About: http://data.cimple.eu/claim-review/b90c70c35123b0b9a590e8ba20de514e9d2c582c7e7439de4a086941     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സര്ക്കാര് സ്കൂളുകളിലെ സൗജന്യ ഉച്ചഭക്ഷണ പദ്ധതി വിദ്യാര്ഥികള്ക്ക് ഏറെ പ്രയോജനം ചെയ്യുന്ന ഒന്നാണ്. മുന്പ് കഞ്ഞിയും പയറും നല്കിയിരുന്ന പദ്ധതി വിപുലീകരിച്ച് ചോറും കറികളുമാക്കി മാറ്റിയിരുന്നു. ഇതോടൊപ്പം മുട്ടയും പാലും ഒക്കെ ഉള്പ്പെടുത്തി പോഷക സമൃദ്ധമാക്കുകയും ചെയ്തിട്ടുണ്ട്. ഒന്നു മുതല് എട്ടു വരെയുള്ള ക്ലാസിലെ കുട്ടികള്ക്കാണ് ഇപ്പോള് ഉച്ചഭക്ഷണം നല്കുന്നത്. കേന്ദ്ര സര്ക്കാരിന്റെ സഹായത്തോടെയാണ് സംസ്ഥാനം പദ്ധതി നടപ്പാക്കുന്നത്. ഉച്ചഭക്ഷണ പദ്ധതിക്കുള്ള പണം സ്കൂളുകളിലേക്കല്ല ഇനി വിദ്യാര്ഥികളുടെ അക്കൗണ്ടിലേക്ക് നേരിട്ട് എത്തിക്കും എന്ന് അവകാശപ്പെട്ട് ഒരു പോസ്റ്റ് സമൂഹമാധ്യമങ്ങളില് ഇപ്പോള് സജീവമായി പ്രചരിക്കുന്നുണണ്ട്. ' സ്കൂളിലെ ഉച്ചഭക്ഷണ പദ്ധതി പണം വിദ്യാര്ഥികളുടെ അക്കൗണ്ടിലേക്ക് നേരിട്ട് വിതരണം ചെയ്യാന് കേന്ദ്ര സര്ക്കാര് പിണറായി അടിച്ചുമാറ്റും മുന്പ് എല്ലാവരിലേക്കും എത്തിക്കുക. ' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. കേരളത്തിലെ സ്കൂളുകളില് ഇപ്പോഴും ഉച്ചഭക്ഷണ പദ്ധതി സ്കൂളുകള് വഴി തന്നെയാണ് നടത്തുന്നത്. AFWA അന്വേഷണം പ്രചരിക്കുന്ന പോസ്റ്റിനെക്കുറിച്ച് അന്വേഷിക്കുന്നതിന് സ്കൂള് ഉച്ചഭക്ഷണ(മിഡ് ഡെ മീല്-MDM) പദ്ധതിയെപ്പറ്റിയാണ് ഞങ്ങള് ആദ്യം അന്വേഷിച്ചത്. കേന്ദ്ര സര്ക്കാരിന്റെ സഹായത്തോടെ അതത് സംസ്ഥാന വിദ്യാഭ്യാസ വകുപ്പാണ് പദ്ധതിയുടെ മേല്നോട്ടം വഹിക്കുന്നത്. ഈ അധ്യയന വര്ഷം മുതല് പിഎം പോഷന്(PM Poshan) എന്ന് പുനര്നാമകരണം ചെയ്ത പദ്ധതിക്കായി 10,233.75 കോടി രൂപയാണ് ഇത്തവണ ബജറ്റില് വകയിരുത്തിയിട്ടുള്ളത്. ഉച്ച ഭക്ഷണത്തിനുള്ള പണം കുട്ടികളുടെ അക്കൗണ്ടില് നിക്ഷേപിക്കുന്നതിന് കേന്ദ്രം തീരുമാനമെടുത്തിരുന്നോ എന്നകാര്യമാണ് പിന്നീട് തിരഞ്ഞത്. ഇതുസംബന്ധിക്കുന്ന മാധ്യമ വാര്ത്തകള് കണ്ടെത്താനായി. 2021ലാണ് ഈ വാര്ത്തകള് വന്നിട്ടുള്ളത്. ഇതു പ്രകാരം കോവിഡ് സാഹചര്യത്തില് സ്കൂള് അടച്ചിട്ടിരുന്നതിനാല് ഉച്ചഭക്ഷണ പദ്ധതി കൃത്യമായി നടപ്പാക്കാനായിരുന്നില്ല. അതിനാല് ഇതിനുള്ള പണം കുട്ടികളുടെയോ രക്ഷിതാക്കളുടെയോ അക്കൗണ്ടിലേക്ക് എത്തിച്ച് നല്കാന് കേന്ദ്രം തീരുമാനമെടുത്തിരുന്നുവെന്ന് പറയുന്നുണ്ട്. എന്നാല് ഇപ്പോള് കോവിഡ് നിയന്ത്രണങ്ങളില് ഇളവ് വന്നതോടെ സ്കൂളുകള് തുറന്ന് വിദ്യാഭ്യാസം സുഗമമായി നടക്കുന്നതിനാല് ഇത്തരമൊരു സാഹചര്യം ഉണ്ടാകാനിടയില്ല എന്ന സൂചനയിലാണ് ഞങ്ങള് അന്വേഷണം തുടര്ന്നത്. ഇതിനായി ചില അധ്യാപകരെ ബന്ധപ്പെട്ടു. ഈ അധ്യയന വര്ഷം ആരംഭിച്ച് ഒരു മാസം പിന്നിടുമ്പോള് സ്കൂളുകളില് ഉച്ചഭക്ഷണം നല്കുന്നുണ്ടെന്ന് വിവിധ സ്കൂളുകളില് നിന്ന് ഉറപ്പിക്കാനായി. തുടര്ന്ന് കൂടുതല് വിശദീകരണത്തിനായി ഡെപ്യൂട്ടി ഡയറക്ടര് ഓഫ് എഡ്യുക്കേഷന്(DDE Tvm) എസ്. സന്തോഷ് കുമാറിനെ ബന്ധപ്പെട്ടു. അദ്ദേഹം നല്കിയ വിവരം അനുസരിച്ച് പ്രചരിക്കുന്ന സന്ദേശം തെറ്റിദ്ധരിപ്പിക്കുന്നതാണ്. 'സ്കൂള് തുറന്നിരിക്കുന്ന സമയത്ത് ഉച്ചഭക്ഷണം സ്കൂളില് നിന്ന് അല്ലേ നല്കുന്നത്. ഇപ്പോള് കോവിഡ് സാഹചര്യം ഒക്കെ മാറിയല്ലോ. സ്കൂളില് ഭക്ഷണം നല്കുന്നുണ്ട്. അതുകൊണ്ട് വിദ്യാര്ഥികളുടെ അക്കൗണ്ടിലേക്ക് പ്രത്യേകമായി ഒന്നും കൊടുക്കേണ്ടതില്ല. കഴിഞ്ഞ അധ്യയന വര്ഷം സ്കൂള് അടച്ചിരുന്നതുകൊണ്ടാണ് ഉച്ചഭക്ഷണത്തിനുള്ള തുക കുഞ്ഞുങ്ങള്ക്ക് നല്കാന് തീരുമാനിച്ചത്. എന്നാല് കേരളത്തില് ഇത് പണം ആയിട്ടല്ല കൊടുത്തത്. അനുവദനീയമായ ഭക്ഷ്യ ധാന്യങ്ങള് സ്കൂളില് നിന്ന് നല്കുകയായിരുന്നു. ചില സാധനങ്ങള് വാങ്ങാനുള്ള കൂപ്പണ് സപ്ലൈക്കോയിലേക്ക് നല്കുകയും ചെയ്തിരുന്നു. പണമായിട്ട് കുട്ടികളുടെ അക്കൗണ്ടില് നല്കിയിരുന്നില്ല. ' ഡിഡിഇ പറഞ്ഞു. ഇക്കാര്യങ്ങള് എംഡിഎം വെബ്സൈറ്റിലും ലഭ്യമാണ്. ഇത്തവണ സ്കൂള് തുറക്കുന്നതിനു മുന്നോടിയായി കേന്ദ്രം എല്ലാ സംസ്ഥാനങ്ങളുമായും നടത്തിയ റിവ്യൂ മീറ്റിംഗിലെ മിനിട്സ് ഞങ്ങള് കണ്ടെത്തി. കേരളത്തിലെ റിവ്യു മീറ്റിംഗ് നടന്നത് 2022 മെയ് 13നാണ്. കഴിഞ്ഞ അധ്യയന വര്ഷത്തെ ഉച്ചഭക്ഷണ പദ്ധതിയെപ്പറ്റി വിശദീകരിക്കുമ്പോള് കോവിഡ് സാഹചര്യം എടുത്ത് പറഞ്ഞിട്ടുണ്ട്. സ്കൂള് തുറക്കാത്ത സാഹചര്യത്തില് ഭക്ഷ്യധാന്യങ്ങള് കുട്ടികള്ക്ക് കൈമാറിയ വിവരം ഉള്പ്പെടുന്ന ഭാഗം താഴെ കാണാം. ഇതില് നിന്ന് കേരളത്തിലെ സ്കൂള് വിദ്യാര്ഥികള്ക്ക് ഭക്ഷ്യധാന്യമാണ് നല്കിയിരുന്നതെന്നും പണമല്ലെന്നും വ്യക്തമായി. ഇതുകൂടാതെ 2022 ജൂണില് ആരംഭിച്ച നടപ്പ് അധ്യയന വര്ഷത്തില് സ്കൂളില് വച്ച് തന്നെയാണ് ഉച്ചഭക്ഷണം നല്കുന്നതെന്ന കാര്യവും വ്യക്തമാക്കുന്നുണ്ട്. ഇക്കാര്യത്തെപ്പറ്റി വിശദീകരിക്കുന്ന പ്രസക്തഭാഗം താഴെ കാണാം. ലഭ്യമായ വിവരങ്ങളില് നിന്ന് സ്കൂള് ഉച്ചഭക്ഷണത്തിനായി കുട്ടികളുടെ അക്കൗണ്ടിലേക്ക് നേരിട്ട് പണം എത്തിക്കുമെന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തം. കോവിഡ് സാഹചര്യത്തില് കഴിഞ്ഞ വര്ഷത്തേയ്ക്ക് മാത്രം ഇത്തരത്തിലൊരു പദ്ധതി നടപ്പാക്കാന് ആലോചിച്ചിരുന്നു. എന്നാല് കേരളത്തില് പണം ആയിട്ടല്ല നല്കിയത്, ഭക്ഷ്യധാന്യമായിട്ടായിരുന്നു. ഇത്തവണ സ്കൂള് തുറന്നതിനാല് സ്കൂളില് നിന്ന് തന്നെയാണ് ഉച്ചഭക്ഷണം നല്കുന്നത്. സ്കൂള് ഉച്ചഭക്ഷണത്തിനായുള്ള പണം ഇനി വിദ്യാര്ഥികളുടെ അക്കൗണ്ടിലെത്തിക്കാന് കേന്ദ്ര സര്ക്കാര് തീരുമാനം. കോവിഡ് സാഹചര്യത്തില് കഴിഞ്ഞ വര്ഷം ഇത്തരമൊരു പദ്ധതി ആലോചിച്ചിരുന്നെങ്കിലും കേരളത്തിലെ വിദ്യാര്ഥികള്ക്ക് പണം ആയിട്ടല്ല, ഭക്ഷ്യധാന്യമായിട്ടാണ് ഇത് നല്കിയത്. ഈ വര്ഷം സ്കൂള് തുറന്നതിനാല് ഉച്ചഭക്ഷണം സ്കൂളില് തന്നെയാണ് നല്കുന്നത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software