About: http://data.cimple.eu/claim-review/cf376de1799bf49b523bf111aa8668b4b58d686bda24b8da22c93bdf     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പുതുപ്പള്ളി ഉപതിരഞ്ഞെടുപ്പിന്റെ പരസ്യപ്രചാരണം അവസാനിപ്പിച്ചുകൊണ്ട് സെപ്റ്റംബര് മൂന്നിന് നടന്ന കൊട്ടിക്കലാശത്തില് പങ്കെടുക്കുന്ന ഡിവൈഎഫ്ഐ പ്രവര്ത്തകരുടെ ചിത്രം സമൂഹമാധ്യമങ്ങളില് പ്രചാരത്തിലുണ്ട്. തലയില് കാവി കൊടി കെട്ടിക്കൊണ്ട് ആര്എസ്എസ് പാട്ടുപാടുന്ന ഡിവൈഎഫ്ഐക്കാര് എന്ന രീതിയിലാണ് പോസ്റ്റുകള് പ്രചരിക്കുന്നത്. "പുതുപ്പള്ളിയില് എത്തിയപ്പോഴേക്കും ചുവപ്പ് നരച്ചു കാവിയായി" എന്നുള്ള കുറിപ്പിനൊപ്പം പ്രചരിക്കുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല് പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് വ്യക്തമായി. യഥാര്ഥ വീഡിയോയില് ചുവപ്പ് നിറത്തിലുള്ള സ്കാര്ഫ് ആണ് യുവാക്കള് തലയില് കെട്ടിയിട്ടുള്ളത്. സമാനമായ പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം "ആര്എസ്എസ് ഗണഗീതത്തിന്റെ താളത്തില് ജെയ്കിന് വേണ്ടി പാട്ടുപാടി വോട്ടു ചോദിച്ച് പ്രവര്ത്തകര്" എന്നുള്ള ക്യാപ്ഷനോടെ മീഡിയ വണ് നല്കിയ റിപ്പോര്ട്ടാണ് പ്രചാരിക്കുന്ന പോസ്റ്റിലുള്ളത്. ഇത്തരമൊരു റിപ്പോര്ട്ട് മീഡിയ വണ് നല്കിയിട്ടുണ്ടോ എന്ന വിവരമാണ് ഞങ്ങള് ആദ്യം പരിശോധിച്ചത്. സെപ്റ്റംബര് മൂന്നിന് ചാനലിന്റെ ഔദ്യോഗിക ഫേസ്ബുക്ക് പേജില് സമാനമായ വസ്ത്രധാരണത്തിലുള്ള യുവാക്കളുടെ വീഡിയോ നല്കിയിട്ടുണ്ട്. ഈ വീഡിയോയിലും ഓറഞ്ച് നിറത്തിലുള്ള സ്കാര്ഫാണ് യുവാക്കള് തലയില്കെട്ടിയിരിക്കുന്നതെന്ന് കാണാനാകും. എന്നാല് വീഡിയോയുടെ അടിക്കുറിപ്പ് "ജെയ്കിന് വേണ്ടി പാട്ടുപാടി വോട്ടു ചോദിച്ച് പ്രവര്ത്തകര്" എന്നാണ്. തുടര്ന്ന് ഞങ്ങള് മീഡിയ വണ് പോസ്റ്റിന്റെ എഡിറ്റ് ഹിസ്റ്ററി പരിശോധിച്ചപ്പോള് പോസ്റ്റ് എഡിറ്റ് ചെയ്തിട്ടുള്ളതായി കാണാനായി. വൈഎഫ്ഐ പ്രവര്ത്തകര് ആര്എസ്എസ് ഗണഗീതം പാടി എന്നായിരുന്നു മീഡിയ വണ് ആദ്യം നല്കിയത്. പിന്നീട് പോസ്റ്റ് തിരുത്തിയെങ്കിലും ആദ്യത്തെ കുറിപ്പാണ് പ്രചരിക്കുന്നത്. അതേസമം, മീഡിയ വണ് വീഡിയോയുടെ കമെന്റ് സെക്ഷനില് നിരവധിപ്പേര് യഥാര്ഥ വീഡിയോയിലുള്ളത് ചുവപ്പ് നിറമാണെന്ന് സൂചിപ്പിച്ചിട്ടുണ്ട്. വീഡിയോ വൈറലായതോടെ മീഡിയ വണ് ഒരു വിശദീകരണക്കുറിപ്പ് നല്കിയിട്ടുണ്ട്. പാട്ടുപാടുന്ന യുവാക്കളുടെ തലയില്കെട്ടിയ റിബണിന് ഓറഞ്ച് നിറമായത് വീഡിയോ ചിത്രീകരിച്ച ക്യാമറയുടെ സാങ്കേതിക തകരാരാണെന്നും ബോധപൂര്വമല്ലെന്നും മീഡിയ വണ് എഡിറ്റര് വിശദീകരിക്കുന്നു. കൂടാതെ യുവാക്കളുടെ പാട്ട് ആര്എസ്എസ് ഗണഗീതത്തോട് ഉപമിച്ചത് തെറ്റായ താരതമ്യമാണെന്നും വിശദീകരണക്കുറിപ്പിലുണ്ട്. ഇതിന്റെ പൂര്ണ്ണരൂപം താഴെ കാണാം. അതായത്, മീഡിയ വണ് നല്കിയ വിശദീകരണം അനുസരിച്ച് വീഡിയോ ചിത്രീകരിച്ച ക്യാമറയുടെ സാങ്കേതിക തകരാര് കാരണം യുവാക്കളുടെ തലയിലെ കെട്ടിന് നിറവ്യത്യാസം സംഭവിച്ചതാണ് കാവി നിറമായി തെറ്റിദ്ധരിക്കപ്പെടാന് കാരണമായത്. ഡിവൈഎഫ്ഐ പ്രവര്ത്തകര് കലാശക്കൊട്ടില് പങ്കെടുക്കുന്ന വീഡിയോ മറ്റ് മാധ്യമങ്ങളും പങ്കുവച്ചിട്ടുണ്ട്. ഇവ പരിശോധിച്ചതില് നിന്നും പ്രവര്ത്തകരുടെ തലയില് കെട്ടിയിട്ടുള്ളത് ചുവപ്പ് നിറത്തിലുള്ള സ്കാര്ഫ് ആണെന്ന് ഉറപ്പിക്കാനായി. കറുത്ത നിറമുള്ള ഷര്ട്ടും ചുവപ്പ് മുണ്ടും തലയില് ചുവപ്പ് കെട്ടുമാണ് ഇവരുടെ വേഷം. കോഴിക്കോട് നിന്നെത്തിയ സംഘത്തില്പ്പെട്ടതാണ് ഈ പ്രവര്ത്തകര്. 24 ന്യൂസ് നല്കിയ വീഡിയോ താഴെ കാണാം. അതേസമയം, ഇവര് പാടിയ ഗാനം ആര്എസ്എസിന്റെ ഗണ ഗീതത്തിന്റെ പാരഡിയാണെന്ന് പലരും സൂചിപ്പിച്ചിട്ടുണ്ട്. എന്നിരുന്നാലും ഇവരുടെ പാട്ടിന്റെ വരികള് പുതുപ്പള്ളിയിലെ ഇടതുപക്ഷ സ്ഥാനാര്ഥി ജെയ്ക്കിനെ വിജയിപ്പിക്കണമെന്ന രീതിയില് ചിട്ടപ്പെടുത്തിയതാണ്. തങ്ങള് സ്ഥിരമായി പാടുന്ന പാട്ടാണിതെന്ന് കോഴിക്കോടു നിന്നുള്ള ഡിവൈഎഫ്ഐ പ്രവര്ത്തകര് മാധ്യമങ്ങളോട് പറഞ്ഞിരുന്നു. സാധാരണ പാര്ട്ടി സമ്മേളനങ്ങള്ക്കും മറ്റും ഈ പാട്ട് പാടാറുണ്ട്. പുതുപ്പള്ളിയില് വന്നപ്പോള് ജെയ്കിനെ കുറിച്ചുള്ള വരികള് ചേര്ക്കുക മാത്രമാണ് ചെയ്തതെന്നാണ് യുവാക്കളുടെ വിശദീകരണം. ലഭ്യമായ വിവരങ്ങളില് നിന്ന് പുതുപ്പള്ളിയിലെ കൊട്ടിക്കലാശത്തില് DYFIക്കാര് കാവി പതാക തലയില് കെട്ടിയെന്ന രീതിയിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് വ്യക്തമായി. പുതുപ്പള്ളിയിലെ കൊട്ടിക്കലാശത്തില് പങ്കെടുത്ത DYFI പ്രവര്ത്തകര് ആര്എസ്എസിന്റെ കാവി പതാക തലയില്കെട്ടിയിരിക്കുന്നു. പുതുപ്പള്ളിയിലെ കൊട്ടിക്കലാശത്തില് പങ്കെടുത്ത DYFIക്കാര് ചുവന്ന നിറത്തിലുള്ള സ്കാര്ഫാണ് തലയില് കെട്ടിയിട്ടുള്ളത്. മീഡിയ വണ് ചാനലിന്റെ വീഡിയോയില് ക്യാമറയുടെ സാങ്കേതിക തകരാര് കാരണം നിറവ്യത്യാസം വന്നതാണെന്നും ബോധപൂര്വമായ തെറ്റല്ലെന്നും എഡിറ്ററുടെ വിശദീകരണമുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software