About: http://data.cimple.eu/claim-review/b462e437f136c1b4f50960c2a6e01a3705e8f2c2fafcd2b17870f198     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബംഗ്ലാദേശിൽ ന്യൂനപക്ഷങ്ങൾക്കെതിരെ അക്രമങ്ങൾ നടക്കുന്നതായി റിപ്പോർട്ടുകളുണ്ട്. ഇതിനെതിരെ ഹിന്ദു മതസ്ഥർ വലിയ പ്രതിഷേധവുമായി രംഗത്തെത്തിയിരുന്നു. ഹിന്ദുക്കളുടെ പ്രതിഷേധം എന്ന രീതിയിൽ ഒരു വീഡിയോ ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. ഒരു പെൺകുട്ടി മഴു കൈയ്യിൽ പിടിച്ച് പ്രതിഷേധത്തിൽ പങ്കെടുക്കുന്നതായി വീഡിയോയിൽ കാണാം. "ഇവരെ സംരക്ഷിക്കാൻ ഒരു ഷേവ്കാരുമില്ല... ബംഗ്ലാദേശിലെ ധീരരായ ഹിന്ദുക്കൾ തെരുവുകളിൽ ഇറങ്ങി✊️🧡 We proud of Bangladesi #Hindus salute🧡" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. ഇത് ബംഗ്ലാദേശിലെ വിദ്യാർത്ഥി പ്രക്ഷോഭത്തിനിടെ പകർത്തിയ ദൃശ്യമാണ്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ വീഡിയോ 2024 ജൂലൈ 28 മുതൽ യൂട്യൂബിൽ പ്രചാരത്തിലുള്ളതായി കണ്ടെത്തി. ബംഗ്ലാദേശിൽ ഹിന്ദുക്കൾക്കെതിര അക്രമങ്ങൾ ഉണ്ടാകുന്നതും അതിനെതിരെ ഹിന്ദുക്കൾ പ്രതിഷേധവുമായി രംഗത്തെത്തുന്നതും ആഗസ്റ്റ് 5ന് ഷേഖ് ഹസീന പ്രധാനമന്ത്രി സ്ഥാനം രാജിവച്ച് രാജ്യം വിട്ടതിന് ശേഷമാണ്. ഇത് സംബന്ധിച്ച് എൻഡിടിവി പ്രസിദ്ധീകരിച്ച റിപ്പോർട്ട് ഇവിടെ വായിക്കാം. തുടർന്ന് ഞങ്ങൾ യൂട്യൂബിൽ ലഭ്യമായ വൈറൽ വീഡിയോയുടെ ദൈർഘ്യമേറിയ പതിപ്പുകൾ പരിശോധിച്ചു. പലരും ഇത് പങ്കിട്ടിരിക്കുന്നത് ക്വാട്ട സമരവുമായി ബന്ധപ്പെട്ട വിദ്യാർത്ഥി പ്രക്ഷോഭങ്ങളുടെ ഹാഷ് ടാഗുകളോടെയാണ്. വൈറൽ വീഡിയോയിലെ പെൺകുട്ടി ഒരു കൈയ്യിൽ മഴുവും മറ്റൊരു കൈയ്യിൽ പ്ലക്കാർഡും പിടിച്ചിരിക്കുന്നത് വീഡിയോകളിൽ കാണാം. ബംഗാളി ഭാഷയിൽ എഴുതിയ പ്ലക്കാർഡാണിത്. ഞങ്ങളിത് ഇന്ത്യാ ടുഡേ ബംഗ്ലാ ടീമിന്റെ സഹായത്തോടെ പരിഭാഷപ്പെടുത്തി. "രാഷ്ട്രത്തിൻ്റെ ചുമലിലുള്ള വിദ്യാർഥിയുടെ മൃതദേഹം! ആരാണ് ഉത്തരവാദി? എന്താണ് വില?" എന്ന അർത്ഥമുള്ള വാചകങ്ങളാണ് ഇവയെന്ന് വ്യക്തമായി. ഇതിൽ നിന്നും വീഡിയോയിലുള്ളത് വിദ്യാർത്ഥി സമരം തന്നെയാണെന്ന് ഉറപ്പിക്കാൻ സാധിച്ചു. ഈ പോസ്റ്ററുൾപ്പെടുന്ന വീഡിയോയുടെ സ്ക്രീൻഷോട്ട് ചുവടെ കാണാം. 1971ൽ ബംഗ്ലാദേശിന്റെ സ്വാതന്ത്ര്യത്തിലേക്ക് നയിച്ച യുദ്ധത്തിൽ പങ്കെടുത്ത ആളുകളുടെ കുടുംബത്തിന് സർക്കാർ ജോലികളിൽ ഉണ്ടായിരുന്ന 30 ശതമാനം സംവരണം നിർത്തലാക്കണം എന്നാവശ്യപ്പെട്ടാണ് വിദ്യാർത്ഥി പ്രക്ഷോഭം ആരംഭിച്ചത്. പ്രക്ഷോഭത്തിൽ നിരവധി ആളുകൾ കൊല്ലപ്പെടുകയും പലയിടങ്ങളിലും അക്രമങ്ങൾ ഉണ്ടാവുകയും ചെയ്തു. ജൂലൈ 21ന് സുപ്രിം കോടതി റിസർവേഷൻ ചട്ടങ്ങൾ മാറ്റാൻ ഉത്തരവിട്ടു. പിന്നീടുള്ള പ്രക്ഷോഭങ്ങൾ വിദ്യാർത്ഥി സമരത്തിനിടെ ആളുകൾ കൊല്ലപ്പെട്ടതിന് പ്രധാനമന്ത്രി ഷേഖ് ഹസീന മാപ്പ് പറയണമെന്നും ഇന്റർനെറ്റ് പുനസ്ഥാപിക്കണമെന്നും ആവശ്യപ്പെട്ടായിരുന്നു. തുടർന്നുണ്ടായ സമരങ്ങൾ പ്രധാനമന്ത്രിയുടെ രാജി ആവശ്യപ്പെടുന്നതിലേക്ക് എത്തിച്ചു. പ്രക്ഷോഭം നിയന്ത്രിക്കാൻ സാധിക്കാതെ വന്നതോടെയാണ് പ്രധാനമന്ത്രി രാജിവച്ച് രാജ്യം വിട്ടത്. പ്രധാനമന്ത്രി ഷേഖ് ഹസീന രാജ്യം വിട്ടതോടെ ബംഗ്ലാദേശിൽ പലയിടങ്ങളിലും ന്യൂനപക്ഷങ്ങൾക്കെതിരെ വലിയ അക്രമങ്ങൾ ഉണ്ടായി. അക്രമങ്ങളിൽ ഷേഖ് ഹസീനയുടെ പാർട്ടിയായ അവാമി ലീഗിന്റെ നിരവധി പ്രവർത്തകരും പൊലീസും കൊല്ലപ്പെട്ടു. ഹിന്ദുക്കൾക്കെതിരായി നടക്കുന്ന ആക്രമണങ്ങൾക്കെതിരെ നിരവധി ആളുകൾ പ്രതിഷേധവുമായി തെരുവിലിറങ്ങിയിരുന്നു. ഈ പ്രതിഷേധവുമായി ബന്ധപ്പെട്ട് ബിസിനസ് സ്റ്റാൻഡേർഡ് പ്രസിദ്ധീകരിച്ച വീഡിയോ റിപ്പോർട്ട് ചുവടെ കാണാം. ലഭ്യമായ വിവരങ്ങളിൽ നിന്നും ബംഗ്ലാദേശിലെ ഹിന്ദു പ്രതിഷേധത്തിൽ നിന്നുള്ള വീഡിയോ എന്ന രീതിയിൽ പ്രചരിക്കുന്നത് വിദ്യാർത്ഥി പ്രക്ഷോഭത്തിന്റെ വീഡിയോയാണെന്ന് വ്യക്തമായി. ബംഗ്ലാദേശിലെ ഹിന്ദുക്കളുടെ പ്രതിഷേധത്തിൽ നിന്നുള്ള ദൃശ്യം. ഈ വീഡിയോ ബംഗ്ലാദേശിൽ നടന്ന ഹിന്ദുക്കളുടെ പ്രതിഷേധത്തിൽ നിന്നുള്ളതല്ല. 2024 ജൂലൈയിൽ നടന്ന വിദ്യാർത്ഥി പ്രക്ഷോഭത്തിൽ നിന്നുള്ള ദൃശ്യമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software