| schema:text
| - Pretendimi se një supliment ndihmon në humbje të peshës
Deklarata
Projekti ‘Pesha normale’ u lançua nën programin pan-Evropian ‘Le të jemi të shëndetshëm’
Vlerësimi
Rrenë
Artikulli me titullin “Projekti ‘Pesha normale’ u lançua nën programin pan-Evropian ‘Le të jemi të shëndetshëm’” është bazuar në fakte të rreme. Në artikull është cituar një mjek kinse nga Italia, por në fakt fotografia ka rezultuar se e njëjta është fotografi që përdoret për ilustrim të mjekut dhe mund të shkarkohet falas. Artikulli me përmbajtje të njëjtë është ripublikuar në një faqe tjetër, por duke përdorë një fotografi poashtu të rreme të një mjeku rus. Krypometër ka kontaktuar me një kardiolog dhe me një farmacist, të cilët kanë thënë se bari që tentohet të shitet përmes këtij artikulli është një vitaminë. Krypometër e ka verifikuar se i njëjti nuk ka Autorizim Marketingu për tu shitur në tregun e Kosovës si medikament.
Artikulli
Më 29 nëntor 2023 faqja e internetit ‘cashkoval.com’, (arkiva), ka publikuar një artikull me titull “Projekti ‘Pesha normale’ u lançua nën programin pan-Evropian ‘Le të jemi të shëndetshëm’”.
Të njëjtin artikull e kishte shpërndarë edhe faqja në Facebook “Alexander Bradley”, (arkiva), më 22 dhjetor 2023.
Në artikull është cituar Giulio Giacomi për të cilin pretendohet se është kardiolog italian. Kryepometër, përmes kërkimit në “Google Lens” ka gjetur se personi në fotografi nuk është kardilogu “Giulio Giacomi”. Fotografia e publikuar si “Giulio Giacomi” është fotografi e bërë me qëllim të ilustrimit të profesionit të mjekut. E njëjta fotografi mund të shkarkohet falas dhe të përdoret për ilustrim të profesionit të mjekut.
Krypometër ka gjetur se një artikull me përmbajtje të njëjtë është publikuar edhe në një faqe tjetër, por aty është përdorë një fotografi tjetër. Kardilogu i pretenduar, në këtë artikull është ilustruar me një fotografi që pas kërkimin në Google Lens rezulton të jetë e mjekut rus, Andrey Belkin.
Në artikull rekomandohet një ilaç që pretendohet se ndihmon në humbjen e peshës. Krypometër ka kontrolluar nëse ky produkt bën pjesë në listën e produkteve me Autorizim për Marketing në Republikën e Kosovës.
Produkti ‘Biolight’, nuk bën pjesë në listën e produkteve me Autorizim Marketingu në kuadër të Agjencisë së Kosovës për produkte dhe pajisje medicinale.
Krypometër ka pyetur edhe kardiologun Gani Bajraktari lidhur me këtë produkt. “Nuk e di se çka është ky bari, nuk e kam parë asnjëherë dhe rrjedhimisht nuk e rekomandojmë për humbje peshe”- thuhet në përgjigjen e Bajraktarit për Krypometër.
Edhe Astrit Haxhijaha, që është specialist i farmacisë klinike, ka thënë se ky produkt mund të jetë supliment bio. “Sipas fotos produkti është vitaminë për një trup të shëndetshëm, por s’po e di sa përdoret për dobësim”- thuhet në përgjigjen e Haxhijahës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)