| schema:text
| - Në Kosovë nuk ka rrugë me shpejtësi të pakufizuar të lëvizjes
Deklarata
Autobani në Kosovë pa limit. Ku gjendet kjo autostradë dhe nëse mund të na faktoni a është metvërtetë pa limit
Vlerësimi
Rrenë
Përshkrimin i videos “Autobani në Kosovë pa limit. Ku gjendet kjo autostradë dhe nëse mund të na faktoni a është metvërtetë pa limit” është i rremë. Në Kosovë nuk ka rrugë në të cilat nuk është e kufizuar shpejtësia e lëvizjes. Shpejtësia maksimale e lëvizjes në disa pjesë të Autostradave është 130 kilometra në orë. Kjo shpejtësi maksimale është e pjesë e Ligji për Rregullat e Trafikut Rrugor.
Artikulli
Më 19.05.2024, faqja në Facebook ‘Gazetavip.com’ (arkiva) ka publikuar një video material me përshkrimin “Autobani në Kosovë pa limit. Ku gjendet kjo autostradë dhe nëse mund të na faktoni a është metvërtetë pa limit”.
Në video është vendosur edhe një mbishkrim “Shenja PA LIMIT Ne Kosove/ Ishallah na run zoti o shofera mos u gutni”.
Kjo video është shikuar 480 mijë herë dhe ka marrë mbi 2 mijë reagime e rreth 900 komente.
Krypometër ka analizuar faktet që janë paraqitur në këtë video dhe ka verifikuar se në Kosovë nuk ekziston ndonjë rrugë që nuk ka kufizim të shpejtësisë së lëvizjes.
Krypometër ka kërkuar përgjigje nga Policia e Kosovës dhe nga Ministria e Mjedisit, Planifikimit Hapësinor dhe Insfrastrukturës në kuadër të së cilës është Departamenti i Rrugëve.
Policia e Kosovës, në një përgjigje me shkrim, ka thënë se është Ministria e Infrastrukturës ajo që i cakton rregullat e trafikut, duke përfshirë shpejtësinë maksimale të lëvizjes nëpër rrugët e Kosovës.
Ministria e Infrastrukturës, në përgjigjen e tyre, fillimisht kanë sqaruar se shenja e komunikacionit që shihet në video nuk thotë se në atë rrugë nuk ka kufizim të shpejtësisë.
“Shenja ‘mbarim i të gjitha ndalesave’, tregon vendin në rrugë ku mbarojnë ndalesat-kufizimet të cilat kanë qenë më parë të vendosura në një pjesë të rrugës, siç janë shembujt ku ka punime në rrugë, devijime të trafikut për shkak të shembjeve etj”- thuhet në përgjigjen e Ministrisë.
Tutje, Ministria e Infrastrukturës ka shpjeguar se në Kosovë nuk ekziston asnjë segment rrugor i cili nuk e ka të përcaktuar kufizimin maksimal të shpejtësisë së lëvizjes.
“Në Kosovë në të gjitha rrugët ashtu dhe në Autoudhë nuk ekziston asnjë segment rrugor i cili nuk e ka të përcaktuar kufizimin maksimal të shpejtësisë së lëvizjes”- thuhet në përgjigjen e Ministrisë së Infrastrukturës.
Tutje ministria e Infrastrukturës ka thënë se shpejtësia maksimale e lëvizjes është e kufizuar edhe me Ligjit nr. 08/L-186 për Rregullat e Trafikut rrugor.
Krypometër, gjithashtu ka analizuar Ligjin për Rregullat e Trafikut Rrugor.
Neni 53 i këtil ligji thotë se në rrugë jashtë vendbanimit shoferit nuk i lejohet që të lëvizë me mjet me shpejtësi më të madhe sesa është e caktuar me shenjë të trafikut, e më së shumti: në autostradë- njëqindetridhjetë (130) km/orë; në motoudhë – njëqindedhjetë (110) km/h; në rrugë nacionale me dy shirita për një kah me ndarje fizike të shiritave rrugore- njëqind (100) km/h; në rrugë nacionale me një shirit të trafikut për një kah, në rrugë rajonale dhe në rrugë lokale- tetëdhjetë (80) km/h.
Ndërkaq shpejtësia e lejuar brenda vendbanimeve, sipas nenit 52, është pesëdhjetë (50) km/h, në qoftë se me shenja të trafikut nuk është e përcaktuar ndryshe.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)