About: http://data.cimple.eu/claim-review/bcf826d583a1ed5761f401bedb3fb244e4e302ba3977574b29f000ed     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സുദീപ്തോ സെന് സംവിധാനം ചെയ്ത ദി കേരള സ്റ്റോറിയുടെ പ്രദര്ശനം പുരോഗമിക്കുകയാണ്. ചിത്രം 200 കോടി ക്ലബില് എത്തിയതായാണ് റിപ്പോര്ട്ടുകള്. അതിനിടെ സിനിമയുമായി ബന്ധപ്പെട്ടുള്ള വിവാദങ്ങളും പൂര്ണ്ണമായി വിട്ടൊഴിഞ്ഞിട്ടില്ല. ലവ് ജിഹാദിന്റെ ഇരകളാകുന്ന മലയാളിപ്പെണ്കുട്ടികളെക്കുറിച്ചുള്ള കഥയാണെന്ന അവകാശവാദത്തോടെ വന്ന ചിത്രത്തിലെ നായിക തന്നെ ഒരു മുസ്ലീം യുവാവിന്റെ കൂടെ ഒളിച്ചോടിപ്പോയി എന്ന രീതിയില് ഇപ്പോള് പ്രചാരണം സജീവമാണ്. 'എന്താണ് ഈ കേള്ക്കുന്നത് കേരള സ്റ്റോറി നായിക മുസ്ലിം യുവാവിന്റെ കൂടെ ഒളിച്ചോടി പോലും കേരള സ്റ്റോറി നായിക ഷാനവാസ് ഷെയ്ഖിന്റെ കൂടെ ഒളിച്ചോടി അന്വേശി ' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള ചിത്രം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ചിത്രത്തിലുള്ളത് കേരള സ്റ്റോറിയിലെ നായികയല്ല. AFWA അന്വേഷണം വിവാഹ വേഷത്തില് നില്ക്കുന്ന ഒരു പെണ്കുട്ടിയും ഒരു യുവാവുമുള്ള ചിത്രം പശ്ചാത്തലത്തിലും ഒരാളുടെ വിശദീകരണവുമാണ് പ്രചാരത്തിലുള്ള വീഡിയോയിലുള്ളത്. 'ഹിന്ദു സഹോദരങ്ങള്ക്ക് രാം രാം' എന്നു പറഞ്ഞാണ് വീഡിയോ തുടങ്ങുന്നത്. പശ്ചാത്തലത്തിലുള്ള ചിത്രം, ദി കേരള സ്റ്റോറിയിലെ അഭിനയേത്രി ദേവൊലീന ഭട്ടാചാര്യ ആണെന്ന് ഇയാള് പറയുന്നു. കേരള സ്റ്റോറി റിലീസായ ശേഷം ഇവര് ഷാനവാസ് ഷെയ്ഖിനെ വിവാഹം കഴിച്ചു. ഇവര്ക്ക് തന്നെ അറിയാം ഇത് ഫേക്ക് മൂവി ആണെന്നും ഇയാള് വ്യക്തമാക്കുന്നു. ഈ വീഡിയോയെപ്പറ്റി കൂടുതല് അറിയാന് പശ്ചാത്തലത്തിലുള്ള യുവതിയുടെയും യുവാവിന്റെയും വിവരമാണ് ഞങ്ങള് അന്വേഷിച്ചത്. ഈ ചിത്രം റിവേഴ്സ് ഇമേജില് സെര്ച്ച് ചെയ്തപ്പോള് ഇവര്ക്ക് ഇരുവര്ക്കും ദി കേരള സ്റ്റോറിയുമായി യാതൊരു ബന്ധവുമില്ലെന്ന് വ്യക്തമായി. ചിത്രത്തിലുള്ളത് ഹിന്ദി സീരിയല് താരങ്ങളായ ദേവൊലീന ഭട്ടാചാര്ജിയും(Devoleena Bhattacharjee) വിശാല് സിംഗുമാണ്. എന്നാല് ഇവര് ഇരുവരും തമ്മില് വിവാഹം കഴിക്കുന്ന ചിത്രമല്ലിത്. 2022 ഡിസംബറില് നടന്ന ദേവൊലീനയുടെ വിവാഹത്തില് പങ്കെടുക്കാനെത്തിയതാണ് വിശാല് സിംഗ്. ഇരുവരും അടുത്ത സുഹൃത്തുക്കളാണ്. മുന്പ് തങ്ങള് വിവാഹിതരാകുന്നു എന്ന രീതിയില് ഇരുവരും പ്രാങ്ക് വീഡിയോ പങ്കുവച്ചിരുന്നു. വിവാഹ ജീവിതത്തിലേക്ക് കടന്ന ദേവൊലീനയ്ക്ക് അഭിനന്ദനം അറിയിച്ചുകൊണ്ട് ഇപ്പോള് പ്രചാരത്തിലുള്ള ചിത്രം വിശാല് ഇന്സ്റ്റഗ്രാമില് പങ്കുവച്ചിരുന്നു. ഇത് താഴെ കാണാം. അതേസമയം, ദേവൊലീനയുടെ ഭര്ത്താവ് ഷാനവാസ് ഷെയ്ഖ്എന്നയാളാണ്. താരത്തിന്റെ വിവാഹം ആരാധകര്ക്ക് സര്പ്രൈസായിരുന്നു. ഇരു വീട്ടുകാരുടെയും അനുഗ്രഹത്തോടെയാണ് ഷാനവാസും ദേവൊലീനയും വിവാഹിതരായത്. എന്നാല് വിവാഹ ശേഷം താരം മതം മാറിയതായി വിവരമില്ല. സോഷ്യല് മീഡിയയില് വളരെ ആക്ടീവായ ദേവൊലീനയുടെ കുടുംബ ചിത്രങ്ങളും ലഭ്യമാണ്. ഇവയില് ഹോളി ആഘോഷത്തിന്റേതുള്പ്പെടയുള്ള ചിത്രങ്ങളും കാണാനാകും. ദി കേരള സ്റ്റോറി കണ്ട ശേഷം ദേവൊലീന പങ്കുവച്ച ട്വീറ്റ് മാധ്യമങ്ങളില് ചര്ച്ചയായിരുന്നു. ഇത് താഴെ കാണാം. ദേവൊലീന ഭട്ടാചാര്ജി കേരള സ്റ്റോറിയില് അഭിനയിച്ചിട്ടുണ്ടോ എന്ന വിവരമാണ് ഞങ്ങള് പിന്നീട് അന്വേഷിച്ചത്. എന്നാല് ചിത്രത്തിന്റെ അണിയറപ്രവര്ത്തകരുടേയൊ അഭിനേതാക്കളുടെയോ ലിസ്റ്റില് ഇവരുടെ പേരില്ലെന്ന് വ്യക്തമായി. കേരള സ്റ്റോറിയിലെ പ്രധാന റോളുകള് ചെയ്തിരിക്കുന്നത് ആദാ ശര്മ, യോഗിത ബിഹാനി, സിദ്ധി ഇദ്നാനി, സോണിയ ബലാനി എന്നീ നടിമാരാണ്. മറ്റ് അഭിനേതാക്കളിലും ദേവൊലീനയുടെ പേര് കാണാനായില്ല. ദേവൊലീന ഭട്ടാചാര്ജി ഭര്ത്താവ് ഷാനവാസ് ഷെയ്ഖുമായി നില്ക്കുന്ന ചില ചിത്രങ്ങളും കേരള സ്റ്റോറിയുമായി ബന്ധപ്പെടുത്തി പ്രചരിച്ചിരുന്നു. ഇന്ത്യാ ടുഡേയുടെ ബംഗ്ലാ ടീം ഇത് സംബന്ധിച്ച ഫാക്ട് ചെക്ക് റിപ്പോര്ട്ട് നല്കിയിട്ടുണ്ട്. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോയിലെ വിവരങ്ങളും ചിത്രവും തികച്ചും തെറ്റിദ്ധരിപ്പിക്കുന്നതാണെന്നും ഈ ചിത്രത്തിലുള്ള ഹിന്ദി സീരിയല് നടി ദേവൊലീന ഭട്ടാചാര്ജിയ്ക്ക് കേരള സ്റ്റോറിയുമായി യാതൊരു ബന്ധവുമില്ലെന്നും വ്യക്തമായി. കേരള സ്റ്റോറിയിലെ നായിക ദേവൊലീന ഭട്ടാചാര്ജി മുസ്ലീം യുവാവിനൊപ്പം ഒളിച്ചോടി. പ്രശസ്ത ഹിന്ദി സീരിയല് താരമായ ദേവൊലീന ഭട്ടാചാര്ജിയാണിത്. അവര് കേരള സ്റ്റോറിയില് അഭിനയിച്ചിട്ടില്ല. മാത്രമല്ല, ചിത്രത്തിലുള്ളത് ദേവൊലീനയുടെ ഭര്ത്താവല്ല, സുഹൃത്തും നടനുമായ വിശാല് സിംഗാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software