| schema:text
| - Rrena se Policia e Kosovës vrau ‘7 terroristë’
Deklarata
jozyrtarisht 7 persona të vrarë nga Policia e Kosovës
Vlerësimi
Rrenë
Publikimi me titull “…jozyrtarisht 7 persona të vrarë nga Policia e Kosovës” është i rremë. Krypometër ka verifikuar me burime zyrtare se në këtë rast janë vrarë vetëm 3 persona nga Policia e Kosovës.
Artikulli
Faqja e Facebook, VOX News ka publikuar një lajm me titullin ‘Informacion i përditësuar / Jozyrtarisht janë 7 terroristë serbë të vrarë’.
Ky informacion është shpërndarë rreth orës 17:08 me 24.09.2023.
Në fotografi është vendosur përshkrimi se “situata vazhdon të jetën e tensionuar” dhe të në kinse citohet Policia e Kosovës.
Lajmi se janë vrarë 7 terroristë është i pavërtetë, sepse në bazë të informacioneve zyrtare të Policisë së Kosovës Krypometri ka verifikuar se Policia e Kosovës nuk ka pasur asnjëherë deklarim se janë vrarë 7 terroristë.
Në njoftimin më 24 shtator 2023, Policia e Kosovës ka konfirmuar se janë vrarë tre sulmues dhe gjashtë persona të tjerë janë arrestuar.
“Informacionet zyrtare të deritanishme konfirmojnë vrasjen e tre sulmuesve, arrestimin e një sulmuesi, arrestimin e katër personave të dyshuar të cilët janë hasur nën posedim të radiolidhjeve, si dhe identifikimin e një sasie të konsiderueshme të armeve, municionit dhe pajisjeve të ndryshme”- thuhej njoftimin e Policisë.
Edhe në njoftimin më 25 shtator 2023, Policia ka konfirmuar se janë vrarë 3 pjestarë nga sulmi terrorist.
“Referuar situatës së tensionuar dhe rrethanave të krijuara nga sulmet e vazhdueshme terroriste, zyrtarët policor në vetëmbrojtje janë detyruar të përdorin armët e zjarrit, ku gjatë shkëmbimit të zjarrit tre sulmues janë vrarë, ndërsa janë arrestuar dy sulmues të tjerë”- thuhej në postimin në Facebook faqen zyrtare të Policisë.
Më 24 shtator 2023 një sulm terrorist u krye në Banjskë të Zveçanit.
Afrim Bunjaku, rreshter i Policisë së Kosovës, u vra, një polic tjetër u plagos e një tjetër u lëndua nga ky sulm, ndërsa Policia u sulmua disa herë radhazi nga grupi terrorist deri sa këta të fundit ikën në drejtim të Serbisë.
Në ditën kritike Policia sekuestroi 24 automjete, dy autoblinda e arsenal të madh armatimi luftarak që i kishte grupi terrorist.
Tre persona nga ky grup u vranë e disa të tjerë u arrestuan. Trupat e tre të vrarëve iu dorëzuan më 30 shtator 2023 familjarëve të tyre, pas përfundimit të procedurave të nevojshme nga organet kompetente.
Përgjegjësinë për sulmin e ka marrë ish-nënkryetari i Listës Serbe, Millan Radoiçiq, i cili ka dhënë dorëheqje nga posti në partinë të cilës i përkiste.
Radoiçiq ka thënë se tërë skenarin e kishte bërë vet dhe askujt nuk i kishte treguar. Këto pretendime i njëjti i bëri përmes një letre të cilën e lexoi avokati i tij i autorizuar, Goran Petronijeviq.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)