About: http://data.cimple.eu/claim-review/d0535c31bb362a999212b88c91a7d726adab521ba62ad7a7efffe174     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • വിദ്യാര്ഥികളിലെ വര്ധിച്ചു വരുന്ന ലഹരി ഉപയോഗവും അക്രമവാസനയും സമൂഹം ആശങ്കയോടെയാണ് കാണുന്നത്. എംഡിഎംഎ പോലുള്ള രാസലഹരി വസ്തുക്കളുമായി യുവാക്കള് പിടിയിലാകുന്നത് രക്ഷിതാക്കളുടെയും സ്കൂള് അധികൃതരുടെയും ആശങ്ക വര്ധിപ്പിച്ചിട്ടുണ്ട്. അതിനിടെ സ്കൂളുകളില് പുതിയ ഒരു ലഹരി വസ്തു കണ്ടെത്തിയെന്ന രീതിയില് ഒരു പോസ്റ്റ് സോഷ്യല് മീഡിയകളില് വൈറലാണ്. 'സ്ട്രോബെറി ക്വിക് ' എന്ന പേരില് അറിയപ്പെടുന്ന ഈ മയക്കുമരുന്നു മിഠായി വായിലിട്ടാല് പൊട്ടിത്തെറിക്കുമെന്നാണ് പോസ്റ്റുകളിലെ അവകാശവാദം. "സ്കൂളുകളില് പുതിയ മയക്കുമരുന്ന്... നിങ്ങള്ക്ക് സ്കൂളില് കുട്ടികള് ഇല്ലെങ്കില്പ്പോലും ഈ സന്ദേശം മറ്റുള്ളവരിലേക്ക് പങ്കിടുക. എല്ലാ മാതാപിതാക്കളും ഈ മയക്കുമരുന്നിനെക്കുറിച്ച് അറിഞ്ഞിരിക്കേണ്ടത് അത്യാവശ്യമാണ്. **'സ്ട്രോബെറി ക്വിക്'** എന്ന് അറിയപ്പെടുന്ന ഈ പുതിയ മയക്കുമരുന്ന് (ക്രിസ്റ്റല് മെത്ത്) സ്കൂള് മൈതാനങ്ങളില് കുട്ടികള്ക്കിടയില് വിതരണം ചെയ്യപ്പെടുന്നുണ്ട്. " എന്നു തുടങ്ങുന്ന ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വൈറല് ചിത്രം വര്ഷങ്ങള് പഴക്കമുള്ളതാണ്, മാത്രമല്ല 'സ്ട്രോബെറി ക്വിക് ' എന്ന മയക്കുമരുന്ന് മിഠായി കേരളത്തിലെ സ്കൂളുകളില് നിന്ന് കണ്ടെത്തിയിട്ടുമില്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം സ്ട്രോബറി ക്വിക് എന്ന മയക്കുമരുന്ന് മിഠായിയെപ്പറ്റി വളരെ വിശദമായി വൈറല് പോസ്റ്റില് പറയുന്നുണ്ട്. എന്നാല് ഇത് കണ്ടെത്തിയ സ്ഥലത്തെപ്പറ്റി വ്യക്തമാക്കുന്നില്ല. കേരളത്തിലെ സ്കൂളുകളിലാണ് മയക്കു മരുന്നു മിഠായി കണ്ടെത്തിയതെന്ന രീതിയില് പലരും കമന്റ് ചെയ്തിട്ടുണ്ട്. കേരളത്തിലെ സ്കൂളുകളില് 'സ്ട്രോബെറി ക്വിക്' എന്ന മയക്കുമരുന്ന് മിഠായി കണ്ടെത്തിയതായി വാര്ത്തകളുണ്ടോയെന്ന് പരിശോധിച്ചെങ്കിലും ഇതുസംബന്ധിച്ച റിപ്പോര്ട്ടുകളൊന്നും ലഭ്യമായില്ല. തുടര്ന്ന് വൈറല് പോസ്റ്റുകളിലുള്ള ചിത്രം ഞങ്ങള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് 2017 മാര്ച്ച് 7ന് 'ദി സണ്' സമാനമായ ചിത്രം ഉള്പ്പെടുത്തി പ്രസിദ്ധീകരിച്ച റിപ്പോര്ട്ട് ലഭിച്ചു. ഇംഗ്ലണ്ടിലെ മാഞ്ചെസ്റ്ററില് 'ടെഡി ബിയര് എക്സ്റ്റസി ഗുളികകള് കഴിച്ച്' 13 വയസുകാരായ നാല് സ്കൂള് വിദ്യാര്ത്ഥിനികളെ ആശുപത്രിയില് പ്രവേശിപ്പിച്ചതായാണ് വാര്ത്തയില് പറയുന്നത്. വൈതന്ഷാവിലെ സിവിക് സെന്ററിന് സമീപമാണ് സംഭവം നടന്നത്. നാലു കുട്ടികളെയും ആശുപത്രിയില് നിന്ന് ഡിസ്ചാര്ജ് ചെയ്തതായും കുട്ടികള്ക്ക് മിഠായികള് വിതരണം ചെയ്തയാളെ അറസ്റ്റ് ചെയ്തതായും വാര്ത്തയില് പറയുന്നുണ്ട്. ദി സണ് റിപ്പോര്ട്ടിന്റെ സ്ക്രീന്ഷോട്ട് ചുവടെ കാണാം. ദി സണ് വാര്ത്തയില് സ്ട്രോബെറി ക്വിക് എന്ന മയക്കുമരുന്നിനെ പറ്റി പറയുന്നില്ല. തുടര്ന്ന് ഞങ്ങള് കീവേര്ഡ് സെര്ച്ച് നടത്തിയപ്പോള് 2007 മുതല് ഇത്തരം പ്രചാരണങ്ങള് വ്യാപകമാണെന്ന് വ്യക്തമായി. യുഎസില് സ്ട്രോബെറി ക്വിക് മിഠായികള് വ്യാപകമാണെന്ന പ്രചാരണം ഉയര്ന്നതിനെ തുടര്ന്ന് 2007ല് യുഎസ് ഫാക്ട് ചെക്കിംഗ് വെബ്സൈറ്റായ സ്നോപ്സ് ഇതേപ്പറ്റി റിപ്പോര്ട്ട് നല്കിയിരുന്നു. യുഎസ് ഡ്രഗ് എന്ഫോഴ്സ്മെന്റ് അഡ്മിനിസ്ട്രേഷന്(DEA) വക്താവ് മൈക്കല് സാന്ഡേഴ്സ്, ദി ഓഫിസ് ഓഫ് നാഷണല് ഡ്രഗ് കണ്ട്രോള് പോളിസി(ONDCP) വക്താവ് ടോം റൈലി എന്നിവരെ ഉദ്ധരിച്ച് സ്നോപ്സ് നല്കിയ റിപ്പോര്ട്ടില് മയക്കുമരുന്ന് കലര്ത്തിയ മിഠായിയെപ്പറ്റി ഒരു ലാബ് ടെസ്റ്റിലും കണ്ടെത്തിയിട്ടില്ലെന്ന് വ്യക്തമാക്കുന്നുണ്ട്. ഇത്തരം മയക്കുമരുന്ന് മിഠായി കഴിച്ച് ആരും തന്നെ ഗുരുതരാവസ്ഥയില് ആശുപത്രിയില് കിടന്നതായോ കുട്ടികള്ക്ക് ഇത് വിതരണം ചെയ്തതായോ റിപ്പോര്ട്ട് ചെയ്തിട്ടില്ലെന്നും വാര്ത്തയില് പറയുന്നു. 2017ല് സ്നോപ്സ് നല്കിയ മറ്റൊരു റിപ്പോര്ട്ടില് ഇപ്പോള് വൈറലായ ചിത്രത്തെ പറ്റി പറയുന്നുണ്ട്. മയക്കുമരുന്നുകളെപ്പറ്റി പ്രതിപാദിക്കുന്ന വെബ്സൈറ്റിലാണ് 2016ല് ഈ ചിത്രം ആദ്യം കണ്ടെത്തിയതെന്നും റിപ്പോര്ട്ടിലുണ്ട്. കേരളത്തില് ഇത്തരം മിഠായികള് വിതരണം ചെയ്യുന്നുണ്ടോ എന്ന വിവരവും ഞങ്ങള് പരിശോധിച്ചു. കേരള പൊലീസ്, എക്സൈസ് അധികൃതരെ ബന്ധപ്പെട്ടപ്പോള് ഇത്തരം സംഭവങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ലെന്ന് ഉറപ്പിക്കാനായി. കേരള എക്സൈസ് സോഷ്യല് മീഡിയ കോര്ഡിനേറ്റര് നല്കിയ വിവരമനുസരിച്ച് സ്കൂളുകളില് ലഹരി മരുന്ന് വിതരണം ചെയ്ത സംഭവമൊന്നും അടുത്തിടെ ഉണ്ടായിട്ടില്ല. "വൈറല് പോസ്റ്റുകള് വ്യാപകമായി ഷെയര് ചെയ്യപ്പെടുന്നത് ശ്രദ്ധയില് വന്നിരുന്നു, എന്നാല് ഇത്തരം മിഠായികളെപ്പറ്റി ഒരു സ്കൂളില് നിന്നും പരാതി ലഭിച്ചിട്ടില്ല. വിമുക്തി സെല്ലിലും, എക്സൈസ് ഐടി സെല്ലിലും ഇത്തരം വിവരങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല." എക്സൈസ് അധികൃതര് ഇന്ത്യാ ടുഡേയോട് സ്ഥിരീകരിച്ചു. അരുണാചല്പ്രദേശില് 'സ്ട്രോബെറി ക്വിക് ' മയക്കുമരുന്ന് മിഠായികള് വ്യാപകമാണെന്ന് പ്രചരിച്ചിരുന്നു. എന്നാല് ഇത്തരം സന്ദേശങ്ങള് തെറ്റാണെന്ന് അരുണാചല്പ്രദേശ് പൊലീസ് സ്ഥിരീകരിച്ചിട്ടുണ്ട്. ലഭ്യമായ വിവരങ്ങളില് നിന്ന് വൈറല് പോസ്റ്റുകളില് പറയുന്നതുപോലെ സ്കൂളുകളില് 'സ്ട്രോബെറി ക്വിക്' എന്ന മയക്കുമരുന്ന് മിഠായികള് വ്യാപകമാണെന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി. സ്കൂളുകളില് പുതിയ മയക്കുമരുന്ന് മിഠായി 'സ്ട്രോബെറി ക്വിക് ' വിതരണം വ്യാപകം. വര്ഷങ്ങളായി പ്രചാരത്തിലുള്ള ചിത്രമാണ് വൈറല് പോസ്റ്റിലുള്ളത്. കേരളത്തിലെ സ്കൂളുകളില് 'സ്ട്രോബെറി ക്വിക്' എന്ന പേരില് മയക്കു മരുന്നു മിഠായി കണ്ടെത്തിയിട്ടില്ലെന്ന് അധികൃതര് സ്ഥിരീകരിച്ചിട്ടുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software