About: http://data.cimple.eu/claim-review/b60fa204f74dd3652c6c193046ff720b262b15c75db3d4dbd8ba8f09     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തുന്നല്ക്കാരന് പക്ഷിയെന്ന് വിളിപ്പേരുള്ള തൂക്കണാം കുരുവികള് ഇണ മരിക്കുമ്പോള് ഒപ്പം മരിച്ചു വീഴുന്നവയാണെന്ന അവകാശവാദവുമായി ഒരു ഫേസ്ബുക്ക് പോസ്റ്റ് സജീവമാണ്. 'ഇതാണ് തൂക്കണാങ്കുരുവി....ഈ കുരുവി മാത്രം ആണ് ഇണ മരിക്കുമ്പോള് സ്വയം ജീവന് വെടിയുന്ന ലോകത്തിലെ ഏക കുരുവി....ദൈവം അതിന്റെ ഹൃദയം അങ്ങനെ ആയിരിക്കാം സൃഷ്ടിച്ചത്...' എന്നുള്ള പോസ്റ്റിന്റെ പൂര്ണരൂപം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. സമാനമായ പോസ്റ്റുകളുടെ ആര്ക്കൈവ് ചെയ്ത ലിങ്കുകള് AFWA അന്വേഷണം പ്രചരിക്കുന്ന വീഡിയോ ഇന്വിഡ് ടൂള്കിറ്റിന്റെ സഹായത്തോടെ റിവേഴ്സ് ഇമേജില് സെര്ച്ച് ചെയ്തപ്പോള് സമാനമായ നിരവധി വീഡിയോ ഞങ്ങള്ക്ക് കണ്ടെത്താനായി. ഇതില് നിന്ന് 2018 മുതല് ഫേസ്ബുക്കില് പ്രചരിക്കുന്ന വീഡിയോയാണിതെന്ന് മനസിലാക്കി. വീഡിയോയില് രണ്ട് കുരുവികളെ കാണാം. അതിലൊന്ന് ജീവനറ്റ് കിടക്കുന്നതാണ്. മറ്റൊന്ന് ജീവനറ്റ കിളിയോട് ചേര്ന്ന് നില്ക്കുകയും അല്പനേരത്തിനകം മരിച്ചു വീഴുന്നതായും കാണാനാകും. വീഡിയോ എഡിറ്റ് ചെയ്തിട്ടുണ്ടെന്ന് സൂക്ഷ്മമായി നിരീക്ഷിച്ചാല് മനസിലാക്കാനാകും. തുന്നല്ക്കാരന് പക്ഷികള് ഇത്തരത്തില് ഇണയോടൊപ്പം മരിക്കുന്നവയാണോ എന്നറിയാന് ഞങ്ങള് തിരച്ചില് നടത്തി. പ്ലോഷ്യസ് ഫിലിപ്പിനസ് (Ploceus philippinsu) എന്ന് വിളിപ്പേരുള്ള തുന്നല്ക്കാരന് പക്ഷികളുടെ പ്രത്യേകതകളില് പ്രധാനപ്പെട്ടത് ഇവയുടെ രൂപമാണ്. ആണ്-പെണ് കിളികള് നിറങ്ങളില് വ്യത്യസ്ഥരായിരിക്കും. എന്നാല് വീഡിയോയില് നമുക്ക് കാണാനാകുന്നത് ഒരേ നിറത്തിലുള്ള പക്ഷികളാണ്. ഇബേര്ഡ് എന്ന വെബ്സൈറ്റില് തുന്നല്ക്കാരന് പക്ഷികളെക്കുറിച്ച് പ്രസിദ്ധീകരിച്ച ലേഖനത്തില് അവയുടെ സവിശേഷതകളെക്കുറിച്ച് വ്യക്തമാക്കുന്നുണ്ട്. ഇണചേരാത്ത ആണ്-പെണ്കുരുവികള്ക്ക് പ്രകടമായ വ്യത്യാസങ്ങളില്ല. എന്നാല് ഇണ ചേര്ന്നിട്ടുള്ള ആണ് കുരുവികള്ക്ക് കിരീടത്തിനു സമാനമായ മഞ്ഞ നിറത്തിലുള്ള തൂവലുകളുണ്ട്. ബയോ വീവേഴ്സ് പക്ഷികളുടെ 2014 മുതലുള്ള ചിത്രങ്ങളും വീഡിയോകളും ഇ ബേര്ഡ് വെബ്സൈറ്റില് ലഭ്യമാണ്. ഫേസ്ബുക്കില് പ്രചരിക്കുന്ന വീഡിയോയിലുള്ള കുരുവികളില് ഇത്തരത്തില് പ്രകടമായ ആണ്പെണ് വ്യത്യാസങ്ങളില്ല. അതിനാല് തന്നെ ഇവ ഇണക്കിളികള് ആണെന്ന് ഉറപ്പിക്കാനാകില്ല. മാത്രമല്ല തുന്നല്ക്കാരന് പക്ഷികള് ഒരു ഇണയെ മാത്രം സ്വീകരിക്കുന്നവയല്ല. ഇവയില് ആണ്പക്ഷികളാണ് കൂടുകൂട്ടുന്നത്. നാട്ടിന്പുറങ്ങളിലൊക്കെ കാണപ്പെടുന്നതുപോല തെങ്ങോലകളിലും മറ്റു വൃക്ഷങ്ങളുടെ ഇലകളിലുമെല്ലാം തൂങ്ങിയാടുന്ന മനഹോരമായ കൂടുകള് ആണ്കിളികള് നിര്മിക്കും. എന്നാല് കൂട് നിര്മിച്ച് ഇണയോടൊപ്പം ചേര്ന്നാല് പിന്നീട് ഇവ മറ്റു പെണ്കിളികളെ തേടിപ്പോവുകയാണ് പതിവ്. വീവര് ബേര്ഡ്സിന്റെ പ്രജനനത്തിന്റെ പ്രത്യേകതകളെക്കുറിച്ച് വിവരിക്കുന്ന ലേഖനം ബോംബെ നാച്യുറല് ഹിസ്റ്ററി സൊസൈറ്റി(ബിഎന്എച്ച്എസ്) 1957ല് പ്രസിദ്ധീകരിച്ചിട്ടുണ്ട്. ഇതുപ്രകാരം ഒരു ആണ്കിളി കൂടുകൂട്ടിക്കഴിഞ്ഞാല് ഇണചേരുകയും തുടര്ന്ന് പെണ്കിളി മുട്ടയിടാന് തുടങ്ങിയ ശേഷം ഇവ മറ്റൊരു ഇണയെത്തേടി പോവുകയും ചെയ്യുന്നുവെന്ന് വ്യക്തമാക്കിയിട്ടുണ്ട്. പ്രജനന സമയത്താണ് ഇവയുടെ നിറം കൂടുതല് മനോഹരമാകുന്നതെന്നും ഇണചേര്ന്ന ശേഷം ആണ്കിളി പറന്നുപോകുമെന്നും ബിഎന്എച്ച്എസിനെ ഉദ്ധരിച്ചുകൊണ്ട് ഇന്ത്യന് എക്സ്പ്രസ് നല്കിയ ലേഖനത്തിലും വ്യക്തമാക്കുന്നുണ്ട്. തൂക്കണാം കുരുവികളുടെ സവിശേഷതകളെക്കുറിച്ച് കൂടുതല് അറിയുന്നതിനായി ഞങ്ങള് വെള്ളാനിക്കര അഗ്രിക്കള്ച്ചറല് യൂനിവേഴ്സിറ്റിയിലെ വൈല്ഡ് ലൈഫ് സയന്സ് വിഭാഗം മേധാവി ഡോ. പി.ഒ.നമീറിനെ ബന്ധപ്പെട്ടു. പ്രചരിക്കുന്ന വീഡിയോ വ്യാജമാണെന്ന് അദ്ദേഹം സ്ഥിരീകരിച്ചു. 'വീഡിയോയിലുള്ളത് തുന്നല്ക്കാരന് പക്ഷിയല്ല. സാധാരണ കുരുവിയാണ്. തുന്നല്ക്കാരന് പക്ഷികള്ക്ക് ഒന്നിലധികം ഇണകളുണ്ട്. ഒരു പെണ്കിളിക്ക് വേണ്ടി കൂട് കെട്ടി, അതു മുട്ടയിട്ടാല് ആണ്കിളി പറന്നുപോകും. പിന്നീട് അത് കൂട് കെട്ടുന്നത് മറ്റൊരു പെണ്കിളിക്ക് വേണ്ടിയാണ്. ഇണക്കിളി മരിച്ചാല് ജീവന് വെടിയുന്ന കിളികള് ഇല്ല. അത്തരമൊരു വാാദം തെറ്റാണ് ' ഡോ.പി.ഒ. നമീര് ഇന്ത്യാ ടുഡേയോട് പറഞ്ഞു. ഇതിനുപുറമെ, ഇന്റര്നാഷണല് ഓര്ണിത്തോളജിക്കല് കൂട്ടായ്മ ആയ വില്സണ് ഓര്ണിത്തോളജിക്കല് സൊസൈറ്റിയിലെ വിദഗ്ധര്ക്ക്, സമൂഹമാധ്യമങ്ങളില് പ്രചരിക്കുന്ന വീഡിയോ ഞങ്ങള് അയച്ചു നല്കി. അവര് നല്കിയ മറുപടി പ്രകാരം 'ഇത്തരത്തില് ഇണ നഷ്ടപ്പെടുമ്പോള് ഒരു പക്ഷി മരിച്ചുവീഴുമെന്ന് കരുതുന്നില്ല. പെട്ടെന്ന് ഇണയെ നഷ്ടമാകുമ്പോള് ചില പക്ഷികള്ക്ക് അത് ഉള്ക്കൊള്ളാന് സമയമെടുക്കും. എന്നിരുന്നാലും വീഡിയോയില് കാണുന്നതുപോലെ ഇണയോടൊപ്പം മരിച്ചുവീഴുന്ന പക്ഷികളെക്കുറിച്ച് അറിയില്ല. ചില സമയങ്ങളില് പെട്ടെന്നുണ്ടാകുന്ന ഷോക്ക് മൂലം ഇത്തരം അവസ്ഥ ഉണ്ടായേക്കാം. എന്നാല് ക്ലെയിമില് പറയുന്നതുപോലെ ഇണപക്ഷി മരിച്ചാല് അതിനൊപ്പം മരിച്ചുവീഴുന്ന ഒരേ ഒരു ജീവി വര്ഗമാണ് വീവര് ബേര്ഡ്സ് എന്നതില് അടിസ്ഥാനമില്ല. മാത്രമല്ല അവയ്ക്ക് ഒന്നിലധികം ഇണകള് ഉണ്ടെന്നതാണണ് വാസ്തവം. ഒരുപക്ഷേ, വീഡിയോ വൈറലാകാന് വേണ്ടി അത് മനപൂര്വം ചെയ്തതാകാനുള്ള സാധ്യതയും തള്ളാനാകില്ല ' പക്ഷി നിരീക്ഷകനും ഫോട്ടോഗ്രാഫറുമായ സി.സുശാന്ത് കുമാറിനെയും ഞങ്ങള് ബന്ധപ്പെട്ടു. അദ്ദേഹം നല്കിയ വിവരം അനുസരിച്ച് വീഡിയോയില് കാണുന്നത് വെള്ളിക്കണ്ണി കുരുവി എന്നു പേരുള്ള ഓറിയെന്റല് വൈറ്റ് ഐ എന്ന പക്ഷിയാണ്. കണ്ണുകള്ക്ക് ചുറ്റിലും വെളുത്ത നിറം കാണുന്ന ഈ പക്ഷികളില് ആണ്-പെണ് വ്യത്യാസം പെട്ടെന്ന് തിരിച്ചറിയാനുമാകില്ല. വീഡിയോയില് കാണുന്ന കിളികള്ക്കും കണ്ണുകള്ക്ക് ചുറ്റും വെളുത്ത വലയമുണ്ട്. വ്യത്യാസം മനസിലാക്കാനായി അദ്ദേഹം പകര്ത്തിയ ചിത്രങ്ങളും ഞങ്ങള്ക്ക് കൈമാറി. അവ താഴെ കാണം. വെള്ളിക്കണ്ണി കുരുവി അതേസമയം, പക്ഷികളില് ജീവിതകാലം മുഴുവന് ഒരു ഇണയെ മാത്രം(monogamous pair) സ്വീകരിക്കുന്നവരുണ്ട്. അതുപോലെ ഇണചേര്ന്ന് പ്രത്യുല്പാദനം നടത്തിയാല് മരിച്ചുപോകുന്ന ജീവജാലങ്ങളുമുണ്ട്. എന്നാല് ഫേസ്ബുക്ക് പോസ്റ്റില് പറയുന്നതുപോലെ വീവര് ബേര്ഡ്സ് അത്തരം പ്രത്യേകതകളൊന്നുമുള്ള ജീവിയല്ലെന്ന് മനസിലാക്കാം. 2018 മുതല് വിവിധ ഭാഷകളില് പ്രചാരത്തിലുള്ള ഈ വീഡിയോ വ്യാജമാണെന്ന് ചൂണ്ടിക്കാട്ടി 2018 ഡിസംബര് 27ന് snopes ലേഖനം നല്കിയിട്ടുമുണ്ട്. ലഭ്യമായ വിവരങ്ങളില് നിന്ന് തൂക്കണാം കുരുവികള് ഇണയോടൊപ്പം മരിക്കുന്ന പക്ഷികള് അല്ലെന്ന് വ്യക്തമാണ്. തൂക്കണാം കുരുവികള് മാത്രമാണ് ഇണ മരിച്ചാല് അവയോടൊപ്പം മരിക്കുന്ന ലോകത്തിലെ ഏക കുരുവി. ഫേസ്ബുക്കില് പ്രചരിക്കുന്ന വീഡിയോ തൂക്കണാം കുരുവികളുടേതല്ല. തൂക്കണാം കുരുവികള് ഒന്നിലധികം ഇണയെ സ്വീകരിക്കുന്നവയാണ്. മാത്രമല്ല വീഡിയോ എഡിറ്റ് ചെയ്തിട്ടുമുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software