About: http://data.cimple.eu/claim-review/a9af7d90dd03f49b37431d8af10cd8055b88d929f6b116eb1ef3b8e4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഭാരത സംസ്കാരത്തില് വളരെയധികം പ്രാധാന്യമര്ഹിക്കുന്ന ഒന്നായാണ് കുംഭമേളയെ കണക്കാക്കുന്നത്. ഒരു സംസ്കാരത്തിന്റെ ആഘോഷമായി അരങ്ങേറുന്ന കുംഭമേള എന്നാല് ഇത്തവണ വിവാദങ്ങള് വിളിച്ചുവരുത്തിയിരുന്നു. കോവിഡ് കനത്തുനില്ക്കുന്ന സാഹചര്യത്തില് ഹരിദ്വാറില് സംഘടിപ്പിച്ച കുംഭമേളയിലേക്ക് ഒഴുകിയെത്തിയത് ലക്ഷക്കണക്കിന് സന്യാസിമാരായിരുന്നു. കുംഭമേളയില് പങ്കെടുത്ത ആയിരത്തിലധികം ആളുകള്ക്ക് കോവിഡ് സ്ഥിരീകരിച്ചതോടെ ഇക്കുറി മേള നിര്ത്തിവയ്ക്കാന് പ്രധാനമന്ത്രി നരേന്ദ്ര മോദി നേരിട്ട് ആവശ്യപ്പെട്ടു. എന്നാല് കുംഭമേളയെ വിമര്ശിച്ച് വാര്ത്ത നല്കിയ ഒരു മാധ്യമപ്രവര്ത്തക കൊല്ലപ്പെട്ടെന്ന നിലയില് ഒരു പോസ്റ്റ് ഇപ്പോള് സാമൂഹ്യ മാധ്യമങ്ങളില് പ്രചരിക്കുന്നുണ്ട്. പ്രചരിക്കുന്ന ചില പോസ്റ്റുകളുടെ പൂര്ണരൂപം നോക്കാം.. 'ആദരാഞ്ജലികള് ......... പ്രാഗ്യ മിശ്ര എന്ന പത്ര പ്രവര്ത്തക കൊല്ലപ്പെട്ടു. കുംഭ മേളയില് Covid മാനദണ്ഡങ്ങള് പാലിക്കാത്തത് വിമര്ശിച്ചു കൊണ്ട് വാര്ത്ത ചെയ്തത് കാരണമാണ് കൊല്ലപ്പെട്ടത്. നമ്മുടെ രാജ്യത്തിലെ മാധ്യമ സ്ഥാപനങ്ങള് മൗനത്തിലാണ് ഇതിനെതിരെ ശബ്ദിക്കാന് ..... നമ്മുടെ രാജ്യം എങ്ങോട്ടാണ് നീങ്ങുന്നത് എന്ന് വളരെ വ്യക്തം'... എന്നാല് പ്രചരിക്കുന്ന വാദം തെറ്റാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം (AFWA) കണ്ടെത്തി. പ്രാഗ്യ മിശ്ര എന്ന മാധ്യമപ്രവര്ത്തക മരിച്ചിട്ടില്ല. പ്രാഗ്യയുടേതെന്ന പേരില് പ്രചരിക്കുന്നത് ഡല്ഹില് ഭര്ത്താവ് കൊലപ്പെടുത്തിയ നീലു മേഹ്ത്ത എന്ന പെണ്കുട്ടിയുടെ കൊലപാതക ദൃശ്യങ്ങളാണ്. സമാനമായ പോസ്റ്റുകളുടെ ആര്ക്കൈവ് ചെയ്ത പതിപ്പുകള്: Archive 1, Archive 2, Archive 3 AFWA അന്വേഷണം പ്രചരിക്കുന്ന ദൃശ്യങ്ങള് ഗൂഗിള് റിവേഴ്സ് ഇമേജ് തിരച്ചിലിന് വിധേയമാക്കിയപ്പോള് സമാനമായ വാര്ത്തകള് ഞങ്ങള്ക്ക് കണ്ടെത്താന് സാധിച്ചു. പെണ്കുട്ടി കൊല്ലപ്പെട്ട ദൃശ്യങ്ങള് സാമൂഹ്യ മാധ്യമങ്ങളില് വളരെയധികം പ്രചരിച്ചിരുന്നു. 'വേള്ഡ് ഓഫ് ബസ്' നല്കിയ ഒരു റിപ്പോര്ട്ടില് ഇതേ ചിത്രങ്ങള് ഉള്പ്പെടുത്തി വാര്ത്ത നല്കിയിട്ടുണ്ട്. ഏപ്രില് 10ന് 'ഇന്ത്യാ ടുഡേയിലും' സമാനമായ വാര്ത്ത പ്രസിദ്ധീകരിച്ചിരുന്നു. വാര്ത്തകള് പരിശോധിച്ചതില് നിന്ന് ഇത് പ്രാഗ്യ മിശ്ര എന്ന മാധ്യമപ്രവര്ത്തകയല്ലെന്ന് കണ്ടെത്താന് കഴിഞ്ഞു. കൊല്ലപ്പെട്ടത് 26-കാരിയായ നീലു മേഹ്ത്ത എന്ന പെണ്കുട്ടിയാണ്. ഏപ്രില് 10 ശനിയാഴ്ച ഡല്ഹിയലെ രോഹിണിയിലാണ് സംഭവമുണ്ടായത്. ഡല്ഹി സഫ്ദര്ജങ് ആശുപത്രി ജീവനക്കാരിയായ യുവതിയെ ഭര്ത്താവ് ഹരീഷ് മേഹ്ത്ത കൊലപ്പെടുത്തുകയായിരുന്നു. ഇരുവരും ഗുജറാത്തില് നിന്നുള്ളവരാണ്. കൊലപാതകത്തെ തുടര്ന്ന് പ്രതിയായ ഹരീഷിനെ ഡല്ഹി പൊലീസ് അറസ്റ്റ് ചെയ്തിട്ടുണ്ട്. ആക്രമണത്തെ ലൗ ജിഹാദുമായി ബന്ധപ്പെടുത്തിയും പോസ്റ്റുകള് പ്രചരിച്ചിരുന്നു. ലൗ ജിഹാദ് നിരസിച്ചതിനെത്തുടര്ന്നാണ് പെണ്കുട്ടിയെ കൊലപ്പെടുത്തിയതെന്നായിരിന്നു ആരോപണം. ഈ വാദം തെറ്റാണെന്ന് 'ആജ് തക്' ഫാക്റ്റ് ചെക്കിലൂടെ കണ്ടെത്തിയിരുന്നു. മാത്രമല്ല കൊല്ലപ്പെട്ടത് താനാണെന്ന വിധത്തിലുള്ള വാര്ത്തകള് നിഷേധിച്ച് ഭാരത് സമാചാറിലെ മാധ്യമപ്രവര്ത്തകയായ പ്രാഗ്യ മിശ്ര തന്നെ രംഗത്തുവന്നു. ട്വിറ്ററിലൂടെയായിരുന്നു പ്രാഗ്യയുടെ പ്രതികരണം. അതിനാല് തന്നെ കുംഭമേളയെ വിമര്ശിച്ച വാര്ത്ത നല്കിയ മാധ്യമപ്രവര്ത്തക പ്രാഗ്യ മിശ്രയെ കൊലപ്പെടുത്തിയെന്ന വാര്ത്ത വ്യാജമാണ്. കുംഭമേളയെ വിമര്ശിച്ച് വാര്ത്ത നല്കിയ മാധ്യമപ്രവര്ത്തക പ്രാഗ്യ മിശ്രയെ കൊലപ്പെടുത്തി പ്രാഗ്യ മിശ്ര എന്ന മാധ്യമപ്രവര്ത്തക മരിച്ചിട്ടില്ല. പ്രാഗ്യയുടേതെന്ന പേരില് പ്രചരിക്കുന്നത് ഡല്ഹില് ഭര്ത്താവ് കൊലപ്പെടുത്തിയ നീലു മേഹ്ത്ത എന്ന പെണ്കുട്ടിയുടെ കൊലപാതക ദൃശ്യങ്ങളാണ്
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software