| schema:text
| - Loja e rrejshme ‘shpërblyese’
Deklarata
Me rastin e 36-vjetorit të Beko, ne do t’u dhurojmë 100 frigoriferë atyre që kanë shpërndarë këtë postim dhe kanë komentuar “Gati” deri më 15 korrik. (dorëzimi ditën tjetër)
Vlerësimi
Rrenë
Postimi është i rremë. Nuk ka lojë shpërblyese. Përveç kësaj faqja rrejshëm prezantohet si përfaqësuese e kompanisë Beko. Faqja e cila është hupur një ditë më parë, deri më tani ka arritur t’i ketë mbi 2 mijë pëlqime. Këto faqe që përmes mashtrimeve arrijnë të rrisin numrin e pelqimeve më pas e ndryshojnë emrin dhe fillojnë të monetizojnë veprimtarinë e tyre në Facebook.
Artikulli
Një faqe e hapur më 12 korrik në Facebook me emrin “BEKOO” ka shpërndarë një informatë të rrejshme, për kinse dhurimin e 100 frigoriferëve të kësaj marke për të gjithë ata që bëjnë një regjistrim online.
“Me rastin e 36-vjetorit të Beko, ne do t’u dhurojmë 100 frigoriferë atyre që kanë shpërndarë këtë postim dhe kanë komentuar “Gati” deri më 15 korrik. (dorëzimi ditën tjetër)”, thuhej në postimin e faqes në Facebook. Për regjistrim, u postua edhe një link.
Postimi mori shumë reagime në Facebook, mbi 2 mijë komente e mbi 3 mijë shpërndaje përkundër faktit që faqja e hapur në Facebook nuk kishte më shumë se 24 orë që ishte themeluar. Përveç kësaj, faqja kishte arritur të siguronte pëlqime nga rreth 2 mijë persona.
Tutje faqja i ka orientuar të gjithë komentuesi se si të futen në garë për këtë lojë.
“Gjithçka që duhet të bëni për të fituar këtë çmim është ta shpërndani këtë postim në 5-10 grupet në Facebook që ndiqni dhe ne do të konfirmojmë hyrjen tuaj brenda pak orësh. Faleminderit”, thuhet në koment.
Por, krejt informacioni publikuar është i rremë. KALLXO.com ka kontaktuar fillimisht me zyrtarët të shitjes së Beko-s në Kosovë, të cilët konfirmuan se informacioni është një mashtrim.
Pastaj, KALLXO.com ka kontaktuar me përfaqësuesin e autorizuar të kompanisë “Beko” në Kosovë, Neptun Kosova, të cilët po ashtu konfirmuan se nuk kanë lojë shpërbleyese aktive. Ata thanë që kjo lojë është e rreme dhe një mashtrim për qytetarët e Kosovës.
“Çdo fushatë e Beko-s që organizohet në Kosovë është në koordinim me ne, si distributor ekskluziv dhe promovohet në rrjetet tona sociale dhe WEB, prandaj kjo fushatë është e rreme, për të cilën ne nuk jemi në dijeni”, tha për KALLXO.com udhëheqësja e marketungut në “Neptun Kosova”, Kaltrina Hoxha.
Në lidhje me informacionin e rremë ka reaguar edhe dega e kompanisë “Beko” në Prishitnë. Ata mohuan se “Beko” po shpërndan 100 frigoriferë falas.
“Të nderuar klientë, ju njoftojmë që ditëve të fundit është duke qarkulluar një lajm i rrejshëm që Beko përmes lojës shpërblyese shpërndan frigoriferë dhe rrobalarëse falas, ju informojmë që kjo është dezinformatë dhe mos i dërgoni të dhënat e juaja personale”, thuhet në reagimin e tyre në Facebook.
Shpërndarja e informacioneve të tilla, të rrejshme, ka për qëllim rritjen e numrit të pëlqimeve dhe ndjekësve të faqës në Facebook dhe marrjen e të dhënave personale nga të gjithë ata që plotësojnë një formular.
Faqja e cila është hupur një ditë më parë, deri më tani ka arritur t’i ketë mbi 2 mijë pëlqime. Këto faqe që përmes mashtrimeve arrijnë të rrisin numrin e pelqimeve, më pas e ndryshojnë emrin dhe fillojnë të monetizojnë veprimtarinë e tyre në Facebook.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)