About: http://data.cimple.eu/claim-review/a92da8b403590f9b8ceab4a829c9d3d99cfb0391aaaf0b46140763e9     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പൊതുമരാമത്ത്, ടൂറിസം വകുപ്പ് മന്ത്രി പി.എ മുഹമ്മദ് റിയാസ് നെറ്റിയിൽ കുങ്കുമക്കുറി അണിഞ്ഞ് നിൽക്കുന്ന ഒരു ചിത്രം സമൂഹമാധ്യമങ്ങളിൽ പ്രചരിക്കുന്നുണ്ട്. ഒരു സ്ക്രീൻഷോട്ടിൻ്റെ രൂപത്തിലാണ് പോസ്റ്റ് പ്രചരിക്കുന്നത്. “ഉത്തരേന്ത്യയിൽ എത്തിയ അവിട്ടം റിയാസ് സ്വാമിജി” എന്ന കുറിപ്പിനൊപ്പമുള്ള ചിത്രത്തിൽ മുഹമ്മദ് റിയാസിനൊപ്പം മറ്റ് മൂന്ന് പേരെയും കാണാം. മുഹമ്മദ് റിയാസിൻ്റെ ജീവിതപങ്കാളി വീണ അദ്ദേഹത്തിനെ സംഘിയാക്കിയെന്നും പോസ്റ്റിൽ ആരോപിക്കുന്നുണ്ട്. എന്നാൽ പ്രചാരത്തിലുള്ള ചിത്രം ഉത്തരേന്ത്യയിൽ നിന്നുള്ളതല്ലെന്നും 2018ൽ നേപ്പാളിൽ നിന്നെടുത്തിട്ടുള്ളതാണെന്നും ഇന്ത്യാ ടുഡേയുടെ അന്വേഷണത്തിൽ കണ്ടെത്തി. അന്വേഷണം വൈറൽ ഫോട്ടോ റിവേഴ്സ് ഇമേജ് സെർച്ചിൻ്റെ സഹായത്തോടെ തിരഞ്ഞപ്പോൾ മുഹമ്മദ് റിയാസിൻ്റെ ഫേയ്സ്ബുക്ക് പേജിൽ 22 മെയ് 2018ന് സമാനമായ ചിത്രം പോസ്റ്റ് ചെയ്തിട്ടുള്ളതായ് കണ്ടെത്തി. വേൾഡ് ഫെഡറേഷൻ ഓഫ് ഡമോക്രാറ്റിക് യൂത്തിൻ്റെ (WFDY) ജനറൽ കൗൺസിൽ യോഗത്തിൽ പങ്കെടുക്കാൻ നേപ്പാളിൽ എത്തിയപ്പോഴുള്ള ചിത്രമാണിതെന്ന് പോസ്റ്റിൽ പറഞ്ഞിട്ടുണ്ട്. പ്രചാരത്തിലുള്ളതുൾപ്പടെ നേപ്പാളിൽ നിന്നുള്ള ഏഴ് ചിത്രങ്ങളാണ് അദ്ദേഹം പോസ്റ്റ് ചെയ്തിരിക്കുന്നത്. നേപ്പാളിലെ പാഠനിൽ (ലളിത്പുർ) നിന്നാണ് ചിത്രങ്ങൾ പകർത്തിയിരിക്കുന്നതെന്നും ഫോട്ടോയ്ക്ക് ഒപ്പമുള്ള കുറിപ്പിലുണ്ട്. അദ്ദേഹത്തിൻ്റെ ഫേയ്സ്ബുക്ക് പോസ്റ്റ് ഇവിടെ കാണാം. ലോകപൈതൃക പട്ടികയിൽ ഇടം നേടിയിട്ടുള്ള പാഠൻ ദർബാർ സ്ക്വയർ സ്ഥിതി ചെയ്യുന്നത് മുൻപ് പാഠൻ എന്നറിയപ്പെട്ടിരുന്ന ലളിത്പുരിലാണ്. വിവിധ രാജ്യത്തുനിന്നുള്ള പ്രതിനിധികളെ തിലകം ചാർത്തി സ്വീകരിക്കുന്നതിൻ്റെ ചിത്രവും മുഹമ്മദ് റിയാസ് പങ്കുവെച്ചിട്ടുണ്ട്. അദ്ദേഹം ഫേയ്സ്ബുക്കിൽ പോസ്റ്റ് ചെയ്ത ചിത്രം ക്രോപ്പ് ചെയ്താണ് പ്രചരിപ്പിക്കുന്നത്. സാമ്രാജ്യവിരുദ്ധ ഇടതുപക്ഷ സംഘടനകളുടെ കൂട്ടായ്മയാണ് 1945ൽ സ്ഥാപിതമായ വേൾഡ് ഫെഡറേഷൻ ഓഫ് ഡമോക്രാറ്റിക് യൂത്ത് (WFDY) എന്ന സംഘടന. വിവിധ രാജ്യങ്ങളിലെ 150 യുവജന സംഘടനകൾക്ക് ഇതിൽ അംഗത്വമുണ്ട്. എഐഎസ്എഫ്, എഐവൈഎഫ്, എസ്എഫ്ഐ, ഡിവൈഎഫ്ഐ, എഐവൈ എന്നീ ഇന്ത്യൻ ഇടതുപക്ഷ സംഘടനകളാണ് WFDY ൽ അംഗമായിട്ടുള്ളത്. 2018ൽ മുഹമ്മദ് റിയാസ് ഡിവൈഎഫ്ഐയുടെ അഖിലേന്ത്യ പ്രസിഡൻ്റായിരിക്കെയാണ് നേപ്പാളിൽ നടന്ന WFDY ജനറൽ കൗൺസിൽ മീറ്റിങ്ങിൽ പങ്കെടുത്തത്. മാത്രവുമല്ല, ഈ സമയത്ത് അദ്ദേഹം കേരള മുഖ്യമന്ത്രി പിണറായി വിജയൻ്റെ മകൾ വീണയെ വിവാഹം ചെയ്തിട്ടില്ല. 2020 ജൂണിലാണ് ഇരുവരും വിവാഹിതരായത്. ലഭ്യമായ വിവരങ്ങളുടെ അടിസ്ഥാനത്തിൽ പ്രചാരത്തിലുള്ള ചിത്രം ഉത്തരേന്ത്യയിൽ നിന്നുള്ളതല്ലെന്നും നേപ്പാളിൽ നിന്ന് പകർത്തിയതാണെന്നും വ്യക്തം. ഉത്തരേന്ത്യയിൽ പോയി കുങ്കുമക്കുറി അണിഞ്ഞ് നിൽക്കുന്ന മന്ത്രി മുഹമ്മദ് റിയാസ്. മുഹമ്മദ് റിയാസ് ഡിവൈഎഫ്ഐയുടെ അഖിലേന്ത്യ പ്രസിഡൻ്റായിരിക്കെ 2018ൽ നേപ്പാളിൽ നിന്ന് പകർത്തിയ ഫോട്ടായാണിത്. വേൾഡ് ഫെഡറേഷൻ ഓഫ് ഡമോക്രാറ്റിക് യൂത്ത് ജനറൽ കൗൺസിൽ മീറ്റിങ്ങിൽ പങ്കെടുക്കാനാണ് അദ്ദേഹം നേപ്പാളിലെത്തിയത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software