About: http://data.cimple.eu/claim-review/c6f9695710fcd29d9a8ce5c40692a3371c47f2d2591e52e89edc545f     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മലയാളത്തിന്റെ നിത്യഹരിത നായകൻ പ്രേം നസീർ മരിച്ചത് 1989 ജനുവരി 19നാണ്. മലയാളികൾ ഇന്നും സ്നേഹിക്കുന്ന പ്രേം നസീറിന്റെ ഖബറടക്കവുമായി ബന്ധപ്പെട്ട് ചില പ്രചാരണങ്ങൾ ഇപ്പോൾ സമൂഹമാധ്യമങ്ങളിൽ വൈറലാണ്. ക്ഷേത്രത്തിലേക്ക് ആനയെ സമ്മാനിച്ചതുകൊണ്ട് പ്രേം നസീറിന്റെ മൃതദേഹം മുസ്ലിം പള്ളിയിൽ അടക്കാൻ സമ്മതിച്ചില്ല എന്ന രീതിയിലുള്ള പ്രചാരണമാണ് നടക്കുന്നത്. ഈ പോസ്റ്റുകൾക്കൊപ്പം പ്രേം നസീറിന്റെ ഖബറിന്റെ ചിത്രവും നൽകിയിട്ടുണ്ട്. "🚩 കാടുപിടിച്ചു കിടക്കുന്ന ഈ ഖബർസ്ഥാനിലുറങ്ങുന്നത് മലയാള സിനിമയിൽ ജ്വലിച്ചു നിന്ന ഒരു താരമാണ് അതിനു കാരണം അദ്ദേഹം ഒരു ആനയെ ക്ഷേത്രത്തിനു സംഭാവന നൽകി എന്നതാണ്.ഒരു ആനയെ ഹിന്ദുവിന് നൽകിയ വെക്തിയുടെ മയ്യത്ത് പോലും പള്ളിയിൽ അടക്കാൻ അവർ സമ്മതിച്ചില്ല. ഇങ്ങനെ ഒള്ളവരാണ് നമ്മളോട് മതേതരത്തെ പറ്റി സംസാരിക്കുന്നത് .ഹിന്ദു ഇല്ലാതാകുന്നത്തോട്കൂടി ഈ നാട്ടിലെ മതേതരത്വം അവസാനിക്കും😁" എന്ന കുറിപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. ചിറയൻകീഴിലെ കാട്ടുമുറാക്കൽ ജുമാ മസ്ജിദിലാണ് പ്രേം നസീറിന്റെ മൃതദേഹം ഖബറടക്കിയത്. അന്വേഷണം വൈറൽ പോസ്റ്റുകൾക്കൊപ്പം പ്രചരിക്കുന്ന ചിത്രമാണ് ഞങ്ങൾ ആദ്യം പരിശോധിച്ചത്. ഈ ചിത്രം റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാന ചിത്രമടങ്ങുന്ന ഒരു വാർത്ത 2018 നവംബർ 12ന് ന്യൂസ് 18 മലയാളം പ്രസിദ്ധീകരിച്ചിരിക്കുന്നതായി കണ്ടെത്തി. തിരുവനന്തപുരം ചിറയിൻകീഴിലെ പ്രേം നസീറിന്റെ ഖബർ സ്ഥാനം കാടുപിടിച്ച് കിടക്കുന്നു എന്ന തലകെട്ടോടെയാണ് വാർത്ത പ്രസിദ്ധീകരിച്ചിരിക്കുന്നത്. നിർമ്മാതാവ് സിവി സാരഥിയാണ് ഈ ചിത്രം ഫേസ്ബുക്കിൽ പങ്കുവച്ചതെന്നും റിപ്പോർട്ടിൽ പറയുന്നു. എവിടെയാണ് ഈ ഖബർ ഉള്ളതെന്ന കാര്യം വാർത്തയിൽ വ്യക്തമാക്കുന്നില്ല. ന്യൂസ് 18 മലയാളം റിപ്പോർട്ട് ഇവിടെ വായിക്കാം. തുടർന്ന് നടത്തിയ കീവേഡ് സെർച്ചിലൂടെ പ്രേം നസീറിന്റെ 35-ാം ചരമ വാർഷികത്തോട് അനുബന്ധിച്ച് മനോരമ ഓൺലൈൻ പ്രസിദ്ധീകരിച്ച ലേഖനം ലഭ്യമായി. 'മഞ്ചലുമായി ബസിൽ നിന്നിറങ്ങിയത് മമ്മൂട്ടിയും മോഹൻലാലും: ഇന്നും ഓർമയിൽ നിൽക്കുന്നു ആ കബറടക്കം' എന്ന തലകെട്ടോടെ പ്രസിദ്ധീകരിച്ച ലേഖനം എഴുതിയത് മലയാള മനോരമ കൊല്ലം ലേഖകനായിരുന്ന ബോബി തോമസാണ്. പ്രേം നസീറിന്റെ അന്ത്യയാത്രയെ കുറിച്ചെഴുതിയ ലേഖനത്തിൽ ചിറയൻകീഴിനടുത്തുള്ള കാട്ടുമുറാക്കൽ ജുമാ മസ്ജിദിലാണ് ഖബറടക്കം നടന്നതെന്ന് വ്യക്തമാക്കുന്നുണ്ട്. ഈ ലേഖനത്തിന്റെ സ്ക്രീൻഷോട്ട് ചുവടെ കാണാം. പ്രേം നസീറിന്റെ 30-ാം ചരമ വാർഷികവുമായി ബന്ധപ്പെട്ട് 2019 ജനുവരി 16ന് ഏഷ്യാനെറ്റ് ന്യൂസ് തയ്യാറാക്കിയ റിപ്പോർട്ടിൽ അദ്ദേഹത്തിന്റെ ഖബർ കാണിക്കുന്നുണ്ട്. കാട്ടുമുറാക്കൽ പള്ളിയുടെ മുറ്റത്ത് തന്നെയാണ് പ്രേം നസീറിന് ഖബർ ഒരുക്കിയതെന്ന് വീഡിയോയിലൂടെ വ്യക്തമാണ്. വീഡിയോ ചുവടെ കാണാം. ജോവിയൽ വ്ളോഗ്സ് എന്ന യൂട്യൂബ് ചാനലിൽ 'പ്രേം നസീർ സർ ൻ്റെ മരിക്കാത്ത ഓർമ്മകളിലൂടെ | കബറിടവും-വീടും-ചിറയിൻ കീഴും' എന്ന തലകെട്ടോടെ 2021 ജനുവരി 10ന് പങ്കുവച്ച വീഡിയോയിൽ പ്രേം നസീറിന്റെ ഖബർ കാണിക്കുന്നുണ്ട്. വീഡിയോ ഇവിടെ കാണാം പ്രേം നസീർ ക്ഷേത്രത്തിലേക്ക് ആനയെ സംഭാവന ചെയ്തത് സംബന്ധിച്ച വാർത്തകളും ഞങ്ങൾ പരിശോധിച്ചു. ചിറയൻകീഴ് ശാർക്കര ദേവീക്ഷേത്രത്തിലാണ് അദ്ദേഹം ആനയെ നടയ്ക്കിരുത്തിയത്. ആനയെ വാങ്ങാൻ പിരിവിനായിട്ടാണ് ക്ഷേത്ര ഭാരവാഹികൾ നസീറിനെ സമീപിച്ചതെന്നും എന്നാൽ, അദ്ദേഹം തന്നെ ആനയെ വാങ്ങി ക്ഷേത്രത്തിൽ നടയ്ക്കിരുത്തുകയായിരുന്നുവെന്നും ന്യൂസ് 18 മലയാളം പ്രസിദ്ധീകരിച്ച റിപ്പോർട്ടിൽ പറയുന്നു. ഈ റിപ്പോർട്ട് ഇവിടെ വായിക്കാം. ലഭ്യമായ വിവരങ്ങളിൽ നിന്നും പ്രേം നസീറിന്റെ മൃതദേഹം ഖബറടക്കിയത് ചിറയൻകീഴിലെ കാട്ടുമുറാക്കൽ പള്ളിയിലാണെന്ന് വ്യക്തമായി. ക്ഷേത്രത്തിലേക്ക് ആനയെ നൽകിയതിനാൽ നടൻ പ്രേം നസീറിന്റെ മൃതദേഹം പള്ളിയിൽ ഖബറടക്കാൻ അനുവച്ചില്ല. പ്രചാരണം തെറ്റിദ്ധരിപ്പിക്കുന്നതാണ്. പ്രേം നസീറിന്റെ മൃതദേഹം ചിറയൻകീഴിലെ കാട്ടുമുറാക്കൽ ജുമാ മസ്ജിദിലാണ് ഖബറടക്കിയത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software