About: http://data.cimple.eu/claim-review/b6bd2eaf58b962fbdcc3c9b8fcc01d6a114fbd28b1c5eefcae689a82     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • രാഷ്ട്രപതി ദ്രൗപതി മുര്മ്മുവിന് മുന്നിലായി നടക്കുന്ന പ്രധാനമന്ത്രി മോദിയുടെ വീഡിയോ സമൂഹമാധ്യമങ്ങളില് പ്രചാരത്തിലുണ്ട്. രാഷ്ട്രപതിയെക്കാള് പ്രധാന്യമര്ഹിക്കുന്നയാളാണ് മോദി എന്ന രീതിയില് പരിഹാസത്തോടെയാണ് പലരും ഈ പോസ്റ്റ് ഷെയര് ചെയ്യുന്നത്. 'ഇന്ത്യന് പ്രസിഡന്റ് മുര് മുര് ജിയുടെ നിഴല് പോലെ മുന്നില് പോകുന്നതാണ് നമ്മുടെ പ്രധാന മന്ത്രി മോദിജി 'എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. റിപ്പബ്ലിക് ദിനാഘോഷത്തില് നിന്നുള്ള വീഡിയോയുടെ ഏതാനും ഭാഗങ്ങള് മാത്രമാണ് പ്രചാരത്തിലുള്ളത്. AFWA അന്വേഷണം പ്രചാരത്തിലുള്ള വീഡിയോയുടെ തുടക്കത്തില് മോദിക്കും രാഷ്ട്രപതിക്കും മുന്നിലായി മറ്റൊരാളെ കാണാനാകുന്നുണ്ട്. പെട്ടെന്ന് തന്നെ അടുത്ത ഭാഗത്തേയ്ക്ക കടക്കുന്ന വീഡിയോ എഡിറ്റ് ചെയ്തതാണെന്ന് മനസിലാക്കാനാകും. നിരന്നു നില്ക്കുന്നവര്ക്ക് ഷേയ്ക്ക് ഹാന്ഡ് നല്കി മുന്നോട്ട് നടന്നു വരുന്ന മോദിയും അദ്ദേഹത്തിനു പിന്നിലായി രാഷ്ട്രപതിയെയും കാണാനാകുന്നുണ്ട്. വീഡിയോ ഏതു സംഭവവുമായി ബന്ധപ്പെട്ടതാണെന്ന വിവരമാണ് ഞങ്ങള് ആദ്യം നോക്കിയത്. കീവേര്ഡ് സെര്ച്ച് ഉപയോഗിച്ച് തിരഞ്ഞപ്പോള് 74-ാമത് റിപ്പബ്ലിക് ദിനത്തിന് മുന്നോടിയായുള്ള ചടങ്ങില് നിന്നുള്ളതാണിതെന്ന സൂചന ലഭിച്ചു. പ്രധാനമന്ത്രിയുടെ ഔദ്യോഗിക യുട്യൂബ് പേജില് സമാനമായ വീഡിയോ കണ്ടെത്താനായി. 15.52 മിനിട്ട് ദൈര്ഘ്യമുള്ള വീഡിയോ ജനുവരി 25ന് പങ്കുവച്ചിട്ടുള്ളതാണ്. ഇതില് നിന്നുള്ള ഏതാനും സെക്കന്റുകളാണ് ഇപ്പോള് പ്രചാരത്തിലുള്ളത്. റിപ്പബ്ലിക് ദിനത്തില് മുഖ്യാതിഥിയായി പങ്കെടുത്ത ഈജിപ്റ്റ് പ്രസിഡന്റ് അബ്ദുല് ഫത്താഹ് എല്-സിസി(Abdel Fattah El-Sisi)യ്ക്ക് രാഷ്ട്രപതി ഭവനില് നല്കിയ ഔദ്യോഗിക സ്വീകരണത്തില് നിന്നുള്ള വീഡിയോ ആണിത്. ഗാര്ഡ് ഓഫ് ഓണര് സ്വീകരിച്ച ഈജിപ്റ്റ് പ്രസിഡന്റിനെ മന്ത്രിമാരും ഉന്നത ഉദ്യോഗസ്ഥരും ഉള്പ്പെടെയുള്ള അതിഥികള്ക്ക് പരിചയപ്പെടുത്തുന്ന ദൃശ്യങ്ങളാണിത്. ഗാര്ഡ് ഓഫ് ഓണര് സ്വീകരിച്ച എല്-സിസി ആദ്യം എത്തിയത് രാഷ്ട്രപതി ദ്രൗപതി മുര്മുവിന് ഷേയ്ക് ഹാന്ഡ് നല്കാനാണ്. തുടര്ന്ന് പ്രധാനമന്ത്രി മോദിയെയും അഭിവാദ്യം ചെയ്ത അദ്ദേഹം മറ്റ് അതിഥികളെ പരിചയപ്പെടാനായി നടന്നു നീങ്ങുന്നത് കാണാനാകും. ഈ സമയങ്ങളിലെല്ലാം മോദിയും രാഷ്ട്രപതിയും അദ്ദേഹത്തിന് തൊട്ടു പിന്നിലായാണ് നടക്കുന്നത്. അതിഥികളില് ആദ്യ സംഘത്തെ പരിചയപ്പെട്ട ശേഷം എല്-സിസി തന്നെയാണ് മോദിയെയും രാഷ്ട്രപതിയെയും അദ്ദേഹത്തിന് മുന്നിലായി നടക്കാന് ക്ഷണിക്കുന്നത്. അദ്ദേഹത്തിന്റെ ഇരുവശങ്ങളിലും കൂടിയാണ് ഇവര് മുന്നിലേക്ക് കടന്നത്. ആദ്യത്തെ അതിഥിയ്ക്ക് മുന്നില് എത്തിയപ്പോള് മോദിക്ക് അദ്ദേഹം ഷോയ്ക് ഹാന്ഡ് നല്കുകയായിരുന്നു. രാഷ്ട്രപതി അവിടേയ്ക്ക് എത്തുന്നതിന് തൊട്ടു മുന്പാണ് മോദി ഷേയ്ക് ഹാന്ഡ് നല്കുന്നത്. തുടര്ന്നാണ് അടുത്തടുത്തായി നില്ക്കുന്ന മറ്റുള്ളവര്ക്കും അദ്ദേഹം അഭിവാദ്യം നല്കുന്നത്. ഇത് വീഡിയോയില് വ്യക്തമാണ്. പിന്നീട് മൂവരും ഒരുമിച്ച് മുന്നോട്ട് നടന്നു. ഈജിപ്റ്റ് പ്രസിഡന്റ് പോഡിയത്തില് കയറി സദസിനെ അഭിസംബോധന ചെയ്തപ്പോള് പ്രധാനമന്ത്രിയും രാഷ്ട്രപതിയും അദ്ദേഹത്തിന് ഒപ്പമുണ്ടായിരുന്നു. ഇക്കാര്യങ്ങളെല്ലാം വീഡിയോയില് വ്യക്തമാണ്. എന്നാല് ഇതില് നിന്ന് ചില ഭാഗങ്ങള് എഡിറ്റ് ചെയ്ത് തെറ്റിദ്ധരിപ്പിക്കുംവിധം പ്രചരിപ്പിക്കുകയാണ്. സൈന്യത്തിന്റെ അഭിവാദ്യം സ്വീകരിച്ച ശേഷം അബ്ദുല് ഫത്താഹ് എല്-സിസി മറ്റുള്ളവര്ക്ക് സമീപത്തേയ്ക്ക് എത്തിച്ചേരുന്നത് വീഡിയോയുടെ 7.17 മിനിട്ടിലാണ്. ഇതു മതലുള്ള ദൃശ്യം താഴെ കാണാം. ലഭ്യമായ വിവരങ്ങളില് നിന്ന് രാഷ്ട്രപതി ദ്രൗപതി മുര്മ്മുവിനെ മറികടന്ന് പ്രധാനമന്ത്രി നരേന്ദ്രമോദി അതിഥികളെ സ്വീകരിക്കുന്നു എന്ന രീതിയില് പ്രചരിപ്പിക്കുന്ന വീഡിയോ തെറ്റിദ്ധരിപ്പിക്കുന്നതാണെന്ന് വ്യക്തം. രാഷ്ട്രപതി ദ്രൗപതി മുര്മ്മുവിനെ മറികടന്ന് അതിഥികളെ സ്വീകരിക്കുന്ന പ്രധാനമന്ത്രി നരേന്ദ്രമോദി. 74-ാമത് റിപ്പബ്ലിക് ദിനാഘോഷത്തില് പങ്കെടുത്ത മുഖ്യ അതിഥിയായ ഈജിപ്റ്റ് പ്രസിഡന്റ് അബ്ദുല് ഫത്താഹ് എല്-സിസിക്ക് രാഷ്ട്രപതി ഭവനില് നല്കിയ ഔദ്യോഗിക സ്വീകരണത്തിന്റെ വീഡിയോ ആണിത്. ഇതിലെ ചില ഭാഗങ്ങള് മാത്രം എഡിറ്റ് ചെയ്ത് പ്രചരിപ്പിക്കുകയാണ്. തുടക്കം മുതല് മോദിയും രാഷ്ട്രപതിയും മുഖ്യ അതിഥിക്ക് പിന്നിലായാണ് നടന്നു നീങ്ങിയത്. മുന്നോട്ട് നടക്കാന് അദ്ദേഹം ക്ഷണിച്ചതു പ്രകാരമാണ് ഇരുവരും അദ്ദേഹത്തിന് മുന്നിലായി നടന്നത്. ഇക്കാര്യം യഥാര്ഥ വീഡിയോയില് വ്യക്തമാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software