| schema:text
| - Fact Check: अभिनेता गोविंदा यांचा बागेश्वर धामला जातानाचा व्हायरल होत असलेला व्हिडिओ संपादित करण्यात आला आहे
गोविंदा बागेश्वर धामला जात असल्याचा व्हायरल व्हिडिओ संपादित करण्यात आला आहे. या व्हायरल व्हिडिओला वेगवेगळे व्हिडिओ जोडून तयार करण्यात आले आहे. दोन्ही मूळ व्हिडिओ जुने आहेत. त्यांच्या वर्तमानाशी काहीही संबंध नाही.
- By: Jyoti Kumari
- Published: Nov 24, 2023 at 06:07 PM
नवी दिल्ली (विश्वास न्यूज). अभिनेता गोविंदा बगेश्वर धामला जातानाचा एक व्हिडिओ सध्या सोशल मीडियावर व्हायरल होत आहे. या व्हिडिओमध्ये गोविंदा त्यांच्या पत्नीसोबत दिसत आहे. या व्हिडिओमध्ये दोघांनाही पूजेची थाळी पकडलेले पाहिले जाऊ शकते. आता काही वापरकर्ते हा व्हिडिओ शेअर करून दावा करत आहेत की, गोविंदा बगेश्वर धामला पोहोचले आहेत.
विश्वास न्यूजच्या एका सर्वेक्षणात हा दावा खोटा असल्याचे समोर आले आहे. या व्हायरल व्हिडिओमध्ये वेगवेगळे व्हिडिओ जोडण्यात आले आहेत. या व्हायरल व्हिडिओमध्ये वापरण्यात आलेले दोन्ही व्हिडिओ जुने आहेत. ज्यांना आता खोट्या दाव्यांसह व्हायरल केले जात आहेत.
काय होत आहे व्हायरल?
‘Bageshwar Dham Sarkar’ या फेसबुक पेजने 14 नोव्हेंबर 2023 रोजी व्हायरल व्हिडिओला शेअर करताना कॅप्शनमध्ये लिहिले आहे, “गोविंदा पोहोचले बागेश्वर धाम. bageshwar dham sarkar. बागेश्वर धाम सरकार. bageshwar #bageshwardhamlive”
व्हायरल व्हिडिओची संग्रहित लिंक इथे पाहता येईल.
तपास
व्हायरल व्हिडिओचा तपास करण्यासाठी आम्ही प्रथम संबंधित कीवर्डसह गुगलवर ओपन सर्च केला. आम्हाला व्हायरल दाव्याची पुष्टी करणारी कोणतीही विश्वासार्ह बातमी सापडली नाही.
तपास पुढे नेऊन, आम्ही गुगल इमेजवर व्हायरल व्हिडिओच्या पहिल्या व्हिडिओचा स्क्रीनशॉट शोधला. आम्हाला हा व्हिडिओ वेगवेगळ्या ठिकाणी वेगवेगळ्या वर्षांमध्ये अपलोड केलेला आढळला. यूट्यूब चॅनलवर ‘baksterier0′ नावाचा सर्वात जुना व्हिडिओ सापडला. 23 नोव्हेंबर 2015 रोजी अपलोड केलेल्या व्हिडिओमध्ये व्हायरल व्हिडिओचा भाग स्पष्टपणे ऐकू येतो. हा व्हिडिओ हनुमान जयंतीचा असल्याची माहिती देण्यात आली आहे.
हा व्हिडिओ ‘स्टुडिओ शिव’च्या अधिकृत यूट्यूब चॅनेलवरही पाहता येईल. 11 सप्टेंबर 2018 रोजी अपलोड केलेल्या व्हिडिओसह दिलेल्या माहितीनुसार, “कष्टभंजन देव हनुमानजी सारंगपूरचे भक्त, फिल्मस्टार गोविंदा, सारंगपूर हनुमान यांच्या दर्शनासाठी नियमितपणे येतात. श्री सारंगपूर हनुमानजींच्या कृपेचे स्मरण करून गोविंदाजी भावूक झाले आणि नंतर आनंदाने नाचू लागले.”
इतर अनेक यूट्यूब चॅनेलवर देखील हा व्हिडिओ अपलोड करण्यात करण्यात आलेला आढळला. दरम्यान, हा व्हायरल व्हिडिओ नेमका केव्हाचा आणि कुठला आहे, याची अधिकृत पुष्टी ‘विश्वास न्यूज’ने केलेली नाही. मात्र, हा व्हिडिओ जुना असल्याचे आमच्या तपासातून स्पष्ट झाले आहे.
या व्हिडिओमध्ये वापरण्यात आलेला दुसरा व्हिडिओ आम्ही तपासला. संबंधित कीवर्डसह व्हिडिओचा शोध घेतला. दरम्यान, आम्हाला या व्हिडिओशी संबंधित बातमी अनेक वेबसाईटवर मिळाली. 10 ऑगस्ट 2021 रोजी ‘सियासत डेली‘च्या अधिकृत यूट्यूब चॅनेलवर अपलोड केलेल्या व्हिडिओ अहवालानुसार, “अभिनेता गोविंदा आणि त्यांची पत्नी चारमीनारमधील भाग्यलक्ष्मी मंदिरात दर्शनासाठी पोहोचले होते. दोघांनी मिळून पूजा-पाठ केला.
10 ऑगस्ट 2021 रोजी ‘telugu. abplive. com’ वेबसाइटवर प्रकाशित झालेल्या बातमीमध्ये व्हिडिओ माहिती वाचली जाऊ शकते. या बातमीनुसार, “बॉलिवूड अभिनेता गोविंदा आणि त्यांची पत्नी अचानक भाग्यलक्ष्मी मंदिरात पोहोचले. त्यांनी देवी भाग्यलक्ष्मीला साडी अर्पण केली आणि पूजापाठ केला.
व्हिडिओशी संबंधित बातमी, इतर अनेक न्यूज वेबसाइटवर वाचली जाऊ शकते. याआधीही, अभिनेता गोविंदा बगेश्वर धामला भेट देतानाचा एक व्हिडिओ सोशल मीडियावर शेअर करण्यात आला होता. ज्याचा तपास ‘विश्वास न्यूज’ने केला होता. आपण त्या फॅक्ट चेकचा अहवाल येथे वाचू शकता.
आम्ही नईदुनियाच्या छतरपूरचे ब्युरो चीफ भरत शर्मा यांच्याशी संपर्क साधला. त्यांनी हा दावा फेटाळून लावला आहे. ते म्हणाले की, जर एखादा अभिनेता येथे आला असता, तर त्यांना नक्कीच त्याबद्दल माहिती मिळाली असती.
तपासाच्या शेवटी आम्ही चुकीच्या दाव्यासह संपादित केलेला व्हिडिओ शेअर करणाऱ्या पेजचा तपास केला. या पेजला 42 हजार फॉलोअर्स आहेत. या पेजवरून बहुतेक बागेश्वर धामशी संबंधित पोस्ट शेअर केल्या जातात.
निष्कर्ष: गोविंदा बागेश्वर धामला जात असल्याचा व्हायरल व्हिडिओ संपादित करण्यात आला आहे. या व्हायरल व्हिडिओला वेगवेगळे व्हिडिओ जोडून तयार करण्यात आले आहे. दोन्ही मूळ व्हिडिओ जुने आहेत. त्यांच्या वर्तमानाशी काहीही संबंध नाही.
- Claim Review : गोविंदा पोहोचले बागेश्वर धाम.
- Claimed By : फेसबुक पेज - Bageshwar Dham Sarkar
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)