| schema:text
| - Fact Check:ரொனால்டோ விராட் கோலியைப் புகழ்ந்து பேசும் இந்த வீடியோ எடிட் செய்யப்பட்ட ஒன்று
விஷ்வாஸ் நியூஸ் வைரலான வீடியோவை ஆய்வு செய்து, கிளிப் எடிட் செய்யப்பட்டிருப்பதைக் கண்டறிந்தது. அசல் பேட்டியில் விராட் கோலியை ரொனால்டோ எங்கும் குறிப்பிடவில்லை.
- By: Pallavi Mishra
- Published: Oct 21, 2024 at 01:20 PM
புது தில்லி (விஷ்வாஸ் நியூஸ்). இந்திய கிரிக்கெட் வீரர் விராட் கோலி கால்பந்து வீரர் கிறிஸ்டியானோ ரொனால்டோவை பல்வேறு சந்தர்ப்பங்களில் பாராட்டி வருகிறார். தற்போது ஒரு வீடியோ சமூக ஊடகங்களில் வைரலாகி வருகிறது, அதில் ரொனால்டோ தன்னை ஒரு கோலி ரசிகர் என்று கூறுவதாகக் கூறப்படுகிறது.
விஷ்வாஸ் நியூஸ் வைரலான வீடியோவை ஆய்வு செய்து, கிளிப் எடிட் செய்யப்பட்டிருப்பதைக் கண்டறிந்தது. அசல் பேட்டியில் விராட் கோலியை ரொனால்டோ எங்கும் குறிப்பிடவில்லை.
வைரலான பதிவில் என்ன இருக்கிறது
‘ராயஜி குமார்’ (ஆர்க்கைவ் லின்க்) என்கிற ஃபேஸ்புக் பயனர் இந்த வீடியோவை அக்டோபர் 11, 2024 அன்று பகிர்ந்துள்ளார். அதிலுள்ள விளக்கத்தில் அவர் எழுதியுள்ளதாவது, “விராட் கோலியைப் பற்றிய ரொனால்டோவின் எண்ணங்கள்.”
விசாரணை
இந்த இடுகையை குறித்து ஆராய, வைரல் வீடியோவின் கீஃப்ரேம்களை கூகுள் லென்ஸில் தேடினோம். காட்சிகளில், ரொனால்டோ பழுப்பு நிற Prada பிராண்ட் ஜாக்கெட் அணிந்திருக்கிறார். இந்த கீஃப்ரேமை எடுத்து, கூகுள் லென்ஸில் தேடியபோது, ரியோ ஃபெர்டினாண்டுடனான ரொனால்டோவின் நேர்காணலைக் காட்டுவதாகக் கூறி, இந்த தோற்றத்தைக் கொண்ட பல ரீல்கள் மற்றும் சிறு வீடியோக்களை நாங்கள் கண்டோம்.
இங்கிருந்து ஒரு குறிப்பை எடுத்து, முக்கிய வார்த்தைகளுடன் தேடினோம். ஃபெர்டினாண்டின் யூடியூப் சேனலான ‘ரியோ ஃபெர்டினாண்ட் பிரசண்ட்ஸ்’ இல் 12 செப்டம்பர், 2024 அன்று பதிவேற்றப்பட்ட ரொனால்டோ உடனான ரியோ ஃபெர்டினாண்டின் நேர்காணலின் முழு வீடியோவையும் நாங்கள் கண்டறிந்தோம். இந்த முழு வீடியோவையும் நாங்கள் பார்த்தோம், ஆனால் அதில் விராட் கோலியைப் பற்றி எங்கும் இல்லை.
இதன்பிறகு, கோலி குறித்து கிறிஸ்டியானோ ரொனால்டோ இப்படி ஏதாவது கூறியிருக்கிறாரா என்று முக்கிய வார்த்தைகள் மூலம் தேடினோம். அவருடைய அவ்வாறான எந்த ஒரு அறிக்கையையும் நாங்கள் எங்கும் காணவில்லை.
டைனிக் ஜாக்ரனின் விளையாட்டு செய்தி ஆசிரியர் அபிஷேக் திரிபாதியிடம் பேசினோம். இந்த வீடியோ கிளிப் கிறிஸ்டியானோ ரொனால்டோ மற்றும் ரியோ ஃபெர்டினாண்ட் ஆகியோருக்கு இடையேயான விவாதம் என்பதையும், மேலும் ரொனால்டோ இந்த முழு வீடியோவிலும் கோலியைக் குறிப்பிடவில்லை என்பதையும் அவர் உறுதிப்படுத்தினார்.
இந்த வைரலான வீடியோவை ராயஜி குமார் என்ற பேஸ்புக் பயனாளர் பகிர்ந்துள்ளார். பயனர் தனது தகவலை மறைத்துவிட்டார்.
முடிவு: விஷ்வாஸ் நியூஸ் தனது விசாரணையில் வைரலான வீடியோ எடிட் செய்யப்பட்ட ஒன்று என்பதைக் கண்டறிந்தது. அசல் வீடியோவில், ரொனால்டோ விராட் கோலியைக் குறிப்பிடவில்லை.
- Claim Review : விராட் கோலியை ரொனால்டோ பாராட்டிய வீடியோ
- Claimed By : பேஸ்புக் பயனர் 'ராயஜி குமார்'
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)