| schema:text
| - Postimi i pa-argumentuar rreth përfaqësuesit të SHBA-ve, Gabriel Escobar
Deklarata
Escobar është kundër popullit shqiptar të Kosovës. Nuk e respekton vullnetin e popullit kundër Zajednicës
Vlerësimi
Me kos
Në fotografinë e përfaqësuesit të SHBA-ve për Ballkanin Perëndimor, Gabriel Escobar janë dhënë përfundime të pa-argumentuara. Mbi fotografinë e Escobar është vendosur mbishkrimi: “Escobar është kundër popullit shqiptar të Kosovës. Nuk e respekton vullnetin e popullit kundër Zajednicës”. Por, nuk është treguar nëse ky konstatim është opinion i ndonjë eksperti apo kush është autor i tij. Ndërkohë, Escobar asnjëherë nuk ka deklaruar se është kundër popullit shqiptar, por ka kërkuar që të zbatohen marrëveshjet e nënshkruara nga udhëheqësit e shtetit të Kosovës nga viti 2011.
Artikulli
Më 3 shkurt 2023, faqja e Facebook-ut “Pelqeje faqen nese e perkrahe Albin Kurtin per kryeministër”, ka publikuar një fotografi të përfaqësuesit të SHBA-së për Ballkanin Perëndimor, Gabriel Escobar.
Në këtë fotografi është shkruar “Escobar është kundër popullit shqiptar të Kosovës. Nuk e respekton vullnetin e popullit kundër Zajednicës”.
Në mbishkrim të fotografisë thuhet: Gabriel Escobar: Asociacionin do ta keni. A e pranon ose jo qeveria aktuale e Kosovës obligimin ligjor, nuk është marrëveshje mes Kurtit dhe Serbisë. Është marrëveshje mes Serbisë dhe Kosovës. Do të jetë baza e marrëveshjes së normalizimit.
Teksti që është shkruar në këtë fotografi përmban përfundime që nuk mbështeten në asnjë burim. Në përshkrimin e vendosur në fotografinë e Escobar nuk tregohet se kush po thotë që i njëjti është kundër popullit shqiptar të Kosovës.
Në ndërkohë, përfaqësuesi i SHBA-së për Ballkanin Perëndimor, Gabriel Escobar nuk ka thënë se është kundër vullnetit të popullit të Kosovës. Deklarata e Escobarit në mbishkrim nuk përputhet me atë që është shkruar në fotografi.
Konstatimi i dhënë përmes shkrimit në këtë fotografi, nuk citon asnjë burim, qoftë zyrtar apo ndonjë analist.
Mbishkrimi i kësaj fotografie, është deklaratë e Escobar e dhënë në një intervistë për “The Pavlovic Today”.
Escobar, ka insistuar se Asociacioni i komunave me shumicë serbe do të zbatohet në kuadër të dialogut të lehtësuar nga BE-ja, duke shtuar se kjo nuk është marrëveshje mes kryeministrit Kurti dhe Serbisë, por mes Kosovës dhe Serbisë. Por, nuk ka thënë se është kundër vullnetit të popullit të Kosovës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)