| schema:text
| - Fact Check: ବାରାଣସୀରେ ଗଙ୍ଗା ଆରତୀ ସମୟରେ ହୋଇଥିବା ଶଙ୍ଖନାଦର ପୁରୁଣା ଭିଡିଓକୁ ମହାକୁମ୍ଭର ଦର୍ଶାଇ ଭାଇରାଲ କରାଯାଇଛି
ବିଶ୍ୱାସ ନ୍ୟୁଜ ଏହାର ଅନୁସନ୍ଧାନରେ ଜାଣିବାକୁ ପାଇଛି ଯେ ଭାଇରାଲ ହେଉଥିବା ଭିଡିଓଟି ପ୍ରାୟ ଦୁଇ ବର୍ଷ ପୁରୁଣା ଏବଂ ଏହା ବାରାଣସୀର। ପୁରୁଣା ଭିଡିଓଟିକୁ ମହାକୁମ୍ଭ ସହିତ ଯୋଡି ଏକ ଭ୍ରମାତ୍ମକ ଦାବି ସହିତ ସେୟାର କରାଯାଉଛି।
- By: Umam Noor
- Published: Jan 23, 2025 at 05:37 PM
ନୂଆଦିଲ୍ଲୀ (ବିଶ୍ୱାସ ନ୍ୟୁଜ)। ପ୍ରୟାଗରାଜରେ ଚାଲିଥିବା ମହାକୁମ୍ଭକୁ ନେଇ ସୋସିଆଲ ମିଡିଆରେ ବିଭିନ୍ନ ପ୍ରକାରର ପୋଷ୍ଟ ଭାଇରାଲ ହେଉଛି। ଏହି ସମ୍ପର୍କରେ ଏକ ଭିଡିଓ ଭାଇରାଲ ହୋଇଛି। ଏହି ଭାଇରାଲ ଭିଡିଓରେ, ମଞ୍ଚ ଉପରେ ଠିଆ ହୋଇଥିବା ଜଣେ ବ୍ୟକ୍ତି ଶଙ୍ଖ ବଜାଉଥିବାର ଶୁଣିବାକୁ ମିଳୁଛି। ପୋଷ୍ଟଟି ସେୟାର କରିଥିବା ୟୁଜର ଦାବି କରୁଛନ୍ତି ଯେ ଶଙ୍ଖନାଦର ଭିଡିଓଟି ହେଉଛି ମହାକୁମ୍ଭ ଉଦଘାଟନୀ ଉତ୍ସବର।
ବିଶ୍ୱାସ ନ୍ୟୁଜ ଏହାର ଅନୁସନ୍ଧାନରେ ଜାଣିବାକୁ ପାଇଛି ଯେ ଭାଇରାଲ ହେଉଥିବା ଭିଡିଓଟି ପ୍ରାୟ ଦୁଇ ବର୍ଷ ପୁରୁଣା ଏବଂ ଏହା ବାରାଣସୀର। ପୁରୁଣା ଭିଡିଓଟିକୁ ମହାକୁମ୍ଭ ସହିତ ଯୋଡି ଏକ ଭ୍ରମାତ୍ମକ ଦାବି ସହିତ ସେୟାର କରାଯାଉଛି।
ଭାଇରାଲ୍ ପୋଷ୍ଟରେ କ‘ଣ ଅଛି?
‘Wah Re Sindhi Wah’ ଫେସବୁକ୍ ପେଜ୍ ଭାଇରାଲ୍ ପୋଷ୍ଟକୁ ସେୟାର କରି ଲେଖିଛନ୍ତି, ” 2 ମିନିଟ୍ 49 ସେକେଣ୍ଡର ଶଙ୍ଖ ନାଦ Shankh naad——-2.49 ରେକର୍ଡ। କୁମ୍ଭ ମେଳାର ଉଦଘାଟନୀ ସମାରୋହରେ 2 ମିନିଟ୍ 49 ସେକେଣ୍ଡ ପର୍ଯ୍ୟନ୍ତ ଲଗାତାର ଶଙ୍ଖ ବଜାଇବା ପାଇଁ ଏକ ବିଶ୍ୱ ରେକର୍ଡ ସୃଷ୍ଟି ହେଲା। ଏହା ପ୍ରାଚୀନ ହିନ୍ଦୁ ଧର୍ମର ଶକ୍ତି।”
ପୋଷ୍ଟର ଆର୍କାଇଭ ଭର୍ସନକୁ ଏଠାରେ ଦେଖନ୍ତୁ।
ଅନୁସନ୍ଧାନ
ଆମେ ଅନୁସନ୍ଧାନ ଆରମ୍ଭ କରିବାକୁ ଯାଇ, ପ୍ରଥମେ ଭାଇରାଲ ହେଉଥିବା ଭିଡିଓଟିକୁ ଭଲଭାବେ ଦେଖିଲୁ। ଭିଡିଓର 54 ସେକେଣ୍ଡ ଫ୍ରେମରେ, ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଦେଖା ଯାଇ ପାରିବ। ସେହି ସମୟରେ, ଆମେ ଏହି ଭିଡିଓରେ VK ନ୍ୟୁଜ ନାମ ଲେଖାଥିବା ମଧ୍ୟ ଦେଖିଲୁ।
ଏହି ଆଧାରରେ, ଆମେ ଆମର ଯାଞ୍ଚ ଆରମ୍ଭ କରିଥିଲୁ ଏବଂ ଗୁଗୁଲରେ VK ନ୍ୟୁଜ ଖୋଜିଥିଲୁ। ଆମେ ଏହି ନାମରେ ଏକ ଭେରୀଫାଏଡ଼ ୟୁଟ୍ୟୁବ ଚ୍ୟାନେଲ୍ ପାଇଲୁ। 13 ଫେବୃଆରୀ 2023ରେ ଅପଲୋଡ୍ ହୋଇଥିବା ଏହି ଭିଡିଓ ସହିତ ଦିଆଯାଇଥିବା ସୂଚନା ଅନୁସାରେ, ଏହା ଗଙ୍ଗା ଘାଟର ଏକ ଭିଡିଓ।
ଆମେ ଫେବୃଆରୀ 13, 2023 ତାରିଖରେ ରାଷ୍ଟ୍ରପତିଙ୍କ ଭେରୀଫାଏଡ଼ ୟୁଟ୍ୟୁବ ଚ୍ୟାନେଲରେ ଏହି ଅବସରର ଏକ ଲାଇଭ୍ ଭିଡିଓ ପାଇଲୁ। ଭିଡିଓରେ କୁହାଯାଇଛି ଯେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବାରାଣସୀରେ ଗଙ୍ଗା ଆରତୀରେ ଯୋଗ ଦେଇଥିଲେ।
ଏହି ଅବସରର ଭିଡିଓ ଏଏନଆଇର ୟୁଟ୍ୟୁବ ଚ୍ୟାନେଲରେ ମଧ୍ୟ ଦେଖା ଯାଇ ପାରିବ। 13 ଫେବୃଆରୀ, 2023ରେ ଅପଲୋଡ୍ ହୋଇଥିବା ଏହି ଭିଡିଓରେ କୁହାଯାଇଛି ଯେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବାରାଣସୀର ଦଶାଶ୍ୱମେଧ ଘାଟରେ ଗଙ୍ଗା ଆରତୀ କରିଥିଲେ।
ଏହି ବିଷୟ ସହ ଜଡିତ ଖବର ଟାଇମ୍ସ ଅଫ୍ ଇଣ୍ଡିଆ ଏବଂ ଏଏନଆଇର ୱେବସାଇଟରେ ପଢ଼ିପାରିବେ।
ଭାଇରାଲ ଭିଡିଓ ସମ୍ପର୍କରେ ନିଶ୍ଚିତ କରିବା ପାଇଁ, ଆମେ ଗଙ୍ଗା ସେବା ନିଧିର ସଭାପତି ସୁଶାନ୍ତ ମିଶ୍ରଙ୍କ ସହିତ ଯୋଗାଯୋଗ କରିଥିଲୁ। ସେ ନିଶ୍ଚିତ କରିଛନ୍ତି ଯେ ଏହା ବାରାଣସୀରେ ଗଙ୍ଗା ଆରତୀର ଏକ ପୁରୁଣା ଭିଡିଓ।
ଏବେ ଭ୍ରମାତ୍ମକ ପୋଷ୍ଟ ସେୟାର କରିଥିବା ଫେସବୁକ୍ ପୃଷ୍ଠାର ସୋସିଆଲ ସ୍କାନିଂ କରିବାର ସମୟ ଥିଲା। ଆମେ ଦେଖିଲୁ ଯେ ‘Wah Re Sindhi Wah’ ପୃଷ୍ଠାକୁ 8.5 ଲକ୍ଷରୁ ଅଧିକ ଲୋକ ଅନୁସରଣ କରୁଛନ୍ତି।
ନିଷ୍କର୍ଷ: ବିଶ୍ୱାସ ନ୍ୟୁଜ ଏହାର ଅନୁସନ୍ଧାନରେ ଜାଣିପାରିଲା ଯେ ଭାଇରାଲ ହେଉଥିବା ଭିଡିଓଟି ପ୍ରାୟ ଦୁଇ ବର୍ଷ ପୁରୁଣା ଏବଂ ଏହା ବାରାଣସୀର ଅଟେ। ପୁରୁଣା ଭିଡିଓଟିକୁ ମହାକୁମ୍ଭ ସହିତ ଯୋଡି ଭ୍ରମାତ୍ମକ ଦାବି ସହିତ ସେୟାର କରାଯାଉଛି।
- Claim Review : ଶଙ୍ଖନାଦର ଏହି ଭିଡିଓ ମହାକୁମ୍ଭ ଉଦଘାଟନୀ ଉତ୍ସବର।
- Claimed By : FB Page- Wah Re Sindhi Wah
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)