About: http://data.cimple.eu/claim-review/c4d7cb3e55e7b399a56c2756c54c781d4d4d175e1f749a2c17ecf5c5     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അഞ്ച് വര്ഷം മുന്പാണ് മലപ്പുറം ജില്ലയിലെ കവളപ്പാറയില് 59 പേരുടെ മരണത്തിനിടയാക്കിയ ഉരുള്പൊട്ടല് ദുരന്തം സംഭവിച്ചത്. ഇവിടെ ദുരന്തബാധിതരുടെ പുനരധിവാസം ഏറെക്കുറെ പൂര്ത്തിയായിട്ടുമുണ്ട്. സംസ്ഥാന സര്ക്കാരിനൊപ്പം സന്നദ്ധ സംഘടനകളും കവളപ്പാറ പുനരധിവാസ പ്രവര്ത്തനങ്ങളില് പങ്കാളികളായിരുന്നു. അതിനിടെ കവളപ്പാറയില് മുസ്ലീം ലീഗ് പ്രഖ്യാപിച്ച പുനരധിവാസ പദ്ധതിയെപ്പറ്റി സമൂഹമാധ്യമങ്ങളില് വ്യാപക പ്രചാരണമുണ്ട്. മുസ്ലീം ലീഗ് കവളപ്പാറയില് പ്രഖ്യാപിച്ച വീടുകള് നല്കിയില്ലെന്നും എംഎ യൂസഫലി നല്കിയ വീടുകള് ലീഗിന്റേതായി ചിത്രീകരിച്ചെന്നുമാണ് പ്രചാരണം. "ലുലു ഗ്രൂപ്പിന്റെ M A യൂസഫലി നിര്മ്മിക്കുന്ന വീടുകളാണ് കവളപ്പാറയില് ലീഗിന്റെ വക എന്നും പറഞ്ഞ് തള്ളുന്നത്..." എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വൈറല് ചിത്രത്തിലുള്ള വീടുകള് പോത്തുകല് പഞ്ചായത്തിലെ ദുരിതബാധിതര്ക്കായി മുസ്ലീം ലീഗ് നിര്മ്മിച്ച് നല്കിയവയാണ്. പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് ചിത്രം റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് നിരവധിപ്പേര് മുസ്ലീം ലീഗ് നിര്മിച്ച വീടുകളാണെന്ന കുറിപ്പോടെ ഈ ചിത്രം പങ്കുവച്ചിട്ടുള്ളതായി കണ്ടെത്തി. തുടര്ന്ന് ഞങ്ങള് കീവേര്ഡ് സെര്ച്ച് നടത്തിയപ്പോള് കവളപ്പാറ ദുരന്തത്തിന്റെ പുനരധിവാസവുമായി ബന്ധപ്പെട്ട് ഓഗസ്റ്റ് ഏഴിന് പിവി അബ്ദുള് വഹാബ് എംപി ഔദ്യോഗിക ഫേസ്ബുക്ക് പേജില് നല്കിയ വിശദീകരണം ലഭ്യമായി. കവളപ്പാറ ദുരന്തബാധിതര്ക്കായി എംഎ യൂസഫലി നല്കിയ 33 വീടുകളുടെ ചിത്രം ഉള്പ്പെടെയാണ് എംപിയുടെ പോസ്റ്റ്. എന്നാല് യൂസഫലി നിര്മിച്ചു നല്കിയ വീടുകളുടെ ചിത്രം വൈറല് ചിത്രവുമായി സാമ്യമുള്ളതല്ല. കവളപ്പാറ ദുരിതാശ്വാസ പ്രവര്ത്തനങ്ങളുമായി ബന്ധപ്പെട്ട് നടക്കുന്നത് തെറ്റിദ്ധരിപ്പിക്കുന്ന പ്രചാരണമാണെന്ന് എംപി പോസ്റ്റില് പറയുന്നു. എംഎ യൂസഫലി കവളപ്പാറയില് നല്കിയ വീടുകളുടെ നിര്മാണത്തിന്റെ മേല്നോട്ടം താന് വഹിച്ചിരുന്നുവെന്ന് അബ്ദുള് വഹാബ് വ്യക്തമാക്കിയിട്ടുണ്ട്. എന്നാല് ഈ വീടുകളില് മുസ്ലീം ലീഗ് അവകാശവാദം ഉന്നയിച്ചുവെന്നത് തെറ്റായ വിവരമാണ്. ദുരന്തബാധിതര്ക്കായി പൂളപ്പാടത്ത് മുസ്ലീം ലീഗ് നിര്മിച്ച് നല്കുന്ന 10 വീടുകളുടെ ചിത്രവും എംപിയുടെ പോസ്റ്റില് നല്കിയിട്ടുണ്ട്. ഇത് വൈറല് ചിത്രത്തോട് സമാനമായതാണ്. അബ്ദുള് വാഹാബ് എംപിയുടെ ഫേസ്ബുക്ക് പോസ്റ്റ് ചുവടെ കാണാം. കവളപ്പാറ ദുരന്തബാധിതര്ക്കായി എംഎ യൂസഫലി നിര്മ്മിച്ച് നല്കിയ വീടുകള് സംബന്ധിച്ച് നിരവധി മാധ്യമ റിപ്പോര്ട്ടുകള് ലഭ്യമാണ്. വീടുകളുടെ കൂടുതല് ചിത്രങ്ങള് ഇവിടെ കാണാം. ഇതില് നിന്ന് തന്നെ വൈറല് പോസ്റ്റ് തെറ്റിദ്ധരിപ്പിക്കുന്നതാണെന്ന് വ്യക്തമാണ്. മുസ്ലീം ലീഗ് നിര്മ്മിച്ച് നല്കുന്ന വീടുകള് സംബന്ധിച്ച വിശദവിവരം അറിയുന്നതിനായി കവളപ്പാറ ഉള്പ്പെടുന്ന മുസ്ലീം ലീഗിന്റെ നിയോജക മണ്ഡലം പ്രസിഡന്റ് ഇഖ്ബാല് മുണ്ടേരിയെ ഞങ്ങള് ബന്ധപ്പെട്ടു. അദ്ദേഹം നല്കിയ വിവരം അനുസരിച്ച് മുസ്ലീം ലീഗ് ദുരന്ത ബാധിതര്ക്ക് നല്കുന്ന വീടിനെപ്പറ്റി സോഷ്യല് മീഡിയയില് പ്രചരിക്കുന്നതില് ഭൂരിഭാഗം വിവരങ്ങളും തെറ്റിദ്ധരിപ്പിക്കുന്നതാണ് " 2019ല് ഉണ്ടായ ഉരുള്പൊട്ടലില് പോത്തുകല് പഞ്ചായത്തിലെ നിരവധി മേഖലകളില് നാശനഷ്ടമുണ്ടായി. ഏറ്റവും അധികം ദുരിതമുണ്ടായത് 17-ാം വാര്ഡില് ഉള്പ്പെടുന്ന കവളപ്പാറയിലാണ്. 59 മരണം റിപ്പോര്ട്ട് ചെയ്തതുകൊണ്ടു തന്നെ കവളപ്പാറ ദുരന്തം എന്നാണ് ഇത് പൊതുവെ അറിയപ്പെട്ടത്. എന്നാല് കവളപ്പാറയില് നിന്ന് 3, 4 കിലോമീറ്ററുകളുടെ വ്യത്യാസത്തില് നിരവധി സ്ഥലങ്ങളില് ഉരുള്പൊട്ടലും പ്രളയവുമുണ്ടായി. പോത്തുകല് പഞ്ചായത്തിന്റെ 15-ാം വാര്ഡില്പ്പെട്ട പാതാര് ഉള്പ്പെടെ നിരവധി സ്ഥലങ്ങളില് 2019ലെ പ്രളയം നാശം വിതച്ചിരുന്നു. ഇവിടെയൊന്നും മരണം റിപ്പോര്ട്ട് ചെയ്തില്ലെങ്കിലും വീടുകള് ഭൂരിഭാഗവും വാസയോഗ്യമല്ലാതായി. ഈ മേഖലകളിലെ പുനരധിവാസത്തിനാണ് മുസ്ലീം ലീഗ് ഭൂമി വാങ്ങി നല്കിയത്." ഇഖ്ബാല് മുണ്ടേരി ഇന്ത്യാ ടുഡേയോട് പറഞ്ഞു. കവളപ്പാറയില് മുസ്ലീം ലീഗ് വീട് നല്കിയിട്ടില്ല എന്നു പറഞ്ഞാണ് ഇപ്പോള് പലരും ആശയക്കുഴപ്പം സൃഷ്ടിക്കുന്നതെന്നും ഇഖ്ബാല് പറഞ്ഞു. ഏറ്റവും അധികം ആളുകള് മരണപ്പെട്ട മേഖലയായതിനാലാണ് ഈ ദുരന്തം മൊത്തത്തില് 'കവളപ്പാറ ദുരന്തം'എന്നു പറയുന്നത്. അതുകൊണ്ട് കവളപ്പാറയ്ക്ക് ധാരാളം സഹായം ലഭിച്ചിരുന്നു. എന്നാല് ഇതേ ദുരന്തത്തില് വിറങ്ങലിച്ച മറ്റ് മേഖലകളിലെ പുനരധിവാസത്തിനാണ് മുസ്ലീം ലീഗ് ഇടപെട്ടതെന്നാണ് ഇഖ്ബാല് വ്യക്തമാക്കിയത്. പോത്തുകല്ലിലെ ദുരന്തബാധിതരെ പുനരധിവസിപ്പിക്കുന്നതിനായി മുസ്ലീം ലീഗ് പ്രഖ്യാപിച്ച 50 വീടുകള്ക്കുള്ള സ്ഥലം കണ്ടെത്തി നല്കിയിരുന്നു. ഏറ്റവും യോഗ്യരായ 50 കുടുംബങ്ങളെ കണ്ടെത്തിയെങ്കിലും 7 കുടുംബങ്ങള് മറ്റ് സഹായം ലഭിച്ചതിനാല് സ്വമേധയാ പിന്മാറി. ബാക്കിയുള്ള 43 കുടുംബങ്ങള്ക്കാണ് ഭൂമി രജിസ്ട്രേഷന് ചെയ്തു നല്കിയത്. പോത്തുകല് പഞ്ചായത്തിലെ പ്രളയബാധിതമല്ലാത്ത കോടാലിപൊയില് എന്ന സ്ഥലത്താണ് 27 കുടുംബങ്ങള്ക്ക് സ്ഥലം നല്കിയത്. പൂളപ്പാടത്ത് 10 പേര്ക്കും ബാക്കിയുള്ളവര്ക്ക് സമീപ മേഖലയിലും ഭൂമി കൈമാറി. വാഗ്ദാനം ചെയ്ത ഭൂമി നല്കി കഴിഞ്ഞാണ് 10 കുടുംബങ്ങള്ക്ക് വീട് നല്കാമെന്ന് മുസ്ലീം ലീഗ് സംസ്ഥാന കമ്മറ്റി തീരുമാനമെടുത്തത്. പൂളപ്പാടത്ത് സ്ഥലം നല്കിയ 10 കുടുംബങ്ങളെ ഇതിനായി തിരഞ്ഞെടുക്കുകയായിരുന്നു. സംസ്ഥാന കമ്മറ്റിയുടെ ഓണ് ഫണ്ടില് നിന്നുള്ള പണമായതിനാല് ഇടയ്ക്ക് വന്ന സാമ്പത്തിക പ്രതിസന്ധി നിര്മ്മാണം അല്പം വൈകിപ്പിച്ചെന്നും ഇപ്പോള് ഇവിടേയ്ക്ക് റോഡും വെള്ളവും വൈദ്യുതിയും എല്ലാം ശരിയാക്കി സെപ്റ്റംബര് ആദ്യ വാരം വീട് കൈമാറാനുള്ള തയാറെടുപ്പിലാണെന്നും ഇഖ്ബാല് മുണ്ടേരി കൂട്ടിച്ചേര്ത്തു. സോഷ്യല് മീഡിയ പ്രചാരണം വ്യാപകമായതോടെ പോത്തുകല് പഞ്ചായത്തംഗവും പഞ്ചായത്ത് മുസ്ലീം ലീഗ് ജന.സെക്രട്ടറിയുമായ സലൂബ് ജലീല് പൂളപ്പാടത്തെ നിര്മാണത്തിലിരിക്കുന്ന വീടുകളിലെത്തി തയാറാക്കിയ വീഡിയോ ഇഖ്ബാല് ഞങ്ങളുമായി പങ്കുവച്ചു. വൈറല് ചിത്രത്തിലെ അതേ വീടുകള് തന്നെയാണ് ഈ വീഡിയോയുടെ പശ്ചാത്തലത്തിലുമുള്ളത്. പൂര്ണ്ണമായ വീഡിയോ ചുവടെ കാണാം. ലഭ്യമായ വിവരങ്ങളില് നിന്ന് പ്രചരിക്കുന്ന ചിത്രം കവളപ്പാറയില് എംഎ യൂസഫലി നല്കിയ വീടുകളുടേതല്ലെന്നും ദുരന്തബാധിതര്ക്കായി പൂളപ്പാടത്ത് മുസ്ലിം ലീഗ് നിര്മിച്ച് നല്കുന്ന വീടുകളുടേതാണെന്നും വ്യക്തമായി. കവളപ്പാറയില് മുസ്ലീം ലീഗ് നിര്മ്മിച്ച വീടുകള് എന്ന രീതിയില് പ്രചരിക്കുന്നത് എംഎ യൂസഫലി നല്കിയ വീടുകളുടെ ചിത്രം. വൈറല് ചിത്രം പൂളപ്പാടത്ത് മുസ്ലീം ലീഗ് നിര്മിച്ച് നല്കുന്ന വീടുകളുടേത് തന്നെയാണ്. എന്നാല് കവളപ്പാറയില് എംഎ യൂസഫലി 33 വീടുകള് നിര്മ്മിച്ച് നല്കിയിട്ടുണ്ട്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software