| schema:text
| - Fact Check: பிரான்சில் மேலாடையின்றி ஆர்ப்பாட்டம் செய்த பெண்களின் வைரலான படங்கள் தவறாக சித்தரிக்கப்படுகின்றன.
ஆனால், விஷ்வாஸ் நியூஸின் விசாரணையில், இந்த காணொளி பிரான்சிலிருந்து வந்தது என்பதும், நவம்பர் 24, 2024 தேதியில் நடந்தது என்பதும், மேலும் இது பெண்களுக்கு எதிரான வன்முறையை எதிர்த்து நடக்கும் போராட்டங்களுடன் தொடர்புடையது என்பது தெரியவந்தது. காணொளியில் காணப்படும் பெண்கள் துணிச்சலான போராட்டங்களுக்கு பெயர் பெற்ற 'ஃபெமென்' (FEMEN) என்ற பெண்ணியக் குழுவுடன் தொடர்புடையவர்கள்.
By: Umam Noor
-
Published: Feb 28, 2025 at 05:50 PM
-
புது தில்லி (விஷ்வாஸ் நியூஸ்). சமூக ஊடகங்களில் ஒரு காணொளி வைரலாகி வருகிறது, அதில் மேலாடையின்றி பெண்கள் குழு ஒன்று போராட்டம் நடத்துவதைக் காட்டுகிறது. ஈரானிய பெண்கள் ஹிஜாப் மற்றும் பர்தாவுக்கு எதிராக பிரான்சில் இந்த ஆர்ப்பாட்டத்தை நடத்தினர் என்றும், இது சமீபத்தில் பாரிஸில் நடந்தது என்றும் கூறி பயனர்கள் இந்த காணொளியைப் பகிர்ந்து வருகிறார்கள்.
ஆனால், விஷ்வாஸ் நியூஸின் விசாரணையில், இந்த காணொளி பிரான்சிலிருந்து வந்தது என்பதும், நவம்பர் 24, 2024 தேதியில் நடந்தது என்பதும், மேலும் இது பெண்களுக்கு எதிரான வன்முறையை எதிர்த்து நடக்கும் போராட்டங்களுடன் தொடர்புடையது என்பது தெரியவந்தது. காணொளியில் காணப்படும் பெண்கள் துணிச்சலான போராட்டங்களுக்கு பெயர் பெற்ற ‘ஃபெமென்’ (FEMEN) என்ற பெண்ணியக் குழுவுடன் தொடர்புடையவர்கள்.
பெண்களுக்கு எதிரான சமூக அநீதி மற்றும் வன்முறை குறித்து விழிப்புணர்வை ஏற்படுத்த ‘ஃபெமென்’ உறுப்பினர்கள் பெரும்பாலும் மேலாடையின்றி போராட்டங்களை நடத்துகிறார்கள். இந்த நிலையில், சர்வதேச பெண்களுக்கு எதிரான வன்முறை ஒழிப்பு தினத்திற்கு முன்பும் இதேபோன்ற ஆர்ப்பாட்டத்தை நடத்தினர், இது இப்போது தவறான கூற்றுகளுடன் தவறாக சித்தரிக்கப்படுகிறது.
வைரல் பதிவில் என்ன இருக்கிறது?
ஃபேஸ்புக் பயனர் ஒருவர் இந்த வைரல் போஸ்ட்டை, ”ஈரானிய முஸ்லிம் பெண்கள் ஹிஜாப் மற்றும் அடிப்படைவாதிகளுக்கு எதிராக தனித்துவமான முறையில் போராட்டம் நடத்த நிர்பந்திக்கப்படுகிறார்கள், அதே நேரத்தில் அதே மதத்தைச் சேர்ந்த அடிப்படைவாதிகள் பாகிஸ்தான், ஆப்கானிஸ்தான், வங்கதேசம் மற்றும் இந்தியாவில் புர்கா ஹிஜாப், முத்தலாக், ஹலாலா போன்ற தீய நடைமுறைகளில் அவர்களை பிணைத்து நரக வாழ்க்கை வாழ கட்டாயப்படுத்துகிறார்கள். இருப்பினும், இந்த போராட்டக் காட்சிகள் நாகரிக சமூகத்திலும் பொருத்தமானவை அல்ல. பெண்கள் வேறு ஏதாவது முறையைப் பின்பற்றியிருக்க வேண்டும். ஈரான் மிகவும் தாராளமய நாடாகக் கருதப்பட்ட ஒரு காலம் இருந்தது, அங்கு பெண்கள் நவீன ஆடைகளை அணிந்தனர். ஆனால், அடிப்படைவாதிகளின் அழிவு அங்கும் அழிவை ஏற்படுத்தத் தொடங்கியது.” என்கிற குறிப்புகளுடன் பகிர்ந்துள்ளார்.
பதிவின் ஆர்க்கைவ்டு பதிப்பை இங்கே காண்க .
விசாரணை
எங்கள் விசாரணையைத் தொடங்க, வைரலான காணொளியை கவனமாக ஆராய்ந்தோம், அதில் ‘Brut’ (ப்ரூட்) என்ற பெயர் இருப்பதைக் கவனித்தோம். கூடுதலாக, காணொளியில் தெரியும் பிரெஞ்சு உரையின் ஸ்கிரீன் ஷாட்டை எடுத்து கூகிள் மொழிபெயர்ப்பைப் பயன்படுத்தி மொழிபெயர்த்தோம். மொழிபெயர்ப்பில், “உலகம் முழுவதும் பெண்களுக்கு எதிரான வன்முறையை எதிராக லூவ்ரே முன் பெண்களின் நடவடிக்கை” என்று எழுதப்பட்டிருந்தது.
ப்ரூட்டின் சமூக ஊடக ஹேண்டில்களில் தொடர்புடைய முக்கிய வார்த்தைகளைப் பயன்படுத்தி வீடியோவைத் தேடி எங்கள் விசாரணையை மேலும் மேம்படுத்தினோம். எங்கள் தேடல் எங்களை ப்ரூட்டின் அதிகாரப்பூர்வ இன்ஸ்டாகிராம் கணக்கிற்கு அழைத்துச் சென்றது, அங்கு நவம்பர் 23, 2024 அன்று வீடியோ பதிவேற்றப்பட்டிருந்தது. வீடியோவில் கொடுக்கப்பட்டுள்ள தகவல்களின்படி, உலகளவில் பெண்களுக்கு எதிரான வன்முறைக்கு எதிரான விழிப்புணர்வை ஏற்படுத்த பாரிஸில் உள்ள FEMEN ஆர்வலர்கள் மேலாடையின்றி போராட்டம் நடத்தினர்.
‘shethepeople.tv’ என்ற வலைத்தளத்தில் தொடர்புடைய செய்தி அறிக்கையை நாங்கள் கண்டோம். அறிக்கையில் வழங்கப்பட்ட விரிவான தகவல்களின்படி, “நவம்பர் 25 அன்று, பிரான்சின் பாரிஸில் உள்ள லூவ்ரே அருங்காட்சியகத்திற்கு வெளியே நூற்றுக்கணக்கான ‘ஃபெமென்’ ஆர்வலர்கள் மேலாடையின்றி போராட்டம் நடத்தினர், இது பெண்களுக்கு எதிரான வன்முறை ஒழிப்புக்கான சர்வதேச தினத்தைக் குறிக்கிறது. பாலின அடிப்படையிலான வன்முறைக்கு எதிரான இந்த எதிர்ப்பு மெதுவாக ஒரு உலகளாவிய இயக்கமாக மாறி வருகிறது. “Femme, Vie, Liberté” (பெண்கள், வாழ்க்கை, சுதந்திரம்) என்ற முழக்கத்தின் கீழ், FEMEN-ன் 100-க்கும் மேற்பட்ட ஆர்வலர்கள் மேலாடையின்றி பெண்களுக்கு எதிரான வன்முறை குறித்து கவனத்தை ஈர்க்க கூடினர். “பெண்கள் மீதான போரை நிறுத்து” மற்றும் “பெண்கள், வாழ்க்கை, சுதந்திரம்” போன்ற முழக்கங்கள் அவர்களின் உடல்களில் பிரெஞ்சு, ஆங்கிலம் மற்றும் குர்திஷ் மொழிகளில் வரையப்பட்டிருந்தன. ஃபெமென் இன்ஸ்டாகிராம் பக்கம் இந்த நிகழ்வை “இது ’உலகளாவிய பெண்ணிய எதிர்ப்பின் உயிருள்ள சின்னம்’, இது ஆப்கானிஸ்தான், ஈரான், சூடான், உக்ரைன், பாலஸ்தீனம் மற்றும் பல நாடுகளில் ஒடுக்குமுறையை எதிர்கொள்ளும் பெண்களுடன் ஒற்றுமையுடன் நிற்கிறது.” என்று விவரிக்கிறது.
FEMEN-ன் அதிகாரப்பூர்வ இன்ஸ்டாகிராம் கணக்கில் இந்த ஆர்ப்பாட்டம் தொடர்பான புகைப்படங்களையும் நாங்கள் கண்டோம். அதிலுள்ள கேப்ஷனில் “உலகளவில் பெண்களுக்கெதிரான வன்முறையை எதிர்ப்பதின் துவக்கமாக நவம்பர் 24 அன்று, பல்வேறு நாடுகளைச் சேர்ந்த 100 FEMEN ஆர்வலர்கள் பாரிஸிலிருந்து சர்வாதிகாரங்கள், போர்கள் மற்றும் சர்வாதிகாரங்களால் ஒடுக்கப்பட்ட எல்லா இடங்களிலும் உள்ள அனைத்து பெண்களுக்கும் சமரசமற்ற எதிர்ப்பை தெரிவித்தனர். பெண்களுக்கு எதிரான வன்முறைக்கு எதிரான சர்வதேச தினத்தைக் குறிக்கும் வகையில், ஆணாதிக்க வன்முறை, பெண்கள் மீதான ஒடுக்குமுறை மற்றும் சர்வதேச அளவில் அதிகரித்து வரும் சர்வாதிகாரத்தை எதிர்த்து நடக்கும் உலகளாவிய பெண்ணிய எதிர்ப்பின் உயிருள்ள அடையாளத்தை உருவகப்படுத்த நூறு பெண்கள் அணிவகுத்துச் சென்றனர். ஆப்கானிஸ்தான், ஈரான், ஈராக், குர்திஸ்தான், உக்ரைன், பாலஸ்தீனம், இஸ்ரேல், சூடான், லிபியா… – பற்பல இடங்களில், ஒடுக்கப்பட்ட மற்றும் வன்முறைக்கு உள்ளாக்கப்பட்ட சிறுமிகள் மற்றும் பெண்களுடன் நாங்கள் ஒற்றுமையுடன் நிற்கிறோம்….!! பாடகர் லியோ @lio_la_vraie தலைமையில், பெண்களின் துக்கம் மற்றும் அழிப்புக்கான அடையாளமாக கருப்பு நிற முக்காடு அணிந்து ‘ L’Hymne des Femmes’ பாடலைப் பாடினோம். பின்னர் FEMEN, #WomanLifeFreedom புரட்சியின் நாயகிகளுடன் ஒற்றுமையுடன், ஈரானிய பெண்களின் எதிர்ப்பின் கீதமான “The Song of equality” (சமத்துவப் பாடல்)-ஐ @victoriagugenheim தலைமையில், பாரசீக மொழியில் பாடி, எங்கள் குரல்களை எழுப்பினோம். விடுதலையின் ஒரு தருணத்தில் ஒவ்வொரு ஆர்வலரும் தன்னை மறைக்கும் திரையைக் கிழித்தனர். எதிர்ப்பின் கோஷங்கள் மற்றும் செய்திகளால் குறிக்கப்பட்ட நமது உடல்கள், நமது எதிர்ப்பின் அறிக்கையாகும். முகத்தில் உள்ள திரையை அகற்றுவது வெறும் அடையாளமாக மட்டுமல்ல; அது மீண்டெழுதல் குறித்த ஒரு விழிப்புணர்வான செயல் – நாம் வாய் மூடி இருக்க மறுக்கிறோம், நாம் அழிக்கப்பட மாட்டோம், நமது சுதந்திரத்திற்காகவும் நமது சகோதரிகளின் சுதந்திரத்திற்காகவும் போராடுவதை ஒருபோதும் நிறுத்த மாட்டோம் என்பதை உலகிற்கு அறிவிக்கிறது.” என்று இருந்தது.
நவம்பர் 23, 2024 அன்று வெளியான யூரோ நியூஸ் அறிக்கையின்படி, சனிக்கிழமையன்று பிரான்ஸ் மற்றும் இத்தாலியில் ஆயிரக்கணக்கான மக்கள் பெண்களுக்கு எதிரான வன்முறையை எதிர்த்து பேரணி நடத்தினர். இந்த ஆர்ப்பாட்டம் சர்வதேச அளவில் பெண்களுக்கெதிரான வன்முறை ஒழிப்பு தினத்திற்கு இரண்டு நாட்களுக்கு முன்பு ஏற்பாடு செய்யப்பட்டது. பெண்களுக்கு எதிரான அனைத்து வகையான உடல், மன மற்றும் பொருளாதார வன்முறைகளையும் போராட்டக்காரர்கள் எதிர்த்தனர்.
கூடுதலாக, புகைப்பட நிறுவனமான Alamy.com இல் தொடர்புடைய படத்தைக் கண்டோம். அதனுடன் இணைக்கப்பட்ட தகவலில், “சர்வதேச பெண்களுக்கெதிரான வன்முறை ஒழிப்பு தினத்தின் ஒரு பகுதியாக, நவம்பர் 24, 2024 அன்று பிரான்சின் பாரிஸில் உள்ள லூவ்ரே அருங்காட்சியகத்தின் முன் மத்திய கிழக்கில் பெண்களுக்கெதிரான வன்முறையை எதிர்த்து பெண்கள் பேரணி” என்று குறிப்பிடப்பட்டுள்ளது.
FEMEN-இன் அதிகாரப்பூர்வ வலைத்தளத்தின்படி, இது துணிச்சலான மேலாடை அணியாத பெண் செயற்பாட்டாளர்களை கொண்ட ஒரு சர்வதேச பெண்கள் இயக்கம், இது வாசகங்களால் வரையப்பட்டு, மலர்களால் முடிசூட்டப்பட்டுள்ளது.
வைரலான காணொளியை சரிபார்க்க, பிரான்சில் உள்ள லெஸ் வெரிஃபிகேட்டர்ஸில் உள்ள ஃபேக்ட் செக்கரான அலெக்ஸாண்ந்ரே கப்ரூனைத் தொடர்பு கொண்டு, அந்த வைரல் பதிவை அவருடன் பகிர்ந்து கொண்டோம். அவர், “பெண்களுக்கெதிரான வன்முறைக்கு எதிராக ஆர்ப்பாட்டம் செய்த பெண்கள் ஆர்வலர்கள் இவர்கள், அவர்களின் மத அடையாளம் எங்கும் குறிப்பிடப்படவில்லை” என்று கூறினார்.
அடுத்து, போலி பதிவைப் பகிர்ந்த ஃபேஸ்புக் பயனரை ஸ்கேன் செய்ததில், அந்த பயனர் பீகாரின் சிவானில் வசிப்பவர் என்றும், அவருக்கு சுமார் 5000 பின்தொடர்பாளர்கள் இருப்பதையும் கண்டறிந்தோம்.
முடிவு: பிரான்சில் இருந்து நவம்பர் 24, 2024 தேதியிட்ட இந்த காணொளி, பெண்களுக்கு எதிரான வன்முறை குறித்த விழிப்புணர்வை ஏற்படுத்துவதும் அவர்களின் உரிமைகளுக்காக வாதிடுவதும் தொடர்பானது என்று விஷ்வாஸ் நியூஸின் விசாரணையில் தெரியவந்துள்ளது. காணொளியில் காணப்படும் பெண்கள் ‘ஃபெமென்’ என்ற பெண்ணியக் குழுவைச் சேர்ந்தவர்கள், இது போராட்டங்களுக்குப் பெயர் பெற்றது. இந்தக் குழுவின் உறுப்பினர்கள் பெரும்பாலும் பெண்களுக்கெதிரான அநீதி மற்றும் வன்முறைக்கு எதிராகக் குரல் எழுப்ப மேலாடையின்றி போராட்டம் நடத்துகிறார்கள். இந்த காணொளியிலும், அவர்கள் இதேபோன்ற ஆர்ப்பாட்டத்தை நடத்தினர், இது இப்போது போலியான கூற்றுகளுடன் தவறாக சித்தரிக்கப்படுகிறது.
Claim Review : ஹிஜாபிற்கு எதிராக பிரான்சில் ஈரானிய பெண்களின் ஆர்ப்பாட்டம்
-
Claimed By : ஃபேஸ்புக் பயனர்- ராஜேஷ் சுக்லா
-
Fact Check : Misleading
-
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)