട്. ഇവയ്ക്ക് പദ്ധതി തുകയില് ചെറിയ വ്യത്യാസം മാത്രമാണുള്ളത്. കേന്ദ്ര-സംസ്ഥാന വിഹിതം 60:40 എന്ന നിരക്കിലാണ് പദ്ധതിക്ക് ലഭ്യമാക്കുന്നത്.
PMAY-U പദ്ധതിക്ക് 1.5 ലക്ഷം രൂപയാണ് കേന്ദ്രവിഹിതം. PMAY-G പദ്ധതിക്ക് സമതല പ്രദേശത്ത് 1.2 ലക്ഷവും ദുര്ഘടപ്രദേശത്ത് 1.3 ലക്ഷവും കേന്ദ്ര വിഹിതമുണ്ട്. ബാക്കി തുക കേരള സര്ക്കാര് വിഹിതമായി നല്കി ആകെ 4 ലക്ഷം രൂപയാണ് ലൈഫ് മിഷന് വീടുകള്ക്ക് നല്കുന്നത്. പദ്ധതിയുടെ നിലവിലെ അവസ്ഥ അറിയുന്നതിനായി കണക്കുകള് പരിശോധിച്ചു. ഇത് താഴെ കാണാം.
ഇതിനു പുറമെ പ്രചരിക്കുന്ന കണക്കില് എന്തെങ്കിലും വാസ്തവമുണ്ടോ എന്നറിയാന് ഞങ്ങള് ലൈഫ് മിഷനന് ഉദ്യോഗസ്ഥരെയും ബന്ധപ്പെട്ടിരുന്നു. കേന്ദ്ര-സംസ്ഥാന സര്ക്കാര് വെബ്സൈറ്റുകളിലുള്ള വിവരമാണ് കൃത്യമെന്നും മറ്റ് കണക്കുകള് തികച്ചും അടിസ്ഥാന രഹിതമാണെന്നും ലൈഫ് മിഷന് ഓഫിസില് നിന്ന് അറിയിച്ചു.
മുന്പും സമാനമായ രീതിയില് ലൈഫ് മിഷന് വീടുകളെ സംബന്ധിച്ച് തെറ്റിദ്ധരിപ്പിക്കുന്ന സന്ദേശങ്ങള് സമൂഹമാധ്യമങ്ങളില് പങ്കുവച്ചിട്ടുണ്ട്. കഴിഞ്ഞ മാര്ച്ചില് ഇതുസംബന്ധിച്ച് ഞങ്ങള് നടത്തിയ വസ്തുതാ അന്വേഷണ റിപ്പോര്ട്ട് ഇവിടെ വായിക്കാം.
ലഭ്യമായ വിവരങ്ങളില് നിന്ന് പിഎംഎവൈ പദ്ധതിയെപ്പറ്റി പ്രചരിക്കുന്ന കണക്ക് തെറ്റിദ്ധരിപ്പിക്കുന്നതാണെന്ന് വ്യക്തം.
പിഎംഎവൈ പദ്ധതി പ്രകാരം കേന്ദ്രം 1,07306 വീടുകള് അനുവദിച്ചെങ്കിലും കേരളം നിര്മിച്ചത് വെറും 12,079 വീടുകള് മാത്രം.
പിഎംഎവൈ വെബ്സൈറ്റില് നല്കിയിട്ടുള്ള വിവരം അനുസരിച്ച് കേരളത്തില് നിന്ന് 1,39,837 വീടുകള്ക്ക് അനുമതി ലഭിച്ചുണ്ട്. 1,03,615 വീടുകളാണെന്ന് നിര്മാണം പൂര്ത്തിയാക്കിയതെന്നും വിവിധ ഘട്ടങ്ങളിലായി നിര്മാണം നടക്കുന്ന 1,25,961 വീടുകളുണ്ടെന്നും വെബ്സൈറ്റില് വ്യക്തമാക്കിയിട്ടുണ്ട്.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)