schema:text
| - Lajmi i rrejshëm për heqjen e vizave të punës për Gjermani
Deklarata
Nëse Doni Të Punoni Nga Tani Në Gjermani Nuk Ju duhet Viza, Vetëm Ky Kusht
Vlerësimi
Me kos
Titulli i lajmit është i rremë. Artikulli i referohet një ligji dhe politikës së vitit 2019, por që është paraqitur rrejshëm si lajm i ri. Titulli dhe artikulli si i tillë i vë qytetarët në lajthitje para një informacioni të rrejshëm dhe i bëjnë ata të besojnë që bëhet fjalë për heqje të vizave të punës për Gjermani.
Artikulli
Një media online, e quajtur “ingazetaa.com” ka publikuar një lajm me titullin “Nëse Doni Të Punoni Nga Tani Në Gjermani Nuk Ju duhet Viza, Vetëm Ky Kusht”.
Titulli lë të kuptohet se më nuk duhet të pajisjen me vizë qytetarët që dëshirojnë të punojnë në Gjermani.
Ndërsa, në artikull flitet për një ligj që është miratuar për të lehtësuar marrjen e vizave të punës në Gjermani. Titulli dhe përmbajtja e këtij lajmi janë të rreme.
Artikulli është publikuar më 29 qershor 2022, por në fakt në artikull thuhet ky ligj dhe këto rregulla të reja janë të aplikueshme që nga data 1 dhjetor 2020. Ky është një lajm i fundit të vitit 2019, por në fakt është publikuar duke e prezantuar si lajm i ri.
Në lajm flitet për ligjin e miratuar në vitin 2019 për të lehtësuar mundësitë e emigrimit për punëtorët e vendeve joanëtare të Bashkimit Evropian në Gjermani. Lajmi i vitit 2019 shpjegonte mundësitë që ka ofruar Gjermania për specialistët dhe studentët nën 26-vjeçarë që të shkojnë të kërkojnë një vend pune në Gjermani pa u pajisur fillimisht me vizë pune.
Megjithatë, kosovarët vazhdojnë të kenë nevojë ende të pajisen edhe me viza turistike për të vizituar Gjermaninë. Ndërsa, për shkak të kërkesave të mëdha, Ambasada e Gjermanisë në Kosovë e ka ndryshuar mënyrën e caktimit të një termini për vizë. Që nga muaji janar i vitit 2022, qytetarët duhet të paraqiten për një termin për vizë, ndërsa caktimi i terminit bëhet me short.
Në ueb-faqen e Ambasadës Gjermane në Kosovë janë detajet rreth procedurave dhe kushteve që duhet të plotësohen për të marrë një vizë pune për Gjermani.
|