About: http://data.cimple.eu/claim-review/df53adc532a81b3f2a1902ad69ebde6074eff06b639987cd146fa7b5     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബംഗ്ലാദേശില് ഇടക്കാല സര്ക്കാര് വന്നതോടെ ഭരണ പ്രതിസന്ധിയെ തുടര്ന്നുണ്ടായ കലാപത്തിന് അയവ് വന്നിട്ടുണ്ട്. അതിനിടെ ബംഗ്ലാദേശ് കലാപത്തില് ആഹ്ലാദം പ്രകടിപ്പിച്ചുകൊണ്ട് തലശേരിയില് നടന്ന പ്രകടനം എന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് വൈറലാണ്. ബാന്റ് മേളത്തിന്റെ അകമ്പടിയോടെ നൃത്തം ചെയ്യുന്നവരെ വീഡിയോയില് കാണാം. "ബംഗ്ലാദേശ് ആട്ടിമറിയില് അല് : കേരളത്തിന്റെ ആഘോഷം തലശ്ശേരിയില്." എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം ചുവടെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. പാര്ലമെന്റ് തെരഞ്ഞെടുപ്പില് ഷാഫി പറമ്പില് വിജയിച്ചതിനെത്തുടര്ന്ന് തലശേരിയില് നടന്ന വിജയാഘോഷ പരിപാടിയില് നിന്നുള്ള വീഡിയോയാണിത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോ പങ്കുവച്ചിട്ടുള്ള ചില ഫേസ്ബുക്ക് പോസ്റ്റുകളുടെ കമെന്റ് സെക്ഷനില് ഇത് തെരഞ്ഞെടുപ്പ് വിജയാഘോഷമാണെന്ന് പറഞ്ഞിട്ടുള്ളതായി കണാം. തുടര്ന്ന് ഞങ്ങള് വീഡിയോ സൂക്ഷ്മമായി പരിശോധിച്ചു. മുസ്ലീം ലീഗിന്റെ പതാകയും ഷാഫി പറമ്പിലിന്റെ ചിത്രമുള്ള ടീ ഷര്ട്ടുകള് ധരിച്ചവരെയും വീഡിയോയില് അവ്യക്തമായി കാണാനാകുന്നുണ്ട്. ഈ സൂചന ഉപയോഗിച്ച് ഞങ്ങള് തലശേരിയിലുള്ള ചില മുസ്ലീം ലീഗ് നേതാക്കളെ ബന്ധപ്പെട്ടപ്പോള് വൈറല് വീഡിയോ ജൂണ് നാലിന് ഷാഫി പറമ്പില് വിജയിച്ചശേഷം യുഡിഎഫ് നടത്തിയ ആഘോഷ പ്രകടനത്തില് നിന്നുള്ളതാണെന്ന് ഉറപ്പിക്കനായി. മുസ്ലീം ലീഗ് കണ്ണൂര് ജില്ലാ വൈസ് പ്രസിഡന്റ് അഡ്വ. കെഎ ലത്തീഫ് നല്കിയ വിവരം അനുസരിച്ച് വൈറല് ഫേസ്ബുക്ക് പോസ്റ്റുകള് തെറ്റിദ്ധരിപ്പിക്കുന്നതാണ്. " ഇത് പാര്ലമെന്റ് തെരഞ്ഞെടുപ്പിന്റെ റിസള്ട്ട് വന്നശേഷം തലശേരിയിലെ പ്രവര്ത്തകര് നടത്തിയ ആഹ്ലാദപ്രകടനമാണ്. ഷാഫി പറമ്പില് വിജയിച്ചതിനെത്തുടര്ന്ന് ബസ് സ്റ്റാന്റ് പരിസരത്തേയ്ക്ക് യുഡിഎഫ് നടത്തിയ പ്രകടനത്തില് മുസ്ലീം ലീഗ് പ്രവര്ത്തകരും അണിചേരുന്ന ദൃശ്യമാണിത്. വീഡിയോയില് പച്ച നിറത്തിലുള്ള ഷര്ട്ട് ധരിച്ച് സ്കൂട്ടറില് ഇരിക്കുന്നത് കെ.എം ഹബീബാണ്. നൃത്തം ചെയ്യുന്നവരില് വെളുത്ത ഷര്ട്ടും മുണ്ടും ധരിച്ചിട്ടുള്ള പ്രായമായ ആള് തലശേരി മണ്ഡലം മുസ്ലീം ലീഗിന്റെ വൈസ് പ്രസിഡന്റ് വികെ. ഹുസൈന് എന്ന ആര്യ ഹുസൈനാണ്. " അഡ്വ. ലത്തീഫ് ഇന്ത്യാ ടുഡേയോട് പറഞ്ഞു. വൈറല് വീഡിയോയിലുള്ള കെഎം ഹബീബിന്റെയും ആര്യാ ഹുസൈന്റെയും കോണ്ടാക്ട് നമ്പരും അദ്ദേഹം ഞങ്ങള്ക്ക് കൈമാറി. തുടര്ന്ന് ഞങ്ങള് കെ.എം ഹബീബിനോട് സംസാരിച്ചു. " പാര്ലമെന്റ് തെരഞ്ഞെടുപ്പില് ഷാഫി പറമ്പില് വിജയിച്ചതിന്റെ ആഘോഷ പ്രകടനമാണിത്. തലശേരി മട്ടമ്പ്രം മസ്ജിദിന് സമീപം മുകുന്ദ് മല്ലൂര് റോഡിലേക്കുള്ള വളവിലാണ് ഈ വീഡിയോ ചിത്രീകരിച്ചത്. അതു വഴി കടന്നുപോകുന്ന കോണ്ഗ്രസ് പ്രവര്ത്തകരുടെ ജാഥ വരാന് വേണ്ടി മുസ്ലീം ലീഗിന്റെ പ്രവര്ത്തകര് കാത്തു നില്ക്കുകയായിരുന്നു. ഈ ഇടവേളയില് ബാന്റ് സംഘം കൊട്ട് തുടര്ന്നപ്പോഴാണ് പ്രവര്ത്തകര് താളത്തിനൊത്ത് തുള്ളിയത്. അന്ന് നരവധിപ്പേര് സമൂഹമാധ്യമങ്ങളിലൂടെ ഈ ആഘോഷ വീഡിയോകളും ചിത്രങ്ങളും പങ്കുവച്ചിരുന്നു. ഫേസ്ബുക്ക് പോസ്റ്റുകളില് പറയുന്നതുപോലെ തലശേരിയില് ബംഗ്ലാദേശ് വിഷയത്തില് യാതൊരു ആഘോഷവും നടന്നതായി അറിയില്ല. ജനങ്ങളെ തമ്മിലടിപ്പിക്കാന് ചിലര് നടത്തുന്നതാണ് ഇത്തരം ശ്രമങ്ങള്, " ഹബീബ് പറഞ്ഞു. വൈറല് വീഡിയോയ്ക്കൊപ്പം വിജയാഘോഷത്തിന്റെ മറ്റ് നിരവധി വീഡിയോകളും അദ്ദേഹം ഞങ്ങളുമായി പങ്കുവച്ചു. ഈ വീഡിയോകളിലും ഷാഫി പറമ്പിലിന്റെ ചിത്രമുള്ള ടീഷര്ട്ട് ധരിച്ചവരെ കാണാനാകുന്നുണ്ട്. അവയില് ചിലത് ചുവടെ കാണാം. വൈറല് വീഡിയോയില് നൃത്തം ചെയ്യുന്ന വികെ ഹുസൈന് ആണ് ഈ വീഡിയോയുടെ തുടക്കത്തില് മുദ്രാവാക്യം വിളിക്കുന്നത്. അദ്ദേഹവും ഇന്ത്യാ ടുഡേയോട് പ്രതികരിച്ചു. ഹബീബ് പറഞ്ഞതിന് സമാനമായ പ്രതികരണമാണ് ഹുസൈനും പങ്കുവച്ചത്. ഇരുവരും നല്കിയ വിവരം അനുസരിച്ച് ഗൂഗിള് മാപ്പില് തിരഞ്ഞപ്പോള് വൈറല് വീഡിയോ ചിത്രീകരിച്ച ലൊക്കേഷന് ലഭ്യമായി. ഇത് ചുവടെ കാണാം. വൈറല് വീഡിയോയുടെ പശ്ചാത്തലവും ഗൂഗിള് മാപ്പില് ലഭ്യമായ ദൃശ്യവും തമ്മില് സമാനതകളുണ്ട്. ഇവയുടെ താരതമ്യം ചുവടെ കാണാം. ബംഗ്ലാദേശ് അട്ടിമറിയുമായി ബന്ധപ്പെട്ട് തലശേരിയില് ആഘോഷങ്ങള് നടന്നതായി ശ്രദ്ധയില് വന്നിട്ടില്ലെന്ന് തലശേരി മുനിസിപ്പല് ചെയര്പേഴ്സണ് കെഎം ജെമുനാ റാണി പറഞ്ഞു. കേരളത്തില് മറ്റൊരു സ്ഥലത്തും ബംഗ്ലാദേശ് അട്ടമറിയുടെ പേരില് ആഘോഷ പരിപാടി നടന്നതായി റിപ്പോര്ട്ടുകളൊന്നുമില്ല. ലഭ്യമായ വിവരങ്ങളില് നിന്ന് ബംഗ്ലാദേശ് അട്ടിമറിയില് തലശേരിയില് നടന്ന ആഘോഷം എന്ന രീതിയില് പ്രചരിക്കുന്ന വീഡിയോ ഷാഫി പറമ്പില് എംപിയുടെ തെരഞ്ഞെടുപ്പ് വിജയാഘോഷത്തില് നിന്നുള്ളതാണെന്ന് വ്യക്തമായി. ബംഗ്ലാദേശ് അട്ടിമറിയില് തലശ്ശേരിയില് നടന്ന ആഘോഷം. വൈറല് വീഡിയോ ഷാഫി പറമ്പില് എംപിയുടെ തെരഞ്ഞെടുപ്പ് വിജയാഘോഷത്തില് നിന്നുള്ളതാണ്. ജൂണ് നാലിന് തലശേരി മട്ടമ്പ്രം മസ്ജിദിന് സമീപം നിന്ന് പകര്ത്തിയ വീഡിയോയാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software