About: http://data.cimple.eu/claim-review/c90a6a1014e8824858bf8177e85f13c960bd9aacb22c7716ed073c91     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കേരളത്തിലെ ദേശീയപാതാ വികസനം എപ്പോഴും ചര്ച്ചകളില് ഇടംപിടിക്കാറുള്ള വിഷയമാണ്. എന്എച്ച് നിര്മാണത്തില് സംസ്ഥാന സര്ക്കാരിന് യാതൊരു പങ്കുമില്ലെന്ന രീതിയില് സമൂഹമാധ്യമങ്ങളിലും സജീവമായ പ്രചാരണമുണ്ട്. ഇക്കഴിഞ്ഞ ദിവസം ദേശീയപാതാ സ്ഥലമേറ്റെടുപ്പുമായി ബന്ധപ്പെട്ട് കേന്ദ്ര സര്ക്കാര് 454.01 കോടി രൂപ അനുവദിച്ചുവെന്ന് വിശദമാക്കി പൊതുമരാമത്ത് മന്ത്രി പി.എ മുഹമ്മദ് റിയാസ് പങ്കുവച്ച പോസ്റ്റാണ് ഇപ്പോഴത്തെ പ്രചാരണങ്ങള്ക്ക് ആധാരം. സംസ്ഥാന സര്ക്കാരിന് യാതൊരു ബന്ധവുമില്ലാത്ത പദ്ധതിയില് മന്ത്രി റിയാസിന്റെ ചിത്രം പതിച്ചതിനെ വിമര്ശിച്ചാണ് പോസ്റ്റുകള് പ്രചരിക്കുന്നത്. ' മുഹമ്മദ് റിയാസ് നിങ്ങള്ക്ക് ഇത്രയും അല്പത്തരം കാണിക്കാന് എങ്ങനെ കഴിയുന്നു. ഇതില് എന്താണ് താങ്കള്ക്കും കേരളസര്ക്കാരിനും അവകാശപ്പെടാനുള്ളത്? ഇതിന് ഒരു നയാ പൈസയെങ്കിലും നിങ്ങളുടെ സര്ക്കാര് ചെലവഴിക്കുന്നുണ്ടോ. എല്ലാ സംസ്ഥാനങ്ങളും ഭൂമി ഏറ്റെടുക്കാന് ഇരുപത്തഞ്ചും മുപ്പതും ശതമാനം ചെലവ് വഹിക്കുമ്പോള് ഒന്നും കൊടുക്കാന് കഴിയില്ലെന്ന നിലപാടാണ് കേരളസര്ക്കാരിന്.' എന്നുള്ള കുറിപ്പിനൊപ്പം പങ്കുവച്ചിട്ടുള്ള പോസ്റ്റിന്റ പൂര്ണ്ണരൂപം താഴെ കാണാം. എന്നാല് പ്രചാരത്തിലുള്ള പോസ്റ്റിലെ വിവരം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. സംസ്ഥാന സര്ക്കാര് വിഹിതം നല്കുന്ന പദ്ധതിയാണ് മലാപറമ്പ്-പുതുപ്പാടി ദേശീയ പാതാ നവീകരണം. AFWA അന്വേഷണം മലാപറമ്പ്-പുതുപ്പാടി റോഡ് വികസനത്തിന് തുക അനുവദിച്ച വിവരം അറിയിക്കുന്ന പോസ്റ്റില് മന്ത്രി മുഹമ്മദ് റിയാസിന്റെ ചിത്രം ഉള്പ്പെടുത്തിയതിനെയാണ് സമൂഹമാധ്യമങ്ങളില് വിമര്ശിക്കുന്നത്. സംസ്ഥാന സര്ക്കാരിന് ഈ പദ്ധതിയില് യാതൊരു പങ്കാളിത്തവും ഇല്ലെന്ന രീതിയിലാണ് ആരോപണം. മാത്രവുമല്ല, മന്ത്രിയുടെ ചിത്രം മാറ്റി സ്വന്തം ചിത്രം ഉള്പ്പെടുത്തി നിരവധിപ്പേരാണ് പരിഹാസരൂപേണ പോസ്റ്റ് ഷെയര് ചെയ്യുന്നത്. നാഷണല് ഹൈവേ 766ന്റെ ഭാഗമാണ് മലാപറമ്പ്-പുതുപ്പാടി റോഡ്. കോഴിക്കോട് മുതല് കര്ണ്ണാടകയിലെ കൊല്ലേഗല് വരെയുള്ള 272 കിലോമീറ്റര് ദൂരത്തില് 117 കിലോമീറ്ററും കേരളത്തിലൂടെയാണ് പാത കടന്നു പോകുന്നത്. പാതയുടെ വിവിധ ഭാഗങ്ങളിലായി വികസനം പുരോഗമിച്ചുകൊണ്ടിരിക്കുകയാണ്. 2020ല് കല്പ്പെറ്റ മുതല് മുത്തങ്ങ വരെയുള്ള 41.60 കിലോമീറ്ററിന് തുക അനുവദിച്ചിരുന്നു. ഇക്കാര്യം കേന്ദ്ര ഗതാഗത മന്ത്രാലയത്തിന്റെ വെബ്സൈറ്റില് വ്യക്തമാക്കിയിട്ടുണ്ട്. ഇപ്പോള് 35 കിലോമീറ്റര് ദൂരം നവീകരിക്കുന്നതിനാണ് 454.01 കോടി രൂപ അനുവദിച്ചിട്ടുള്ളത്. ഇക്കാര്യം വ്യക്തമാക്കുന്ന മന്ത്രി മുഹമ്മദ് റിയാസിന്റെ ഫേസ്ബുക്ക് പോസ്റ്റാണ് ഞങ്ങള് ആദ്യം പരിശോധിച്ചത്. ദേശീയപാതാ വികസനത്തിനായി തുക അനുവദിച്ചതായി പൊതുമരാമത്ത് വകുപ്പിനെ, കേന്ദ്ര ഉപരിതലഗതാഗത മന്ത്രാലയം അറിയിച്ചതായി മന്ത്രി പോസ്റ്റില് വ്യക്തമാക്കുന്നുണ്ട്. അതായത് കേന്ദ്ര സര്ക്കാര് അനുവദിച്ച തുകയാണിതെന്ന് മന്ത്രി വ്യക്തമാക്കുന്നുണ്ട്. മുഹമ്മദ് റിയാസിന്റെ പോസ്റ്റ് ഇവിടെ കാണാം. ഇതേപ്പറ്റി വിശദീകരിച്ചുകൊണ്ട് മന്ത്രി നടത്തിയ വാര്ത്താ സമ്മേളനവും അദ്ദേഹത്തിന്റെ ഔദ്യോഗിക ഫേസ്ബുക്ക് പേജില് ലഭ്യമാണ്. പൊതുമരാമത്ത് വകുപ്പിന് കീഴിലുള്ള ദേശീയപാതയെക്കുറിച്ചാണ് അദ്ദേഹം പറയുന്നത്. ഇത് താഴെ കാണാം. പിന്നീട് ഞങ്ങള് അന്വേഷിച്ചത് ഈ പദ്ധതിയില് സംസ്ഥാന സര്ക്കാരിന് പങ്കാളിത്തമില്ലേ എന്ന വിവരമാണ്. ഇതേപ്പറ്റി തിരഞ്ഞപ്പോള് ഇക്കഴിഞ്ഞ മാര്ച്ച് 23ന് ഹൈബി ഈഡന് എംപിക്ക്, കേന്ദ്ര ഉപരിതല ഗതാഗത വകുപ്പ് മന്ത്രി നിതിന് ഗഡ്കരി നല്കിയ ഒരു മറുപടി ലഭ്യമായി. ഇതില് സംസ്ഥാന സര്ക്കാര് ദേശീയപാതാ വികസനത്തിന് ചെലവാക്കിയ തുകയും ഏതെല്ലാം പദ്ധതികളില് നിന്നാണ് സംസ്ഥാനം വിട്ടു നില്ക്കുന്നത് എന്ന വിവരവും ഉള്പ്പെടുത്തിയിട്ടുണ്ട്. കേന്ദ്രമന്ത്രിയുടെ മറുപടി പ്രകാരം 1027 കിലോമീറ്റര് ദൈര്ഘ്യമുള്ള 16 ദേശീയ പാതാ പദ്ധതികള്ക്കായി കേരള സര്ക്കാര് 5519 കോടി രൂപ ഇതുവരെ നാഷണല് ഹൈവേ അതോറിറ്റിക്ക് കൈമാറിയിട്ടുണ്ടെന്ന് വ്യക്തമാണ്. കൂടാതെ ഇക്കഴിഞ്ഞ ദിവസം കേരള സര്ക്കാരിന്റെ അഭ്യര്ഥന പരിഗണിച്ച് ചില പദ്ധതികളില് പണം നല്കുന്നതില് നിന്ന് ഇളവ് നല്കിയിട്ടുണ്ട്. ഭാരത് മാല പദ്ധതിയുടെ കീഴില് തുടങ്ങാനിരിക്കുന്ന നാലു റോഡുവികസനത്തിനാണ് സംസ്ഥാന വിഹിതം വെട്ടിക്കുറച്ച് കൊണ്ട് കേന്ദ്രം ഇളവ് അനുവദിച്ചിട്ടുള്ളത്. NH-544 ന്റെ വാളയാര്-വടക്കാഞ്ചേരി ഭാഗത്തിന്റെ 16 വരി പാത, NH-544 ന്റെ തൃശൂര് - ഇടപ്പള്ളി സെക്ഷന്റെ 26 വരി പാത (എറണാകുളം ബൈപാസ് ഉള്പ്പെടെ),NH-744-ന്റെ ചെങ്കോട്ട-കൊല്ലം സെക്ഷന്റെ പാത, ഗ്രീന്ഫീല്ഡ് ഹൈവേ (കുട്ട മുതല് കോഴിക്കോട് വരെ) എന്നിവയുടെ സംസ്ഥാന വിഹിതമാണ് ഇളവ് അനുവദിച്ചിട്ടുള്ളത്. മറ്റെല്ലാ പദ്ധതികളിലും സംസ്ഥാന വിഹിതമായ 25% തുക കേരളം നല്കുന്നുണ്ടെന്നാണ് ഇതില് വ്യക്തമാക്കുന്നത്. കേന്ദ്രമന്ത്രി നിതിന് ഗഡ്കരിയുടെ മറുപടിയില് നിന്നുള്ള പ്രസക്തഭാഗം താഴെ കാണാം. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകളില് പറയുന്നതുപോലെ സംസ്ഥാന സര്ക്കാര് വിഹിതമില്ലാത്ത പദ്ധതിയാണ് മലാപറമ്പ്- പുതുപ്പാടി ദേശീയപാതാ നവീകരണം എന്നത് തെറ്റിദ്ധരിപ്പിക്കുന്ന വിവരമാണെന്ന് വ്യക്തം. മലാപറമ്പ്-പുതുപ്പാടി റോഡ് നവീകരണം സംസ്ഥാന സര്ക്കാരിന് യാതൊരു പങ്കാളിത്തവുമില്ലാത്ത പദ്ധതി. ദേശീയ പാത നവീകരണത്തിനുള്ള സ്ഥലമേറ്റെടുപ്പിന് 25% തുക വഹിക്കേണ്ടത് അതത് സംസ്ഥാന സര്ക്കാരുകളാണ്. പുതുതായി തുടങ്ങാനിരിക്കുന്ന ഭാരത് മാല പദ്ധതിയുടെ ഭാഗമായ നാല് പ്രവര്ത്തനങ്ങളുടെ ഭൂമിയേറ്റെടുപ്പിലാണ് കേന്ദ്രം കേരളത്തിന് ഇളവ് അനുവദിച്ചിട്ടുളളത്. ഇക്കാര്യം കേന്ദ്രമന്ത്രി നിധിന് ഗഡ്കരി ലോക്സഭയില് അറിയിച്ചിട്ടുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software