| schema:text
| - Fact Check : રાહુલ ગાંધીની બેંગકોક ટ્રિપના નામે વાયરલ થયેલો આ બોર્ડિંગ પાસ એડિટેડ છે
વિશ્વાસ ન્યૂઝે વાયરલ પોસ્ટની તપાસ કરી. તપાસમાં જાણવા મળ્યું કે વાયરલ બોર્ડિંગ પાસ એડિટેડ છે. એક ટ્રાવેલ બ્લોગરના 5 વર્ષ જૂના બોર્ડિંગ પાસને એડિટ કરીને જૂઠાણું ફેલાવવામાં આવી રહ્યું છે.
- By: Pallavi Mishra
- Published: Jun 12, 2024 at 01:26 PM
નવી દિલ્હી (વિશ્વાસ ન્યૂઝ) દેશમાં ચૂંટણીના માહોલ વચ્ચે કોંગ્રેસ નેતા રાહુલ ગાંધીને બદનામ કરવાના ઈરાદાથી એક બોર્ડિંગ પાસની તસવીર શેર કરવામાં આવી રહી છે, જેમાં કથિત રીતે તેમના નામે જારી કરાયેલ એક બેંગકોકની ફ્લાઈટનો 5 જૂનનો બોર્ડિંગ પાસ જોઈ શકાય છે.
વિશ્વાસ ન્યૂઝે વાયરલ પોસ્ટની તપાસ કરી. તપાસમાં જાણવા મળ્યું કે વાયરલ બોર્ડિંગ પાસ એડિટેડ છે.
શું થઈ રહ્યું છે વાયરલ?
ફેસબુક યુઝર Rajesh Grewal (આર્કાઇવ)એ 3 જૂને એક બોર્ડિંગ પાસનો ફોટો શેર કર્યો. તેના પર રાહુલ ગાંધીનું નામ લખેલું હતું અને સાથે બેંગકોકનું ડેસ્ટિનેશન હતું. આ તસવીરને શેર કરતા તેમણે લખ્યું, ”5 જૂનની ટિકિટ પણ બનાવી લીધી તમારા ખટા ખટે તો. રાહુલ ગાંધીએ 5 જૂને તેમના નાનીના ઘરની ટિકિટ કરાવી લીધી છે. સ્કૂલની રજાઓ પડી ગઈ છે, નાનીના ઘરે જવાનું તો બને છે.”
તપાસ
આ પોસ્ટની તપાસ કરવા માટે અમે સૌથી પહેલા આ તસવીરને યોગ્ય રીતે જોઈ. તેમાં ભારતથી બેંગકોક જતી વિસ્તારાની ફ્લાઈટનો બોર્ડિંગ પાસ બતાવવામાં આવ્યો છે, જેના પર રાહુલ ગાંધીનું નામ લખેલું છે. આ બોર્ડિંગ પાસ 5 જૂન, 2024ના રોજ રવાના થવાનો છે, જે લોકસભા ચૂંટણીના પરિણામોની જાહેરાતના એક દિવસ પછી છે. આ બોર્ડિંગ પાસ બિઝનેસ ક્લાસ માટે છે.
સર્ચ કરતાં અમને જાણવા મળ્યું કે ઓનલાઈન બોર્ડિંગ પાસ 24થી 48 કલાક પહેલા આપવામાં આવે છે. વાયરલ તસવીર જેવી હાર્ડ કોપી તમને એરપોર્ટ કાઉન્ટર પર ચેક-ઈન કર્યા પછી જ મળે છે.
આવી સ્થિતિમાં અમને શંકા થઈ કે બની શકે છે કે આ બોર્ડિંગ પાસ એડિટેડ હોય. ગૂગલ રિવર્સ ઈમેજ દ્વારા સર્ચ કરતાં અમને આ બોર્ડિંગ પાસની તસવીર 9 ઓગસ્ટ 2019ના રોજ ‘લાઈવ ફ્રોમ અ લાઉન્જ’ પર પ્રકાશિત થયેલા એક બ્લોગ લેખમાં મળી. પરંતુ અહીં જોવા મળેલા બોર્ડિંગ પાસમાં પેસેન્જરનું નામ, ડેસ્ટિનેશન અને તારીખ અલગ હતી. આ બોર્ડિંગ પાસમાં આ વેબસાઇટના સ્થાપક અને સંપાદક અજય અવતાનીનું નામ હતું અને તારીખ 6 ઓગસ્ટ, 2019ની હતી. આ પાસ દિલ્હીથી સિંગાપોરની ફ્લાઈટનો હતો.
વાયરલ તસવીર અને આ બ્લોગમાં હાજર બોર્ડિંગ પાસમાં સમાનતાઓ નીચે આપેલા કોલાજમાં જોઈ શકાય છે.
અમે આ બાબતે આ બ્લોગના રાઈટર અને આ વેબસાઈટના ફાઉન્ડર અજય અવતાણી સાથે સંપર્ક કર્યો. અમારા મેઈલનો જવાબ આપતા તેમણે જણાવ્યું કે આ તસવીર એડિટેડ છે. અસલી બોર્ડિંગ પાસ તેમનો હતો.
અમે આ બાબતે કોંગ્રેસના પ્રવક્તા પ્રણવ ઝા સાથે પણ સંપર્ક કર્યો, જેમણે તેને ફેક ગણાવતા કહ્યું, ”બોર્ડિંગ પાસ 24 કલાક પહેલા જારી કરવામાં આવતા નથી. સરકાર વિપક્ષી નેતાઓ વિરુદ્ધ ખોટી માહિતી ફેલાવતા રોકવા માટે કંઈ કરી રહી નથી. એસએમ નિયમોને લાગુ કરવાની અને નકલી સમાચારો ફેલાવનારાઓને સજા કરવાની જરૂર છે.”
આ વાયરલ પોસ્ટને Rajesh Grewal નામના ફેસબુક યુઝરે શેર કરી હતી. પ્રોફાઈલ મુજબ, યુઝર હરિયાણાના ભિવાનીના રહેવાસી છે.
निष्कर्ष: વિશ્વાસ ન્યૂઝે વાયરલ પોસ્ટની તપાસ કરી. તપાસમાં જાણવા મળ્યું કે વાયરલ બોર્ડિંગ પાસ એડિટેડ છે. એક ટ્રાવેલ બ્લોગરના 5 વર્ષ જૂના બોર્ડિંગ પાસને એડિટ કરીને જૂઠાણું ફેલાવવામાં આવી રહ્યું છે.
- Claim Review : રાહુલ ગાંધીનો બેંગકોકની ફ્લાઈટનો 5 જૂનનો બોર્ડિંગ પાસ
- Claimed By : Facebook User
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)