About: http://data.cimple.eu/claim-review/b3df71e870f63fa2a94859ae7e6f0c6b72081ffcd97ded7ce4f11b75     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബംഗ്ലാദേശിൽ ഹിന്ദുക്കൾക്ക് നേരെ അക്രമങ്ങൾ നടക്കുന്നുവെന്ന രീതിയിൽ നിരവധി പോസ്റ്റുകളാണ് സമൂഹമാധ്യമങ്ങളിൽ പ്രചരിക്കുന്നത്. ഇപ്പോഴിതാ നിരവധി മൃതശരീരങ്ങൾ വീണുകിടക്കുന്നതിന്റെ ഒരു ദൃശ്യം സമൂഹമാധ്യമങ്ങളിൽ പ്രചരിക്കുന്നുണ്ട്. സ്ത്രീകളുടെയും കുട്ടികളുടെയും മൃതദേഹങ്ങളും അവയ്ക്ക് അരികിലിരുന്ന് കരയുന്ന ആളുകളെയും ദൃശ്യങ്ങളിൽ കാണാം. ബംഗ്ലാദേശിൽ കൊല്ലപ്പെട്ട ഹിന്ദു സ്ത്രീകളുടെ മൃതദേഹങ്ങൾ എന്ന രീതിയിലാണ് ഈ വീഡിയോ പ്രചരിക്കുന്നത്. "ബംഗ്ലാദേശിൽ, കൊച്ചുകുഞ്ഞുങ്ങൾ മുതൽ 70വയസ്സിനു മുകളിൽ പ്രായമുള്ള സ്ത്രീകളെ വരെ ജിഹാദികൾ കൂട്ടബലാത്സംഗം ചെയ്യുകയും പിന്നീട് കൊന്ന് തള്ളുകയും ചെയ്തു! നിസ്സഹായരായ, നിർഭാഗ്യരായ, ഈ സ്ത്രീകളിൽ നമ്മുടെ അമ്മമാരെയും സഹോദരിമാരെയും പെൺമക്കളെയും നമ്മൾ കാണുന്നില്ലേ!?.." എന്ന് തുടങ്ങുന്ന കുറിപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, ഈ വീഡിയോ ബംഗ്ലാദേശിൽ നിന്നുള്ളതല്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. ഉത്തർപ്രദേശിലെ ഹത്രാസിൽ തിക്കിലും തിരക്കിലും പെട്ട് മരിച്ചവരുടെ ദൃശ്യമാണിത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ വീഡിയോ 2024 ജൂലൈ 3ന് അഭിനന്ദൻ കുമാർ എന്ന പേരിലുള്ള യൂട്യൂബ് ചാനലിൽ പങ്കുവച്ചിരിക്കുന്നതായി കണ്ടെത്തി. ഉത്തർപ്രദേശിലെ ഹത്രാസിൽ നിന്നുള്ളതാണെന്ന വിവരണത്തോടെയാണ് വീഡിയോ പങ്കുവച്ചിരിക്കുന്നത്. ബംഗ്ലാദേശിൽ ന്യൂനപക്ഷങ്ങൾക്കെതിരായ അക്രമസംഭവങ്ങൾ റിപ്പോർട്ട് ചെയ്തത് ഷേഖ് ഹസീന രാജ്യം വിട്ടതിന് ശേഷമാണ്. 2024 ആഗസ്റ്റ് 5നാണ് ഷേഖ് ഹസീന ബംഗ്ലാദേശ് വിടുന്നത്. ഇതിന് മുമ്പ് തന്നെ വൈറൽ വീഡിയോ ഇന്റർനെറ്റിൽ പ്രചരിക്കുന്നുമുണ്ട്. ഈ വിവരങ്ങളുടെ അടിസ്ഥാനത്തിൽ ഞങ്ങൾ ഉത്തർപ്രദേശിലെ ഹത്രാസിലുള്ള ഇന്ത്യാ ടുഡേ ലേഖകൻ രാജേഷ് സിംഗാളുമായി ബന്ധപ്പെട്ടു. ഹത്രാസിലെ സിക്കന്ദ്രറാവുവിൽ ഭോലെ ബാബ എന്ന നാരായൺ സാകർ ഹരിയുടെ സത്സംഗിനിടെയുണ്ടായ തിക്കിലും തിരക്കിലും അകപ്പെട്ട് മരിച്ചവരുടെ മൃതദേഹങ്ങളാണ് ഈ വീഡിയോയിൽ കാണുന്നതെന്ന് രാജേഷ് വ്യക്തമാക്കി. തിക്കിലും തിരക്കിലും അകപ്പെട്ട് പരിക്കേറ്റവരെ ചികിത്സയ്ക്കായി കൊണ്ടുവന്ന ട്രോമാ സെൻ്ററിന് മുന്നിൽവച്ചാണ് വീഡിയോ പകർത്തിയതെന്നും അദ്ദേഹം പറഞ്ഞു. സത്സംഗത്തിനിടെയുണ്ടായ തിരിക്കിലും തിരക്കിലും പെട്ട് ആളുകൾ മരിച്ചതുമായി ബന്ധപ്പെട്ട വാർത്താ റിപ്പോർട്ടുകളും ഞങ്ങൾ പരിശോധിച്ചു. ഇതിൽ ചിലവയിൽ വൈറൽ വീഡിയോയിൽ കാണുന്നതിന് സമാനമായ ദൃശ്യങ്ങളുണ്ട്. ഇന്ത്യ ടുഡേ ഇംഗ്ലീഷിൽ പ്രസിദ്ധീകരിച്ച വാർത്തയിൽ ഉപയോഗിച്ച ചിത്രത്തിന് വൈറൽ വീഡിയോയുമായി സാമ്യതയുണ്ട്. സിക്കന്ദ്ര റാവു ട്രോമ സെൻ്ററിൽ വച്ചാണ് ഈ ചിത്രം എടുത്തതെന്ന് ചിത്രത്തിന്റെ അടിക്കുറിപ്പിൽ വ്യകത്മാക്കുന്നുമുണ്ട്. താരതമ്യ ചിത്രം ചുവടെ കാണാം. റിപ്പോർട്ടുകൾ പ്രകാരം 2024 ജൂലൈ 2ന് സൂരജ് പാൽ സിംഗ് എന്നും ഭോലെ ബാബയെന്നും അറിയപ്പെടുന്ന നാരായൺ സാകർ ഹാരിയുടെ നേതൃത്വത്തിൽ സംഘടിപ്പിച്ച സത്സംഗിനിടെ തിക്കിലും തിരക്കിലും പെട്ട് 120 ഓളം ആളുകൾ കൊല്ലപ്പെട്ടിരുന്നു. ഇത് സംബന്ധിച്ച് ഇന്ത്യാ ടുഡേ മലയാളം പ്രസിദ്ധീകരിച്ച റിപ്പോർട്ട് ഇവിടെ വായിക്കാം. ലഭ്യമായ വിവരങ്ങളിൽ നിന്നും ബംഗ്ലാദേശിൽ കൊല്ലപ്പെട്ട ഹിന്ദു സ്ത്രീകളുടെ ദൃശ്യം എന്ന രീതിയിൽ പ്രചരിക്കുന്നത് ഉത്തർപ്രദേശിലെ ഹത്രാസിൽ തിക്കിലും തിരക്കിലും അകപ്പെട്ട് മരിച്ചവരുടെ ദൃശ്യമാണെന്ന് വ്യക്തമായി. ബംഗ്ലാദേശിൽ കൊല്ലപ്പെട്ട ഹിന്ദു സ്ത്രീകളുടെ ദൃശ്യം. വൈറൽ വീഡിയോ ബംഗ്ലാദേശിൽ നിന്നുള്ളതല്ല. 2024 ജൂലൈ 2ന് ഉത്തർപ്രദേശിലെ ഹത്രാസിൽ തിക്കിലും തിരക്കിലും പെട്ട് മരിച്ചവരുടെ ദൃശ്യമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software