About: http://data.cimple.eu/claim-review/a924cd5916cfa4d73c090fbf5a07028b46f088936f207bbe2ab0936d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അമ്പലപ്പുഴയ്ക്കടുത്ത് ദേശീയപാതയിലുണ്ടായ കാറപകടത്തില് ISRO ശാസ്ത്രജ്ഞര് മരിച്ചതായി ഒരു പ്രചാരണം ഇപ്പോള് സമൂഹമാധ്യമങ്ങളില് സജീവമാണ്. ശാസ്ത്രജ്ഞരുടെ അപകടം ദുരൂഹമാണെന്നും പൊലീസ് അന്വേഷണം വേണമെന്നുമാണ് പ്രചാരണം. "നിങ്ങള് ഈ വാര്ത്ത അറിഞ്ഞോ?? ഇന്ന് കേരളത്തില് 5 ISRO ശാസ്ത്രജ്ഞര് നാഷണല് ഹൈവേയിലുണ്ടായ കാറപകടത്തില് കൊല്ലപ്പെട്ടു" എന്ന ട്വീറ്റ് ഇവിടെ വായിക്കാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആൻ്റി ഫേക്ക് ന്യൂസ് വാര് റൂം(AFWA) കണ്ടെത്തി. അപകടത്തില്പ്പെട്ടത് ഐഎസ്ആര്ഓയിലെ ശാസ്ത്രജ്ഞരല്ല. AFWA അന്വേഷണം ജനുവരി 23ന് പുലര്ച്ചെ ഒന്നരയ്ക്കാണ് അമ്പലപ്പുഴ കാക്കാഴം മേല്പ്പാലത്തില് വെച്ച് കാര് അപകടത്തില്പ്പെട്ടത്. ആന്ധ്രാപ്രദേശില് നിന്നും കായംകുളത്തേക്ക് വന്ന അരി ലോറിയുമായി കൂട്ടിയിടിച്ചായിരുന്നു അപകടം. ഇടിയുടെ ആഘാതത്തില് കാര് പൂര്ണ്ണമായും തകര്ന്നു. കാറിലുണ്ടായിരുന്ന അഞ്ച് പേരും അപകടത്തില് കൊല്ലപ്പെട്ടു. നാലുപേര് സംഭവസ്ഥലത്തും ഒരാള് ആലപ്പുഴ മെഡിക്കല് കോളജ് ആശുപത്രിയിലുമാണ് മരിച്ചത്. സുമോദ്, മനുമോന്, ഷിജിന്ദാസ്, പ്രസാദ്, അമല് എന്നിവരാണ് മരിച്ചത്. മരിച്ച അഞ്ചുപേരും ഐഎസ്ആര്ഓയിലെ ശാസ്ത്രജ്ഞരാണെന്നാണ് സമൂഹമാധ്യമങ്ങളില് പ്രചരിക്കുന്നത്. ശാസ്ത്രജഞര് കൊല്ലപ്പെട്ടതിലെ ദുരൂഹത അന്വേഷിക്കണമെന്നും പോസ്റ്റുകളിലൂടെ ആവശ്യപ്പെടുന്നുണ്ട്. വാര്ത്തകളില് വന്നതനുസരിച്ച് കാറപകടത്തില് കൊല്ലപ്പെട്ട നാലുപേര് വിക്രം സാരാഭായ് സ്പേസ് സെൻ്ററിലെ ക്യാൻ്റീനിലെ താല്ക്കാലിക ജീവനക്കാരാണ്. പോസ്റ്റുകളിലൂടെ പ്രചരിക്കുന്ന വാദങ്ങളുടെ സത്യാവസ്ഥ മനസ്സിലാക്കുന്നതിന് ഞങ്ങള് VSSC പിആര്ഒ കെ രാമചന്ദ്രനുമായി ബന്ധപ്പെട്ടു. "കഴിഞ്ഞ ദിവസം അമ്പലപ്പുഴയില് കാറപകടത്തില് കൊല്ലപ്പെട്ടത് ഞങ്ങളുടെ ക്യാൻ്റീനിലെ താല്ക്കാലിക ജീവനക്കാരാണ്. അഞ്ചുപേരില് നാലുപേരാണ് ഇവിടെ ജോലിനോക്കിയിരുന്നത്. മരിച്ച ഒരാള് ഇവരുടെ സുഹൃത്താണെന്നാണ് വിവരം. അതല്ലാതെ ഇവിടുത്തെ ജീവനക്കാരോ ശാസ്ത്രജ്ഞരോ അപകടത്തില്പ്പെടുകയോ കൊല്ലപ്പെടുകയോ ചെയ്തിട്ടില്ല. സമൂഹമാധ്യമങ്ങളില് പ്രചരിക്കുന്നത് തെറ്റായ വിവരങ്ങളാണ്" അദ്ദേഹം ഇന്ത്യാ ടുഡേയോട് പറഞ്ഞു. പല മാധ്യമങ്ങളിലും മരിച്ച അഞ്ച് പേരും വിഎസ്എസ്സി ക്യാൻ്റീനിലെ ജീവനക്കാര് എന്ന രീതിയിലാണ് വാര്ത്ത നല്കിയിട്ടുള്ളത്. കാറപകടത്തില് ദുരൂഹതയുണ്ടെന്നാണ് പ്രചാരത്തിലുള്ള പോസ്റ്റുകളിലെ മറ്റൊരു വാദം. ഇതിനെക്കുറിച്ചുള്ള വിവരങ്ങള് അറിയുന്നതിന് ഞങ്ങള് അപകടം നടന്ന പ്രദേശത്തിന്റെ ക്രമസമാധാനച്ചുമതലയുള്ള അമ്പലപ്പുഴ പൊലീസ് സ്റ്റേഷനില് ബന്ധപ്പെട്ടു . "ദേശീയപാതയിലെ കാക്കാഴം ഭാഗം സ്ഥിരം അപകടമേഖലയാണ്. തിരുവനന്തപുരത്തുനിന്നും വന്ന യുവാക്കള് സഞ്ചരിച്ചിരുന്ന ആള്ട്ടോ കാര് ലോറിയിലേക്ക് ഇടിച്ചുകയറുകയായിരുന്നു. മനുമോനെ എറണാകുളത്തേക്ക് കൊണ്ടാക്കാന് പോവുകയായിരുന്നു സംഘം. പൂര്ണമായും തകര്ന്ന കാറില് നിന്നും വളരെ പ്രയാസപ്പെട്ടാണ് എല്ലാവരെയും പുറത്തെടുത്തത്. അഞ്ചുപേര്ക്കും തലയ്ക്കായിരുന്നു പരിക്ക്. മരിച്ചവരില് നാലുപേര് തിരുവനന്തപുരം വിഎസ്എസ്സി ക്യാന്റീനിലെ താല്ക്കാലിക ജീവനക്കാരാണ്. കാര് ഓടിച്ചിരുന്നവര് ഉറങ്ങിപ്പോയതോ അമിതവേഗതയോ ആയിരിക്കാം അപകടത്തിലേക്ക് നയിച്ച കാരണം" പൊലീസ് വ്യക്തമാക്കി. ലഭ്യമായ വിവരങ്ങളുടെ അടിസ്ഥാനത്തില് അമ്പലപ്പുഴയില് ദേശീയപാതയിലുണ്ടായ കാറപകടത്തില് കൊല്ലപ്പെട്ടത് ഐഎസ്ആര്ഓയിലെ ശാസ്ത്രജ്ഞര് അല്ലെന്ന് വ്യക്തം. വിഎസ്എസ്സി ക്യാൻ്റീനിലെ നാല് താല്ക്കാലിക ജീവനക്കാരും അവരുടെ ഒരു സുഹൃത്തുമാണ് കൊല്ലപ്പെട്ടത്. പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇതിനാല് വ്യക്തം. അമ്പലപ്പുഴയില് കാറപകടത്തില് 5 ഐഎസ്ആര്ഓ ശാസ്ത്രജ്ഞര് കൊല്ലപ്പെട്ടു. അമ്പലപ്പുഴയില് ദേശീയപാതയിലുണ്ടായ കാറപകടത്തില് കൊല്ലപ്പെട്ടത് ഐഎസ്ആര്ഓയിലെ ശാസ്ത്രജ്ഞര് അല്ല. വിഎസ്എസ്സി ക്യാൻ്റീനിലെ നാല് താല്ക്കാലിക ജീവനക്കാരും അവരുടെ ഒരു സുഹൃത്തുമാണ് കൊല്ലപ്പെട്ടത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software