| schema:text
| - Pretendimi i rremë për përplasje mes Prokurorisë dhe Policisë
Deklarata
Kosova për një çast i shpëtoi një kaosit të madh, Prokuroria kishte bllokuar votat e diasporës dhe me urdhër kishte nisur agjentët për ti marrë votat por, njesiti special Rosu, kishte blinduar vendin duke mos lejuar që askush të futet tek votat e diasporës, policia e Kosovës për një çast të vogël do të vinte në përplasje të ashpër mes prokurorisë dhe Ministris së brendshme, ku Policia nuk e përfilli urdhërin e prokurorisë për dorëzimin e votave të diasporës
Vlerësimi
Rrenë
Është i rremë postimi që thot “Kosova për një çast i shpëtoi një kaosit të madh, Prokuroria kishte bllokuar votat e diasporës dhe me urdhër kishte nisur agjentët për ti marrë votat por, njesiti special Rosu, kishte blinduar vendin duke mos lejuar që askush të futet tek votat e diasporës, policia e Kosovës për një çast të vogël do të vinte në përplasje të ashpër mes prokurorisë dhe Ministris së brendshme, ku Policia nuk e përfilli urdhërin e prokurorisë për dorëzimin e votave të diasporës”. Kryeprokurori i Prokurorisë së Prishtinës, Zejnullah Gashi ka thënë se Prokuroria nuk i ka bllokuar votat e diasporës dhe se raportimet janë spekulime. Policia e Kosovës dhe Komisioni Qendror i Zgjedhjeve nuk kanë publikuar asnjë njoftim për bllokim të votave të diasporës.
Artikulli
Më 10.02.2025, faqja në Facebook Lajme Nga Bota (arkiva) ka publikuar një postim me pretendimin se Prokuroria ka bllokuar votat e diasporës nga Zgjedhjet parlamentare të 9 shkurtit 2025.
“Kosova për një çast i shpëtoi një kaosit të madh, Prokuroria kishte bllokuar votat e diasporës dhe me urdhër kishte nisur agjentët për ti marrë votat por, njesiti special Rosu, kishte blinduar vendin duke mos lejuar që askush të futet tek votat e diasporës, policia e Kosovës për një çast të vogël do të vinte në përplasje të ashpër mes prokurorisë dhe Ministris së brendshme, ku Policia nuk e përfilli urdhërin e prokurorisë për dorëzimin e votave të diasporës”- thuhet në postim.
Në lidhje me këtë rast, Krypometër ka kontaktuar me kryeprokurorin e Prishtinës, Zejnullah Gashi i cili ka thënë se Prokuroria nuk i ka bllokuar votat e diasporës.
“Këto janë spekulime.”- ka thënë Gashi rreth postimit në faqen Lajme Nga Bota (arkiva).
Më tej, Krypometër ka kontrolluar faqen zyrtare të Policisë së Kosovës në Facebook dhe atë të Komisionit Qendror të Zgjedhjeve, por aty nuk është publikuar asnjë njoftim për bllokim të votave të diasporës.
Krypometër ka kontaktuar edhe me Policinë e Kosovës, të cilët kanë thënë se informacioni është i rremë.
“Referuar kërkesës suaj ju informojmë se nuk qëndron ky lajm dhe se nuk ka pasur situatë të tillë”- thuhet në përgjigjen e Zyrës për Informim të Policisë së Kosovës dhënë për Krypometër.
Po atë ditë kur është publikuar pretendimi, disa media vendore kanë raportuar se Prokuroria ka dhënë urdhër që të mos preket asgjë në Komisonin Qendror të Zgjedhjeve (KQZ), por këto pretendime për bllokim të objektit të KQZ ishin demantuar nga Prokuroria e Prishtinës, Prokuroria Speciale dhe Policia e Kosovës.
Kosova, më 09.02.2025, ka mbajtur Zgjedhjet nacionale. Në këto Zgjedhje garuan 1,280 kandidatë nga 28 subjekte politike.
Katër partitë më të mëdha në vend, të cilat njëherësh fituan më shumë vota, janë: Lëvizja Vetëvendosje (LVV), Partia Demokratike e Kosovës (PDK), Lidhja Demokratike e Kosovës (LDK) dhe Koalicioni i Aleanca për Ardhmërinë e Kosovës- NISMA- Konservatorët- Intelektualët- Lista Ideal patën nga 110 kandidatë për deputetë.
Ndërsa, Koalicioni për Familjen, parti që nuk e kaloi pragun sipas rezultateve preliminare, pati 72 kandidatë për deputet.
Me 99.17% të votave të numëruara, Vetëvendosje renditet e para me 339,350 vota, apo 40.83%.
Partia Demokratike e Kosovës, sipas këtyre rezultateve, ka marrë 22.15% të votave, apo 184,087 vota. Lidhja Demokratike e Kosovës është e treta deri më tani, me 17.59%, apo 146,241 vota. Koalicioni AAK- NISMA kanë 7.47% të votave, apo 62,066.
Sipas KQZ, rezultatet preliminare nuk përfshijnë: votat me kusht, votat e personave me nevoja të veçanta dhe votat jashtë Kosovës.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)