About: http://data.cimple.eu/claim-review/b90029f5b9e54ebd18710ab7c77360c9965c1642dc1978719c492639     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മതത്തേച്ചൊല്ലിയുള്ള രക്തച്ചൊരിച്ചിലുകള് നൂറ്റാണ്ടുകള്ക്ക് മുന്പേ തന്നെയുണ്ട്. ഇന്ന് സമൂഹമാധ്യമങ്ങളും മതപോരാട്ടങ്ങളുടെ വേദിയാണ്. ഇതരമതങ്ങളോടുള്ള വെറുപ്പും വിദ്വേഷവും പല രീതിയിലാണ് മനുഷ്യര് സമൂഹമാധ്യമങ്ങളിലൂടെ പ്രചരിപ്പിക്കുന്നത്. അത്തരത്തിലൊരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. കറുത്ത വസ്ത്രങ്ങളണിഞ്ഞ ആളുകള് പങ്കെടുത്ത ഒരു റാലിയും പ്രതിഷേധ പ്രകടനങ്ങളും പോലീസ് വാഹനങ്ങള് തകര്ക്കുന്നതും ഉള്പ്പെട്ട വീഡിയോ ആണ് പ്രചാരത്തിലുള്ളത്. എന്നാല് പ്രചാരത്തിലുള്ളത് മൂന്ന് സംഭവങ്ങളുടെ എഡിറ്റ് ചെയ്ത വീഡിയോ ആണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം (AFWA) അന്വേഷണത്തില് വ്യക്തമായി. AFWA അന്വേഷണം 'ഇസ്ലാമിക് റിപ്പബ്ലിക് ഓഫ് ബ്രിട്ടനു'വേണ്ടി മുറവിളികൂട്ടി നടന്ന പ്രതിഷേധത്തില് നിന്നും മറ്റ് യൂറോപ്യന് രാജ്യങ്ങള് പാഠം ഉള്ക്കൊള്ളണം എന്ന മട്ടിലാണ് സമൂഹമാധ്യമങ്ങളില് ഈ വീഡിയോ പ്രചരിക്കുന്നത്. വീഡിയോയുടെ കീഫ്രേയ്മ്സ് ഉപയോഗിച്ചു നടത്തിയ പരിശോധനയില് നിന്നും മൂന്ന് സംഭവങ്ങളുടെ വീഡിയോ എഡിറ്റ് ചെയ്ത് ഒന്നാക്കിയതാണെന്ന് വ്യക്തമായി. ആദ്യ ഭാഗം- ലണ്ടനില് നടന്ന അഷൂറ ആഘോഷം ഇസ്ലാമിക കലണ്ടറിലെ ആദ്യമാസമായ മുഹറം പത്തിനാണ് അഷൂറ ആചരിക്കുന്നത്. 2019 സെപ്റ്റംബര് പത്തിന് ലണ്ടനിലെ ബെയ്സ് വാട്ടര് റോഡില് ഷിയാ വിഭാഗം നടത്തിയ അഷൂറയുടെ വിലാപ യാത്രയുടെ ദൃശ്യങ്ങളാണ് പ്രചാരത്തിലുള്ള വീഡിയോയുടെ ആദ്യ ഭാഗത്ത് ഉപയോഗിച്ചിരിക്കുന്നത്. 2019 സെപ്റ്റംബര് 30ന് ഈ വീഡിയോ Anti NWO Alliance എന്ന ഫേയ്സ്ബുക്ക് പേജില് അപ്ലോഡ് ചെയ്തിട്ടുണ്ട്. രണ്ടാം ഭാഗം- ബ്രിസ്റ്റോളില് നടന്ന ബ്ലാക്ക് ലൈവ്സ് മാറ്റര് പ്രതിഷേധം അമേരിക്കയില് പോലീസുദ്യോഗസ്ഥന് കൊലപ്പെടുത്തിയ ജോര്ജ് ഫ്ലോയ്ഡിന് നീതി തേടി ലോകമെങ്ങും പ്രതിഷേധം നടന്നിരുന്നു. 'ഐ കാണ്ട് ബ്രീത്' എന്ന ഫ്ലോയിഡിന്റെ അവസാന വാക്കുകള് അമേരിക്കയില് മാത്രമല്ല ലോകം മുഴുവനും അലയടിച്ചു. ബ്ലാക്ക് ലൈവ്സ് മാറ്റേര്സ് മൂവ്മെന്റിന്റെ ഭാഗമായി ഇംഗ്ലണ്ടിലെ ബ്രിസ്റ്റോളിലും പ്രതിഷേധം നടന്നിരുന്നു. ഇതിന്റെ ഭാഗമായി ബ്രിസ്റ്റോളില് സ്ഥാപിച്ചിരുന്ന അടിമക്കച്ചവടക്കാരനായ എഡ്വേര്ഡ് കോള്സ്റ്റണിന്റെ പ്രതിമ 2020 ജൂണ് ഏഴിന് തകര്ക്കുകയും ബ്രിസ്റ്റോള് നദിയിലൊഴുക്കുകയും ചെയ്തു. ഈ പ്രതിഷേധത്തിന്റെ ദൃശ്യങ്ങളും പ്രചാരത്തിലുള്ള വീഡിയോയില് ഉള്പ്പെടുത്തിയിട്ടുണ്ട്. മൂന്നാം ഭാഗം- ബ്രിക്സ്റ്റണ് ഏറ്റുമുട്ടല് നിയമം ലംഘിച്ച് സൗത്ത് ലണ്ടനിലെ ബ്രിക്സറ്റണില് നടന്ന ഒരു അനധികൃത സ്ട്രീറ്റ് പാര്ട്ടി വലിയ അക്രമത്തിലാണ് കലാശിച്ചത്. 400 പേരോളം പങ്കെടുത്ത പാര്ട്ടിയായിരുന്നു നടന്നത്. പരിസരവാസികളുടെ പരാതിയെത്തുടര്ന്ന് എത്തിയ പോലീസ് ആളുകളെ പറഞ്ഞുവിടാന് ശ്രമിച്ചെങ്കിലും ഫലവത്തായില്ലെന്നു മാത്രമല്ല പോലീസിനുനേരെ വലിയ രീതിയില് ആക്രമണവും നടന്നു. ഇരുപത്തിരണ്ടിലധികം പോലീസുകാര്ക്ക് പരിക്കേറ്റു. നിരവധി പോലീസ് വാഹനങ്ങള് അക്രമികള് തല്ലിത്തകര്ത്തു. അക്രമികള് പോലീസിനെ മര്ദ്ദിക്കുന്ന ദൃശ്യങ്ങളും മറ്റുമാണ് പ്രചാരത്തിലുള്ള വീഡിയോയുടെ അവസാനഭാഗത്ത് ഉപയോഗിച്ചിരിക്കുന്നത്. ലഭ്യമായ വിവരങ്ങളുടെ അടിസ്ഥാനത്തില് യുകെയിൽ വിവിധ ഭാഗങ്ങളില് നടന്ന മൂന്ന് സംഭവങ്ങളാണ് 'ഇസ്ലാമിക് റിപ്പബ്ലിക് ഓഫ് ബ്രിട്ടനു'വേണ്ടി നടന്ന പ്രതിഷേധം എന്ന അവകാശവാദത്തോടെ സമൂഹമാധ്യമങ്ങളില് പ്രചരിക്കുന്നത്. ഈ വീഡിയോകൾ തെറ്റിദ്ധരിപ്പിക്കുന്നതാണെന്നു വ്യക്തം. ഇസ്ലാമിക് റിപ്പബ്ലിക്കിനു വേണ്ടി ബ്രിട്ടനിൽ നടന്ന പ്രതിഷേധമല്ലിത്. ഇസ്ലാമിക് റിപ്പബ്ലിക്കനു വേണ്ടി ബ്രിട്ടനിൽ നടന്ന പ്രതിഷേധം യുകെയിൽ വിവിധ ഭാഗങ്ങളില് നടന്ന മൂന്ന് സംഭവങ്ങളാണ് 'ഇസ്ലാമിക് റിപ്പബ്ലിക് ഓഫ് ബ്രിട്ടനു'വേണ്ടി നടന്ന പ്രതിഷേധം എന്ന രീതിയിൽ പ്രചരിപ്പിക്കുന്നത്. അഷൂറ വിലാപയാത്ര, ബ്ലാക്ക് ലൈവ്സ് മാറ്റര് പ്രതിഷേധം, അനധികൃത സ്ട്രീറ്റ് പാര്ട്ടി എന്നിവയുടെ ദൃശ്യങ്ങൾ എഡിറ്റ് ചെയ്താണ് സമൂഹമാധ്യമങ്ങളിൽ പ്രചരിപ്പിക്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software