About: http://data.cimple.eu/claim-review/cb6c64efffa3005c41caa5dbce64449c9d21920010a65e6abe076d13     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തെറ്റായ വിവരങ്ങൾ വിശ്വസനീയമായി തോന്നിക്കുന്ന രീതിയിൽ അവതരിപ്പിച്ച് ആളുകളെ കബളിപ്പിക്കുന്ന രീതി സമൂഹമാധ്യമങ്ങളിൽ കാണാറുണ്ട്. ഒറ്റനോട്ടത്തിൽ സത്യമാണെന്ന് തോന്നുകയും എന്നാൽ യഥാർത്ഥത്തിൽ അടിസ്ഥാനരഹിതവുമായ ആരോപണങ്ങൾ ഇത്തരത്തിൽ പരക്കാറുണ്ട്. അങ്ങനെയൊരു ആരോപണം സമൂഹമാധ്യമങ്ങളിൽ ഇപ്പോൾ വ്യാപകമാണ്. രണ്ടാം ലോകമഹായുദ്ധകാലത്ത് തങ്ങളുടെമേൽ അണുബോംബ് ഉപയോഗിച്ചതിനാൽ അമേരിക്കൻ നിർമ്മിത വസ്തുക്കൾ ജപ്പാനിൽ ഉപയോഗിക്കാറില്ല എന്നാണ് വാദം. "1945 ൽ ആറ്റം ബോംബ് വർഷിച്ച് അമേരിക്ക ജപ്പാനെ ആക്രമിച്ചു... ഇന്ന് 77 വർഷത്തിനുശേഷം ജപ്പാനിൽ ഒരു മൊട്ടുസൂചി വിൽക്കാൻ പോലും സായിപ്പിന് കഴിയില്ല. ഇത് വാണിജ്യ നയം മൂലമല്ല, കാരണം ജപ്പാനീസ് പൗരന്മാർ അമേരിക്കയിൽ നിർമ്മിച്ച ഒന്നും വാങ്ങി ഉപയോഗിക്കുന്നില്ല ഇതിനെ യഥാർത്ഥ ദേശസ്നേഹം, ഐക്യം എന്ന് വിളിക്കാം... നമ്മുടെ പണം കൊണ്ട് തന്നെ നമ്മുടെ രാജ്യത്തെ അടിക്കാൻ ഓങ്ങുന്ന ചൈനയുടെ ഉത്പന്നങ്ങൾ ബഹിഷ്കരിക്കാൻ ഭാരതാംബയുടെ മക്കളായ നമുക്കും കഴിയും, കഴിയണം.. ചൈനയുമായുളള സകല വാണിജ്യ കരാറുകളും റദ്ദാക്കുക, ചൈനീസ് ഉല്പന്നങ്ങളുടെ ഇറക്കുമതി പൂർണമായും നിർത്തലാക്കുക..,"എന്ന കുറിപ്പിനൊപ്പമാണ് പോസ്റ്റ് പലരും ഫേസ്ബുക്കിൽ പങ്കുവയ്ക്കുന്നത്. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. അമേരിക്കൻ നിർമ്മിത വസ്തുക്കൾക്ക് ജപ്പാനിൽ ഉപരോധമില്ല. AFWA അന്വേഷണം ഗൂഗിളിൽ കീവേഡുകൾ ഉപയോഗിച്ച് നടത്തിയ അന്വേഷണത്തിൽ 2019, 2020 വർഷങ്ങളിൽ ഈ ആരോപണം തെറ്റാണെന്ന് പറഞ്ഞുകൊണ്ടുള്ള റിപ്പോർട്ടുകൾ വിവിധ വെബ്സൈറ്റുകൾ നൽകിയിട്ടുള്ളത് കണ്ടെത്താനായി. ഇതിൽനിന്ന് സാധാരണഗതിയിൽ കാണാറുള്ളതുപോലെ ഇടയ്ക്കിടെ വൈറൽ ആകുന്ന മറ്റൊരു തെറ്റായ വാർത്തയാണ് ഇതുമെന്ന് ഉറപ്പിക്കാനായി. തുടർന്ന് ഗൂഗിളിൽ നടത്തിയ തിരച്ചിലിൽ അമേരിക്കയുടെ ആകെ കയറ്റുമതിയുടെ 4.5 ശതമാനവും ജപ്പാനിലേക്കാണെന്ന് കണ്ടെത്താൻ സാധിച്ചു. അമേരിക്ക ഏറ്റവും കൂടുതൽ കയറ്റുമതി നടത്തുന്ന നാലാമത്തെ രാജ്യവും ജപ്പാനാണ് എന്നാണു ഗൂഗിളിൽ കണ്ടത്. കൂടുതൽ ആധികാരികമായ വിവരങ്ങൾക്കായി 'ഓഫീസ് ഓഫ് ദി യുണൈറ്റഡ് സ്റ്റേറ്റ്സ് ട്രേഡ് റെപ്രെസെന്റേറ്റീവ്' എന്ന വെബ്സൈറ്റ് ഞങ്ങൾ സന്ദർശിച്ചു. ഇവിടെ രാജ്യങ്ങളുടെ അടിസ്ഥാനത്തിൽ അമേരിക്ക നടത്തുന്ന കച്ചവട ഉടമ്പടികളുടെ വിവരങ്ങൾ ലഭ്യമാണ്. 'ജപ്പാൻ, കൊറിയ ആൻഡ് APEC' എന്ന് മേഖലയിലെ വിവരങ്ങൾക്ക് കീഴിലാണ് ജപ്പാനും അമേരിക്കയും തമ്മിലുള്ള കച്ചവടത്തിന്റെ വിവരങ്ങൾ നൽകിയിരുന്നത്. ഈ ഭാഗത്തെ ആദ്യ വിവരം തന്നെ നവംബർ 17, 2021ന് അമേരിക്കയും ജപ്പാനും തമ്മിൽ 'ദ് യുഎസ് ജപ്പാൻ പാർട്ട്ണർഷിപ്പ് ഓൺ ട്രേഡ്' എന്ന കരാർ ഒപ്പുവെച്ചതുമായി ബന്ധപ്പെട്ടതാണ്. അതേദിവസംതന്നെ യുണൈറ്റഡ് സ്റ്റേറ്റ്സ് ജപ്പാനും യൂറോപ്യൻ യൂണിയനും തമ്മിലുള്ള ഉടമ്പടി പുതുക്കിയതായും പറയുന്നുണ്ട്. ഇരു രാജ്യങ്ങൾക്കും ഇടയിലുള്ള കച്ചവടത്തെ കുറിച്ചുള്ള മറ്റു വിവരങ്ങളും ഇവിടെനിന്ന് ലഭ്യമായി. 2020ൽ 252.2 ബില്യൺ യുഎസ് ഡോളറിന്റെ വ്യാപാരം രാജ്യങ്ങൾക്കിടയിൽ ഉണ്ടായിരുന്നതായി ഇവിടെ പറയുന്നുണ്ട്. അമേരിക്കയുടെ നിലവിലെ നാലാമത്തെ ഏറ്റവും വലിയ വ്യാപാര പങ്കാളിയാണ് ജപ്പാൻ. 64.1 ബില്യൺ ഡോളർ വിലമതിപ്പുള്ള ചരക്കുകളാണ് 2020ൽ അമേരിക്ക ജപ്പാനിലേക്ക് കയറ്റി അയച്ചത്. ഈ വിഭാഗത്തിലെ കൂടുതൽ വിവരങ്ങൾ താഴെ വായിക്കാം. ഇതിൽനിന്ന് അമേരിക്കൻ വ്യാപാരങ്ങൾക്കും വസ്തുക്കൾക്കും ജപ്പാനിൽ വിലക്ക് ഉണ്ടെന്നും, ജാപ്പനീസ് പൗരന്മാർ അവ ഉപയോഗിക്കാറില്ല എന്നുമുള്ള വാദം അടിസ്ഥാനരഹിതമാണെന്ന് ഉറപ്പിക്കാനായി. രണ്ടാം ലോകമഹായുദ്ധത്തിലെ അണുബോംബ് സ്ഫോടനത്തിന്റെ ഫലമായി ജപ്പാനിൽ ഇന്നും അമേരിക്കൻ വസ്തുക്കളോടുള്ള വിലക്ക് തുടരുന്നു. അമേരിക്ക നിലവിൽ ചരക്കുകൾ കയറ്റി അയക്കുന്ന രാജ്യമാണ് ജപ്പാൻ. അമേരിക്കൻ വസ്തുക്കൾക്ക് ജപ്പാനിൽ മാർക്കറ്റ് ഇല്ല എന്ന വാദം തെറ്റാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software