About: http://data.cimple.eu/claim-review/a6ea61679a9253d59ece6a5f80f8a0372ea8b998dfdd5e8b3fe55956     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇലക്ട്രോണിക് വോട്ടിംഗ് മെഷീന്(EVM) തട്ടിപ്പാണെന്നും ബാലറ്റ് വോട്ടിംഗ് സംവിധാനം തിരികെ കൊണ്ടുവരണമെന്നുമുള്ള ക്യാംപെയ്ന് ദീര്ഘകാലമായി നടന്നുവരുന്നതാണ്. ലോക്സഭാ തെരഞ്ഞെടുപ്പിന് മുന്നോടിയായി കേരളത്തില് ചിലയിടങ്ങളില് നടന്ന മോക് പോളിംഗില് ബിജെപിയ്ക്ക് രേഖപ്പെടുത്താത്ത വോട്ട് ലഭിച്ചുവെന്ന ആരോപണവുമുണ്ട്. അതിനിടെ മണിപ്പൂരില് ബിജെപിക്കാര് ഇവിഎം തട്ടിപ്പ് നടത്തിയെന്ന രീതിയില് ഒരു വീഡിയോ വൈറലാണ്. ഇവിഎമ്മിലെ ഏത് ചിഹ്നത്തില് അമര്ത്തിയാലും ബിജെപിക്ക് വോട്ടു പോകുന്നുവെന്നും സഹികെട്ട മണിപ്പൂര് ജനത ഇവിഎം തല്ലിപ്പൊട്ടിച്ചുവെന്നുമാണ് പ്രചാരണം. ഒരു പോളിംഗ് ബൂത്തിലെ സംഘര്ഷത്തിന്റെ വീഡിയോ ആണിത്. "മണിപ്പൂരില് ഏതില് കുത്തിയാലും വോട്ട് താമരക്ക്..ഒടുവില് അടിച്ചു പൊളിച്ചു...." എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. തന്റെ വോട്ട് മറ്റൊരാള് ചെയ്തതായി മനസിലാക്കിയ യുവാവിന് വീണ്ടും വോട്ടിടാന് അവസരം നല്കാത്തതിനെ തുടര്ന്ന് നടന്ന സംഘര്ഷമാണിത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ ദൃശ്യം എന്ഡിടിവിയുടെ വാര്ത്തയില് നല്കിയിട്ടുള്ളതായി കണ്ടെത്തി. "മണിപ്പൂരിലെ മൊയ്റംഗ് കാമ്പുവിലെ ഒരു പോളിംഗ് സ്റ്റേഷനില് 'പ്രോക്സി വോട്ടിംഗ്'ആരോപിച്ച് പ്രദേശവാസികള് ഇവിഎം നശിപ്പിച്ചു. സംസ്ഥാനത്തെ 60 നിയമസഭാ മണ്ഡലങ്ങളില് 32 എണ്ണവും ഉള്പ്പെടുന്ന മണിപ്പൂരിലെ ഇന്നര് മണിപ്പൂര് ലോക്സഭാ സീറ്റും ഔട്ടര് മണിപ്പൂര് ലോക്സഭാ സീറ്റിലെ 15 നിയമസഭാ മണ്ഡലങ്ങളും 2024ലെ ലോക്സഭാ തെരഞ്ഞെടുപ്പിന്റെ ആദ്യ ഘട്ടത്തില് ഇന്ന് വോട്ട് ചെയ്തു. " എന്നുള്ള വിവരണത്തോടെ 2024 ഏപ്രില് 19നാണ് എന്ഡിടിവി ഈ വീഡിയോ പങ്കുവച്ചിട്ടുള്ളത്. വൈറല് വീഡിയോയിലെ അതേ ദൃശ്യമാണിത്. എന്ഡിടിവി നല്കിയ യുട്യൂബ് വീഡിയോയുടെ പൂര്ണ്ണരൂപം ചുവടെ കാണാം. ആദ്യഘട്ട തെരഞ്ഞെടുപ്പ് നടന്ന ഏപ്രില് 19ന് മണിപ്പൂരില് ഒട്ടേറെ സ്ഥലങ്ങളില് അക്രമം റിപ്പോര്ട്ട് ചെയ്തിട്ടുണ്ട്. വിവിധ പോളിംഗ് സ്റ്റേഷനുകളില് റീ പോളിംഗിന് ഉത്തരവിട്ടതായും വാര്ത്തകളുണ്ട്. വൈറല് വീഡിയോയ്ക്ക് സമാനമായ വീഡിയോ 'ദി ഇന്ത്യന് എക്സ്പ്രസും' നല്കിയിരുന്നു. സംഭവത്തെപ്പറ്റിയുള്ള കൂടുതല് വിവരങ്ങള്ക്കായി കീ വേര്ഡ് സെര്ച്ച് നടത്തിയപ്പോള് മണിപ്പൂരില് ഇവിഎം തല്ലിപ്പൊട്ടിച്ചയാള്ക്കെതിരെ കേസെടുത്തതായി Imphal Free Prsse(IFP) ഏപ്രില് 22ന് നല്കിയ വാര്ത്തയില് പറയുന്നു. ഈ വാര്ത്ത പ്രകാരം മണിപ്പൂരിലെ ഖുറൈ അസംബ്ലി മണ്ഡലത്തിലെ പോളിംഗ് സ്റ്റേഷന് 3/21 ന് കീഴിലുള്ള എസ് ഇബോബി പ്രൈമറി സ്കൂളില് (S Ibobi Primary School) ഇവിഎം നശിപ്പിച്ചുവെന്നാരോപിച്ച് എസ് സൂരജ് കുമാര് എന്നയാള്ക്കെതിരെയാണ് കേസെടുത്ത്. ഖുറൈ അംഗോം ലെയ്ക്കായി സ്വദേശിയായ സൂരജ് കുമാറിന്റെ വോട്ട് മറ്റാരോ ചെയ്തെന്ന് മനസിലാക്കിയതോടെ പ്രിസൈഡിംഗ് ഓഫിസറോട് പരാതിപ്പെട്ടെങ്കിലും അവര്ക്ക് കൃത്യമായ ഉത്തരം നല്കാനായില്ല. ഇതോടെയാണ് പ്രകോപിതരായ വോട്ടര്മാര് പോളിംഗ് ബൂത്തിലേക്ക് കയറി പ്രതിഷേധിച്ചതെന്ന് സൂരജ് കുമാര് മാധ്യമങ്ങളോട് പറഞ്ഞു. സൂരജിന്റെ വാര്ത്താ സമ്മേളനത്തിന്റെ ചിത്രവും IFP റിപ്പോര്ട്ടില് ഉള്പ്പെടുത്തിയിട്ടുണ്ട്. വൈറല് വീഡിയോയില് പ്രകോപിതരാകുന്ന സ്ത്രീയും പുരുഷനും തന്നെയാണ് ഇവരെന്ന് ചിത്രങ്ങള് താരതമ്യം ചെയ്യുമ്പോള് മനസിലാക്കാം. റിപ്പോര്ട്ടിന്റെ സ്ക്രീന്ഷോട്ട് താഴെ കാണാം. ഖുറൈ മണ്ഡലത്തിലെ മൊയ്റംഗ് കാമ്പു, സജീബ്, അംഗോം ലെയ്ക്കായി എന്നീ സ്ഥലങ്ങളിലുണ്ടായ അക്രമ സംഭവങ്ങളില് പ്രതിഷേധിച്ച് പ്രദേശവാസികള് കുത്തിയിരുന്ന് പ്രതിഷേധിച്ചിരുന്നു. പ്രതിഷേധ സ്ഥലത്താണ് സൂരജ് കുമാറിന്റെ വാര്ത്താ സമ്മേളനം നടന്നത്. ലഭ്യമായ വിവരങ്ങളില് നിന്ന് വൈറല് പോസ്റ്റുകളില് ആരോപിക്കുന്നതുപോലെ മണിപ്പൂരിലെ പോളിംഗ് ബൂത്തില് ഏത് ബട്ടണ് അമര്ത്തിയാലും ബിജെപിയ്ക്ക് വോട്ടു പോകുന്നതിനാല് പ്രകോപിതരായ നാട്ടുകാര് ഇവിഎം തല്ലിപ്പൊളിച്ചുവെന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തം. ഏത് ബട്ടണ് അമര്ത്തിയാലും ബിജെപിയ്ക്ക് വോട്ടു പോകുന്നതില് പ്രകോപിച്ച് മണിപ്പൂരില് നാട്ടുകാര് ഇവിഎം തല്ലിപ്പൊളിച്ചു. ഖുറൈ അംഗോം ലെയ്ക്കായി സ്വദേശി സൂരജ് കുമാറിന്റെ വോട്ട് മറ്റാരോ ചെയ്തതുമായി ബന്ധപ്പെട്ട പ്രശ്നമാണ് സംഘര്ഷത്തില് കലാശിച്ചത്. ഇവിഎം തല്ലിപ്പൊളിച്ചവര്ക്കെതിരെ കേസെടുത്തു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software