About: http://data.cimple.eu/claim-review/c52176297f455d843f2d4a4d57a4c5c074d607f55eed5af41a5f9cb8     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സ്നേഹത്തോടെ വളര്ത്തുന്ന മൃഗങ്ങള്ക്ക് മനുഷ്യരുമായി നല്ല അടുപ്പമുണ്ടാകും. നായ്ക്കളും പൂച്ചയും പക്ഷികളുമൊക്കെ മനുഷ്യരുമായി അടുത്തിടപഴകുന്നത് നമുക്ക് സുപരിചിതമാണ്. എന്നാല് സിംഹം, കടുവ തുടങ്ങിയ വന്യജീവികളെ വീട്ടില് വളര്ത്തുന്നവരെക്കുറിച്ച് കേട്ടാല് നമ്മള് അത്ഭുതത്തോടെ അത് വായിക്കും, ഉറപ്പ്. അത്തരത്തിലൊരു വീഡിയോ ഇപ്പോള് സമൂഹമാധ്യമങ്ങളില് വൈറലാണ്. ഒരു മൃഗശാല സന്ദര്ശനത്തിന് എത്തുന്ന സ്ത്രീയുടെ അടുത്തേയ്ക്ക് രണ്ട് സിംഹങ്ങള് ഓടിയെത്തുന്നതും അവരോട് സ്നേഹം പ്രകടിപ്പിക്കുന്നതുമാണ് ദൃശ്യങ്ങളിലുള്ളത്. വാത്സല്യപൂര്വം അവയെ ചേര്ത്തുപിടിക്കുന്ന സ്ത്രീയുടെ ദൃശ്യങ്ങള്ക്കൊപ്പം മൃഗങ്ങളുടെ സ്നേഹം മനുഷ്യരുടേതിനേക്കാള് നിഷ്കളങ്കമെന്ന സന്ദേശമാണ് പലരും പങ്കുവയ്ക്കുന്നത്. ' സ്പെയിനില് ഒരു സ്ത്രീ വീട്ടില് വളര്ത്തിയിരുന്ന സിംഹ കുട്ടികളെ സര്ക്കാര് പിടികൂടി പാര്ക്കില് അടച്ചു. ഏഴു വര്ഷത്തിന് ശേഷം അവയെ കാണാന് പാര്ക്കിലെത്തിയ തങ്ങളുടെ പോറ്റമ്മയെ തിരിച്ചറിഞ്ഞ സിംഹ കുട്ടികള് കാണിക്കുന്ന സ്നേഹ പ്രകടനം. മനുഷ്യസ്നേഹത്തിന് വില നഷ്പ്പെടുന്ന ഈ കാലത്ത് ഈ വീഡിയോ നല്കുന്ന സന്ദേശം വളരെ വലുതാണ് ' എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക്ന്യൂസ് വാര് റൂം(AFWA) കണ്ടെത്തി. പോസ്റ്റിനൊപ്പമുള്ള വിശദീകരണത്തില് തെറ്റിദ്ധരിപ്പിക്കുന്ന വിവരവും ഉള്പ്പെട്ടിട്ടുണ്ട്. സ്പെയ്നില് വീട്ടമ്മ അനധികൃതമായി വളര്ത്തിയ സിംഹക്കുട്ടികളെ അധികൃതര് ഏറ്റെടുക്കുകയായിരുന്നില്ല. AFWA അന്വേഷണം പ്രചരിക്കുന്ന വീഡിയോയുടെ കീ ഫ്രെയ്മുകള് ഇന്വിഡ് ടൂള്കിറ്റിന്റെ സഹായത്തോടെ റിവേഴ്സ് ഇമേജില് സെര്ച്ച് ചെയ്തപ്പോള് ഇവ നിരവധി വെബ്സൈറ്റുകളില് പങ്കുവച്ചിട്ടുള്ളതായി കണ്ടെത്താനായി. ഇതില് നിന്ന് വീഡിയോ 2017ലേതാണെന്നും സ്പെയിനിലേതല്ലെന്നും മനസിലാക്കാനായി. തുടര്ന്ന് ഞങ്ങള് തിരച്ചില് നടത്തിയപ്പോള് ഈ വീഡിയോ സ്വിറ്റ്സര്ലാന്റിലേതാണെന്നുള്ള വാര്ത്താ റിപ്പോര്ട്ടുകള് കണ്ടെത്താനായി. കൂടാതെ ഇന്ത്യന് മാധ്യമങ്ങള് ഇത് ന്യൂസിലാന്റിലേതാണെന്ന് റിപ്പോര്ട്ട് ചെയ്തിട്ടുണ്ട്. മിറര് യുകെ എന്ന മാധ്യമം നല്കിയ വാര്ത്ത പ്രകാരം ഈ വീഡിയോ സ്വിറ്റ്സര്ലന്റിലെ മൃഗശാലയില് നിന്നുള്ളതാണ്. 2017 ഓഗസ്റ്റ് 25ന് നല്കിയ റിപ്പോര്ട്ടില് പറയുന്നത് 'താന് വളര്ത്തിയിരുന്ന സിംഹക്കുട്ടികള് വലുതായി തുടങ്ങിയപ്പോള് അവയെ പരിപാലിക്കാനുള്ള പ്രയാസം കൊണ്ട് ഉടമയായ സ്ത്രീ മൃഗശാലയില് ഏല്പ്പിക്കുകയായിരുന്നു' എന്നാണ്. വര്ഷങ്ങള്ക്കു ശേഷം മൃഗശാല സന്ദര്ശിച്ച പഴയ ഉടമയെ ദൂരെ നിന്നു തന്നെ മനസിലാക്കിയ സിംഹങ്ങള് ഓടിയെത്തി സ്നേഹം പ്രകടിപ്പിക്കുന്ന ദൃശ്യങ്ങള് സമൂഹമാധ്യമങ്ങളില് വൈറലായിരുന്നുവെന്ന് വാര്ത്തയില് പരാമര്ശിക്കുന്നുണ്ട്. ഞങ്ങള് ഈ വാര്ത്ത പരിശോധിച്ചപ്പോള് ഇതിലെ ചിത്രങ്ങള്ക്കു താഴെ മാല്ക്കിയ പാര്ക്ക് എന്ന യുട്യൂബ് ചാനലിന് ക്രെഡിറ്റ് നല്കിയിട്ടുണ്ടെന്ന് മനസിലാക്കാനായി. ചിത്രം താഴെ കാണാം. തുടര്ന്ന് ഞങ്ങള് മാല്ക്കിയ പാര്ക്കിന്റെ യുട്യൂബ് പേജ് തിരഞ്ഞപ്പോള് ഇതില് 2017 ഏപ്രില് 12ന് സമാന വീഡിയോ അപ്ലോഡ് ചെയ്തിട്ടുള്ളതായി കാണാന് കഴിഞ്ഞു. 'Malkia and Adelle welcomes their godmother Favourite viral video´s official version' എന്ന കുറിപ്പോടെ പോസ്റ്റ് ചെയ്തിട്ടുള്ള വീഡിയോ താഴെ കാണാം. മാല്ക്കിയ, അഡെല്ലഎന്നീ പേരുകളാണ് സിംഹങ്ങള്ക്ക് നല്കിയിട്ടുള്ളതെന്ന് മനസിലാക്കാനായി. കീവേര്ഡ് സെര്ച്ചില് തിരഞ്ഞപ്പോള് ഈ സംഭവത്തിന്റെ ദൃശ്യങ്ങളും വാര്ത്തകളും യുകെ ഡെയ്ലി മെയില് നല്കിയിട്ടുള്ളതായി കാണാന് കഴിഞ്ഞു. ഈ വാര്ത്തയില് പറയുന്നത് സ്ലോവാക്യയിലെ മാല്ക്കിയ പാര്ക്കിലാണ് സിംഹങ്ങള് ഉള്ളതെന്നാണ്. വീഡിയോയില് കാണുന്ന വനിതയുടെ പേര് മൈക്കല സിമനോവ എന്നാണ്. സര്ക്കസ് ഗ്രൂപ്പിലുള്ള സിംഹങ്ങള് ജന്മം നല്കിയ കുട്ടികളെ ഏറ്റെടുത്ത് പരിപാലിച്ചത് മൈക്കല ആയിരുന്നുവെന്നും അവര് സ്ഥിരമായി പാര്ക്കിലെത്തി സിംഹങ്ങളെ കാണാറുണ്ടെന്നും റിപ്പോര്ട്ടില് പറയുന്നുണ്ട്. സ്ലോവാക്യയില് വന്യമൃഗങ്ങളെ സ്വകാര്യവ്യക്തികള്ക്ക് സംരക്ഷിക്കുന്നതില് വിലക്കുണ്ടോയെന്ന് ഞങ്ങള് പരിശോധിച്ചു. സ്ലോവാക്യ ഒരു യൂറോപ്യന് യൂണിയന് രാജ്യമാണ്. യൂറോപ്യന് യൂണിയനില് ഉള്പ്പെട്ടിട്ടുള്ള രാജ്യങ്ങളില് ചിലതില് ലൈസന്സ് ലഭ്യമാക്കി വന്യ മൃഗങ്ങളെ വളര്ത്തുന്നതിന് തടസമില്ല. ഇത്തരത്തില് സ്വകാര്യ വ്യക്തികള്ക്കും സ്ഥാപനങ്ങള്ക്കും വന്യമൃഗങ്ങളെ ഇണക്കി വളര്ത്താന് നിയമം അനുവദിക്കുന്ന രാജ്യമാണ് സ്ലോവാക്യ എന്ന് വ്യക്തമാക്കുന്ന ആര്ട്ടിക്കിള് ലഭ്യമായി. ഇതിന്റെ പ്രസക്തഭാഗം താഴെ കാണാം. ഇതില് നിന്നു തന്നെ സമൂഹമാധ്യമങ്ങളില് പ്രചരിക്കുന്നതുപോലെ യുവതിയും സിംഹങ്ങളും തമ്മില് ഏഴുവര്ഷത്തിനുശേഷമുള്ള കൂടിക്കാഴ്ചയല്ലെന്നും അനധികൃതമായി കൈവശം വച്ച സിംഹക്കുട്ടികളെ അധികൃതര് ഏറ്റെടുക്കുകയായിരുന്നില്ലെന്നും വ്യക്തമാണ്. സ്പെയിനില് ഒരു വീട്ടമ്മ അനധികൃതമായി വളര്ത്തിയ സിംഹക്കുട്ടികളെ അധികൃതര് പിടിച്ചെടുത്ത് മൃഗശാലയില് ഏല്പ്പിച്ചു. വര്ഷങ്ങള്ക്ക് ശേഷം ആ സ്ത്രീ ഇവയെ കാണാനെത്തുന്ന രംഗം. ഇത് സ്പെയ്നില് നിന്നുള്ള വീഡിയോയല്ല, സ്ലോവാക്യയിലേതാണ്. മൈക്കല സിമനോവ എന്ന വനിതയാണ് വീഡിയോയില് കാണുന്നത്. ചില അസൗകര്യങ്ങള് കൊണ്ട് ഇവര് സംരക്ഷിച്ചിരുന്ന സിംഹങ്ങളെ സ്ലോവാക്യയിലെ മാല്ക്കിയ പാര്ക്ക് എന്ന മൃഗശാലയിലേക്ക് മാറ്റുകയായിരുന്നു. സ്ലോവാക്യയില് നിയമപരമായി ചില വന്യമൃഗങ്ങളെ വളര്ത്താന് അനുവാദമുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software