| schema:text
| - Fact Check: ભાજપના ધારાસભ્યની કારમાંથી 20 હજાર કરોડની રકમ ઝડપાવવાના નામે વાયરલ થઈ ફેક પોસ્ટ
- By: Jyoti Kumari
- Published: Jul 31, 2023 at 12:58 PM
નવી દિલ્હી (વિશ્વાસ ન્યૂઝ): સોશિયલ મીડિયા પર બે તસવીરોના એક કોલાજને વાયરલ કરવામાં આવી રહ્યો છે. તેમાં પહેલી તસવીરમાં સફેદ રંગની કારની પાછળ કેટલાક પોલીસકર્મીઓને ઉભેલા જોઈ શકાય છે. જ્યારે બીજી તસવીરમાં નોટોથી ભરેલા કાર્ટુનોને જોઈ શકાય છે. હવે આ કોલાજને શેર કરી દાવો કરવામાં આવી રહ્યો છે કે ભાજપના ધારાસભ્ય સુધીર ગાડગીલની કારમાંથી 20,000 કરોડ રૂપિયાની નવી કરન્સી ઝડપાઈ છે.
વિશ્વાસ ન્યૂઝની તપાસમાં વાયરલ પોસ્ટને લઈને કરવામાં આવી રહેલો દાવો ખોટો નીકળ્યો. વાયરલ બંને તસવીરો બે અલગ-અલગ ઘટનાઓની છે. આ કોલાજ વર્ષ 2018, 2019, 2021માં પણ આ જ દાવાની સાથે વાયરલ કરવામાં આવી ચુક્યો છે. કોલાજને નકલી દાવાની સાથે શેર કરવામાં આવી રહ્યો છે.
શું થઈ રહ્યું છે વાયરલ?
વિશ્વાસ ન્યૂઝના WhatsApp ટિપલાઇન નંબર +91 9599299372 પર એક યુઝરે આ વાયરલ સ્ક્રીનશૉટને મોકલીને તેનું સત્ય જણાવવાની વિનંતી કરી છે.
સોશિયલ મીડિયા યુઝર ‘Rakesh Singh Kushwah’એ વાયરલ કોલાજ (આર્કાઇવ લિંક)ને શેર કરતા લખ્યું છે, “આ છે ભાજપના ભ્રષ્ટ ધારાસભ્ય, મોદીજી તેમની સામે કાર્યવાહી કરીને જુઓ તમે પણ મુશ્કેલીમાં મુકાઈ જશો, કારણ કે તેઓ RSSના હીરો છે.”
વાયરલ કોલાજની ઉપર લખવામાં આવ્યું છેઃ મોદીજીને અભિનંદન, ભાજપના ધારાસભ્ય સુધીર ગાડગીલની કારમાંથી 20 હજાર કરોડની નવી કરન્સી ઝડપાઈ છે. આ સમાચારને આગની જેમ ફેલાવી દો કારણ કે આપણા ભારતની મીડિયામાં આ દેખાડવાની તાકાત નથી.
આ સ્ક્રીનશૉટને ફેસબુક પર અન્ય કેટલાક યુઝર્સે પણ સમાન દાવાની સાથે શેર કર્યો છે.
તપાસ
વિશ્વાસ ન્યૂઝે તપાસની શરૂઆત કરતા બંને તસવીરો વિશે માહિતી મેળવવા માટે અલગ-અલગ કરીને સર્ચ કર્યું. અમે સૌથી પહેલા કોલાજની પ્રથમ તસવીર, જેમાં કેટલાક પોલીસકર્મીઓ કારની સાથે જોવા મળી રહ્યા છે, તેને ગૂગલ રિવર્સ ઇમેજમાં સર્ચ કરી. અમને આ તસવીર વર્ષ 2016માં પ્રકાશિત થયેલા એક સમાચારમાં મળી. ABP Majha પર 15 નવેમ્બર, 2016ના રોજ મરાઠી ભાષામાં પ્રકાશિત થયેલા એક સમાચારમાં વાયરલ તસવીરનો ઉપયોગ કરવામાં આવ્યો છે. અમે મરાઠી સમાચારને ગુજરાતીમાં ટ્રાન્સલેટ કર્યા. આપેલી માહિતી અનુસાર, “ઉસ્માનાબાદના તુલજાપુરથી 6 કરોડ રૂપિયા રોકડા ઝડપાવા મામલે એક નવો ખુલાસો થયો છે. ભાજપના ધારાસભ્ય સુધીર ગાડગીલે સ્પષ્ટતા કરી છે કે આ પૈસા મારા ભાઈ ગણેશ ગાડગીલના નથી, પરંતુ બેંકના છે. ગણેશ ગાડગીલ સાંગલી અર્બન બેંકના ચેરમેન છે. આ રકમ સાંગલી અર્બન બેંકના નામે લઈ જવામાં આવી રહી હતી. ચૂંટણી અધિકારીએ જિલ્લા મેજિસ્ટ્રેટને પત્ર લખીને જણાવ્યું છે કે 6 કરોડની રકમ લઈ જતી વખતે વાહનની સાથે કોઈ જવાબદાર બેંક અધિકારી કે સિક્યોરિટી ગાર્ડ ન હતા, જેથી સમગ્ર રકમ જિલ્લા તિજોરીમાં જમા કરાવી દેવામાં આવી છે.”
બીજી તસવીર
હવે અમે કોલાજમાં રહેલી બીજી તસવીર જેમાં નોટોથી ભરેલા બોક્સોને જોઈ શકાય છે, તેને ગૂગલ રિવર્સ ઈમેજમાં સર્ચ કરી. અમને ધ ટાઇમ્સ ઓફ ઈન્ડિયાની વેબસાઈટ પર 17 નવેમ્બર, 2017ના રોજ પ્રકાશિત એક સમાચારમાં વાયરલ તસવીર સાથે જોડાયેલી માહિતી મળી. સમાચાર અનુસાર, “નવેમ્બર 2017માં આવકવેરા વિભાગે નેશનલ સ્ટોક એક્સચેન્જના બ્રોકર સંજય ગુપ્તાના દિલ્હી ખાતે આવેલા નિવાસ સ્થાને દરોડા પાડ્યા હતા. આ દરમિયાન આવકવેરા વિભાગે 11 કરોડ રોકડ રિકવર કરી હતી. વાયરલ તસવીર તે દરમિયાન લેવામાં આવી હતી.”
આ કોલાજને સમયાંતરે સોશિયલ મીડિયા પર વાયરલ કરવામાં આવી ચુક્યો છે. જેની તપાસ કરી વિશ્વાસ ન્યૂઝે સત્ય સામે રાખ્યું હતું. તમે અમારી અગાઉની તપાસને અહીં વાંચી શકો છો.
તે સમયે અમે આ તસવીરોને લઈને સુધીર ગાડગીલ સાથે સંપર્ક કર્યો હતો. તેમણે જણાવ્યું હતું કે આ તસવીર વર્ષ 2016ની છે. તેમના એક ભાઈ સાંગલીમાં સહકારી બેંકના ચેરમેન છે અને તેમની બેંકના આ પૈસા હતા, જેને નોટબંધી સમયે લોકોએ જમા કરાવ્યા હતા. તે લગભગ 6 કરોડ રૂપિયા હતા. આ ઘટના સાથે તેમનો કોઈ સંબંધ નથી.
તપાસના અંતે અમે કોલાજને ખોટા દાવાની સાથે શેર કરનાર યુઝરની તપાસ કરી. તપાસમાં જાણવા મળ્યું કે યુઝર ‘રાકેશ સિંહ કુશવાહા’ ઈન્દોરના રહેવાસી છે. યુઝરના ફેસબુક પર 959 ફ્રેન્ડસ છે.
નિષ્કર્ષ: વાયરલ તસવીરોને બીજેપી ધારાસભ્ય સુધીર ગાડગીલ સાથે કોઈ લેવાદેવા નથી. અલગ-અલગ વર્ષોમાં અલગ-અલગ જગ્યાએ લીધેલા ફોટોગ્રાફ્સ હવે નકલી દાવાઓ સાથે શેર કરવામાં આવી રહ્યા છે.
- Claim Review : ભાજપના ધારાસભ્ય સુધીર ગાડગીલની કારમાંથી 20 હજાર કરોડ રૂપિયાની નવી કરન્સી જપ્ત કરવામાં આવી છે.
- Claimed By : Rakesh Singh Kushwah
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)