About: http://data.cimple.eu/claim-review/cdc4d9ef688ae4d70e122640dbfebd4459a9f915c0fed966f7776f51     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ശുചിമുറിയിൽ വച്ച് ഒരു വിദ്യാർത്ഥിയെ മറ്റൊരു വിദ്യാർത്ഥി മർദ്ദിക്കുന്ന വീഡിയോ ഇപ്പോൾ സമൂഹമാധ്യമങ്ങളിൽ വൈറലാണ്. നബിദിന റാലിയിൽ സഹകരിക്കാത്തതിന് മുസ്ലിം വിദ്യാർത്ഥി ഹിന്ദു സഹപാഠിയെ മർദ്ദിക്കുന്നു എന്ന രീതിയിലാണ് ഈ വീഡിയോ പ്രചരിക്കുന്നത്. ഒരേ നിറത്തിലുള്ള സ്കൂൾ യൂണിഫോം ധരിച്ച കുട്ടികളെയാണ് വീഡിയോയിൽ കാണുന്നത്. "നബി ദിന യാത്രയിൽ സഹകരിക്കില്ല എന്ന് പറഞ്ഞതിനെ തുടർന്ന് ഹിന്ദുവായ സഹപാടിയെ ക്രൂരമായി മർദിക്കുന്നു. ഈ തെമ്മാടികളെ പിടിക്കുംവരെ* *ഷെയർ ചെയുക. ഇവനൊന്നും കൂടുതൽ വളരാതിരിക്കുവാൻ സമൂഹ നന്മയെ കരുതി പ്രതികരിക്കുക.... മുസ്ലിം തീവ്രവാദി കളെ സപ്പോർട് ചെയ്യുന്ന ഇടതു വലതു മുന്നണികളെ ബഹിഷ്കരിക്കുക... കൊഴഞ്ചേരിയിൽ നടന്ന സംഭവം" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള വീഡിയോയിലെ സംഭവത്തിന് വർഗീയമായ വശങ്ങളില്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. സുഹൃത്തിനോട് സംസാരിച്ചതുമായി ബന്ധപ്പെട്ട തർക്കമാണ് മർദ്ദനത്തിന് കാരണം. അന്വേഷണം വൈറൽ പോസ്റ്റുകളിൽ നിന്നും ലഭ്യമായ സൂചനകളുടെ അടിസ്ഥാനത്തിൽ കോഴഞ്ചേരിയിൽ വിദ്യാർത്ഥിക്ക് മർദ്ദനമേറ്റതുമായി ബന്ധപ്പെട്ട കീവേഡുകൾ ഉപയോഗിച്ച് തിരഞ്ഞപ്പോൾ ഇത് സംബന്ധിച്ച് കേരള വിഷൻ നൽകിയ വീഡിയോ റിപ്പോർട്ട് ലഭ്യമായി. 'സഹപാഠിയെ ക്രൂരമായി തല്ലി ദൃശ്യങ്ങള് പ്രചരിപ്പിച്ചു' എന്ന തലകെട്ടോടെ 2024 സെപ്റ്റംബർ 11ന് പങ്കുവച്ച വീഡിയോയിൽ കോഴഞ്ചേരി സെന്റ് തോമസ് ഹയർസെക്കന്ററി സ്കൂളിലെ പ്ലസ് വൺ വിദ്യാർത്ഥിയെയാണ് സഹപാഠി മർദ്ദിച്ചത് എന്ന് വ്യക്തമാക്കുന്നുണ്ട്. മർദ്ദനമേറ്റ വിദ്യാർത്ഥി ആശുപത്രിയിൽ ചികിത്സ തേടിയെന്നും പരാതിയുമായി രക്ഷിതാക്കൾ പൊലീസിനെ സമീപിച്ചെന്നും റിപ്പോർട്ടിൽ പറയുന്നു. ഈ റിപ്പോർട്ട് ചുവടെ കാണാം. തുടർന്ന് നടത്തിയ അന്വേഷണത്തിൽ 'പത്തനംതിട്ടയില് പ്ലസ് വണ് വിദ്യാര്ഥിയെ തല്ലിച്ചതച്ച് ദൃശ്യങ്ങൾ പ്രചരിപ്പിച്ചു' എന്ന തലകെട്ടോടെ മനോരമ ന്യൂസ് ഓൺലൈൻ പ്രസിദ്ധീകരിച്ച വാർത്ത ലഭ്യമായി. 2024 സെപ്റ്റംബർ 5നാണ് സംഭവം നടന്നതെന്നും ഒരു പെൺകുട്ടിയുമായുള്ള സൗഹൃദത്തിന്റെ പേരിലായിരുന്നു മർദ്ദനമെന്നും ഈ റിപ്പോർട്ടിൽ വ്യക്തമാക്കുന്നുണ്ട്. മർദ്ദനമേറ്റ വിദ്യാർത്ഥിക്ക് മുഖത്ത് സാരമായ പരിക്കുണ്ടെന്നും സംഭവത്തിൽ ആറന്മുള പൊലീസ് കേസ് എടുത്തിട്ടുണ്ടെന്നും റിപ്പോർട്ടിൽ വ്യക്തമാക്കുന്നു. 2024 സെപ്റ്റംബർ 11ന് പ്രസിദ്ധീകരിച്ച മനോരമ റിപ്പോർട്ടിന്റെ സ്ക്രീൻഷോട്ട് ചുവടെ കാണാം. 'ക്വട്ടേഷൻ സംഘത്തെ അനുകരിച്ച് പ്ലസ്ടു വിദ്യാർഥിക്ക് ക്രൂരമർദനം; സഹപാഠികൾക്കെതിരേ കേസ്' എന്ന തലകെട്ടോടെ 2024 സെപ്റ്റംബർ 12ന് മാതൃഭൂമി.കോം സംഭവം റിപ്പോർട്ട് ചെയ്തിട്ടുണ്ട്. സഹപാഠിയോട് സംസാരിച്ചന്ന് ആരോപിച്ചാണ് വിദ്യാർഥിയെ നാരങ്ങാനം സ്വദേശിയായ വിദ്യാർത്ഥി മർദ്ദിച്ചതെന്ന് പൊലീസ് പറഞ്ഞതായി മാതൃഭൂമി ന്യൂസ് റിപ്പോർട്ട് ചെയ്തിട്ടുണ്ട്. ഈ റിപ്പോർട്ട് ഇവിടെ വായിക്കാം. സംഭവവുമായി ബന്ധപ്പെട്ട കൂടുതൽ വ്യക്തതയ്ക്കായി ഞങ്ങൾ ആറന്മുള പൊലീസ് സ്റ്റേഷനിൽ ബന്ധപ്പെട്ടു. "കോഴഞ്ചേരി സ്കൂളിൽ നടന്ന മർദ്ദനത്തിൽ വർഗീയമോ മതപരമോ ആയ വിഷയങ്ങളില്ല. ഇതിൽ മുസ്ലിം മതസ്ഥരായ കുട്ടികളാരും ഉൾപ്പെട്ടിട്ടില്ല. മർദ്ദിച്ച മൂന്ന് വിദ്യാർത്ഥികളും ഹിന്ദു മതസ്ഥരാണ്. കൂടെ പഠിക്കുന്ന പെൺകുട്ടിയോട് സംസാരിച്ചതുമായി ബന്ധപ്പെട്ട തർക്കമാണ് മർദ്ദനത്തിന് കാരണം" എന്ന് ആറന്മുള പൊലീസ് ഇന്ത്യാ ടുഡേയോട് വ്യക്തമാക്കി. ലഭ്യമായ വിവരങ്ങളിൽ നിന്നും പ്രചാരത്തിലുള്ള വീഡിയോ നബിദിന റാലിയുമായി ബന്ധപ്പെട്ട തർക്കമല്ലെന്നും സഹപാഠിയോട് സംസാരിച്ചതുമായി ബന്ധപ്പെട്ട പ്രശ്നമാണെന്നും വ്യക്തമായി. നബിദിന റാലിയിൽ സഹകരിക്കില്ലെന്ന് പറഞ്ഞ ഹിന്ദു വിദ്യാർത്ഥിയെ മർദ്ദിക്കുന്ന മുസ്ലിം സഹപാഠി. സംഭവത്തിന് വർഗീയ വശങ്ങളില്ല. സഹപാഠിയായ പെൺകുട്ടിയോട് സംസാരിച്ചതുമായി ബന്ധപ്പെട്ട തർക്കമാണ് മർദ്ദനത്തിലെത്തിയത്. മർദ്ദിച്ച വിദ്യാർത്ഥി ഹിന്ദുവാണ്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software